Episode 22 Amaya or aus ki ajeeb chahat by Muntaha Arain

Episode 22
                     Amaya or aus ki ajeeb chahat by Muntaha Arain


Shadi k bad pehli bar zain or Anaya dawat par Amaya k ghar aae dining Area me sab dinner karne lage shams ap bhi khao na?
Anaya ause khane ka ishara karte hoe boli!
chachi shams ne tou kab ka khana kha liya ap log late aae he...
oh mera time ka paband sher zain muskuraya..
Shams uth kar apne kamre ki janib bhaga
sab chonke aise kiya ho gaya?
kuch hi seconds bad wo hath mein sheet pakre bhagte hoe Aya
Hamas chachu zain chachu ye dekhein shams ki drawing wo auneh apni drawing dikhane laga!
wao beautifull shams ki pehli drawing kitni achi he lagta he bhabi ap ka tiger Artist bane ga....
Me apne bete ko QURAN-E-HAFIZ banao ga Hamas Aliyan muskurate howe bola!
MASHALLAH ye tou achi baat he bhai jan!
Shams ap bare ho kar kiya ban'na chahte ho Anaya ne sawal kiya...
Me Army mein jaon ga Nana Abu ki Tarah brave officer bano ga sab aus ki baat par hans diye
par jo baba kahe ge wohi bano ga! wo chehre pe masoomiyat sajae bola
Ap Pardhai k sath sath QURAN PAK bhi hifz kar sakte ho beta Aliyan ause dekhte hoe bola
Ap agar mehnat se pardhe gein tou INSHALLAH Army officer bhi ban jae ge
Ab Aliyan muskuraya
khana bohat acha he bhabi sab kuch hamari pasand ka thankyou zain plate me shahi'tukre
nikalte howe bola..
wese Amu tum ne ye sab kab sekha tumhein tou chae tak nahi banane ati thi
hanw internet se recipe dekh kar Amaya ne gaon me chae banai thi ais bar haniya bhi medan me
kood padri sab kehka laga kar hansne lage
Acha tou ab ap sab mil kar mera mazaq banae ge? Amaya aik eyebrow opar chardhe boli
nahi nahi hamari kiya majal jo ap ka mazaq banae ham tou bas ap k khane ki taref kar rahe he
Anaya apni hansi dabae boli
wese zain Thnkyou ki koi zaroorat nahi he ye sab khana mene or haniya ne mill kar banaya he
Anaya tumhari favourite ice-cream tou khao ab tum devrani ho meri tangen dabwao gi mein tum se amaya shararti andaz me boli
Mein tumhara Gala na daba dun Anaya muskurai...
han please anaya naiki or poch poch aliyan foran bola...
acha janab bhai ki begum k samne ap free ho rahe he mujhe kis khushi me marna chahte he?
auf kitna bolti ho yr tum kabhi tou chup reh liya karo dekho zain bore hogaya he tumhari baton se ainda wo aae ga bhi nahi
anaya ko bahir hi chor k chala jaya kare ga k akeli jao tumhri dost ki baatein kon jhele Aliyan aus ki tang khenchne laga...
haaa! kuch bhi zain aesa bol hi nahi sakta he naa zain?
ofcourse bhabi meri kiya majal jo ap ko kuch bolun wo muskuraya...
zain bohat chamchagiri ho rahi he side me chalo tumhein batata hun aliyan pani ka sip lete howe ahista se bola...
dinner se free ho kar sab sitting area me behte baatein karne lage
sugad bahu jao chae bana kar lao amaya mazahiya lehje me anaya ko dekhte hoe boli!
ye kiya bat hoi tumhare ghar hum mehman aae he or tum mujhi se chae banwao gi its not fair
haha mazaq kar rahi hun baglol wo muskurai...
Aik dum kuch tootne ki awaz aai dekha tou fish aquarium k kanch k tukre zameen pe bikhre hoe the choti choti machliyan tarp tarp kar mar rahi thi...
ye kia kiya shams?
wo Baba boll lag lagai shams mau latkae bol hi raha tha k aliyan ne ause khamosh karwa diya
chup aik dam chup bohat hogaya har waqt sharartein kabhi aik jagah sakoon se bhi beht jaya karo ainda me tumhein masti karta na dekho par aliyan.....
Amaya aj tum bech me nahi bolo gi tum ne hi sar charhaya howa he apne ladle ko
shams rote hoe kamre ki janib bhaaga...
Bhai jan kiya kar rahe he ap wo bacha he abhi masti nahi kare ga tou kab karega ap ne rula diya ause kese rote hoe gaya he Hamas narmi se aliyan se bola...
Rone do kuch der roe ga khudi sojae ga ye kehte hoe aliyan wahan se chala gaya
Amaya shams k kamre me gai! or aus k pas ja k beht gai beta chup hojao wo aus k sar pe hath pherte howe boli
baba ghande he har waqt shams ko dandte he thek kehti hein Ramsha chachi baba mujh se piyar nahi karte wo ap ko bhi dandt'te he wo chehre pe hath rakhe rote hoe bola...
Nahi meri jan baba ap se bohat piyar karte he jo ham se bohat piyar karte hen wo humein dandte bhi he or masti karne pe dandt sab ko parhti he
jab me choti thi mujhe bhi mere baba bohat dandt'te the or me ap ki tarah kehti thi baba ghande he mujhe har waqt dandte he but beta baba hamare bhale k liye dandte he
or agar bache koi mistake kare ge tou ham parents hi batae ge na k kiya sahi he or kiya galat or ap bahar lawn me khelte ainda khayal rakhna and baba loves you trust me!
wo khamoshi se sunta raha...amaya uth kar jane lagi aus ka hath shams ne pakara
Mama i'm sorry shams ainda khayal rakhe ga chehre pe masomiyat sajae wo amaya ko dekhne laga...
Aww mela baby amaya ause piyar karne lage...
Amaya kuch sochte howe wahan se uth kar chali gai
wo kamre me aai tou Aliyan seene pe hath bandhe khirdki k pas khadra tha
Aliyan whats wrong with you?
Ap achanak angry bird kiyun ban jate he? Aese koi dandt'ta he kiya?bacha he wo ap k dandtne se aus k dil me fazool khayalat ate he atleast shams ko ehsas tou dilaen k
ap aus se piyar karte he ab agar ap ne ause dandta tou mujh se bat na ki jiye ga ap bhi apne bachpan me sharart karte honge ap ko bhi dandt prhti hogi
or wo ap ka hi beta he shararten tou kare ga naa...
me aesi fazool qism ki koi sharartein nahi karta tha
hanw lag bhi raha he ap tou bachpan me bhi khadros hi hoge wo bed ki chadar thek karte hoe ahista se boli
wo tum pe gaya he tum karti hogi shararat or mar bhi khati hogi apne baba se or kiyon na dandto me mera beta he me jo marzi karo
acha wo ap ka beta he mera beta nahi he hanw?
nahi wo tumhara beta nahi he aliyan ne ghuse se jawab diya...
acha mera beta nahi he tou thek hen ab ap hi ause sumbhale ge or me yahan kiya kar rahi hun me chali jati ho ais ghar se wo tehdri nazron se aliyan ko dekhne lagi
jo seene pe hath bandhe khadra ause dekh raha tha....
tum ghar chor k jao gi tum sahi ho zara sa kuch keh do foran ghar chorne ki dhamki de deti ho so jao chup chap nahi kehta kuch tumhare ladle ko wo mau bana kar bola...
Amaya shams ko acha bura sab samjhati thi par aus k liye aliyan se larai bhi kar leti thi....
office k kam ki wajah se wo shams ko ziyada time nahi de paata tha...
Ab wo shower lene chala gaya
Side table pe rakha cell phone bajne laga
Aliyan ap ka phone baj raha he
tou utha lo mujhe kiyon bata rahi ho jasosi kar lo kahin phir kisi larki ka na ho
ap se tou bat karna hi bekar he
hanw shadi k kuch saalon bad husband bekar hi lagta he dono tarf se khoob jawabat ki bombari ho rahi thi
aufff me ja rahi hun ais kamre se mujhe ab larna nahi he
hanw tou me kon sa mar raha hun k tum mujh se laro wo apni kameez k button band karte hoe washroom se nikla
amaya uth kar jane lagi
ruko wo aik dum ruki ause laga aliyan ne ause jane se rook liya
wo mudri or muskurai mera cell phone deti jao or wo darwaza zara ahista band kar k jana
or darwaze pe kan laga kar mat khadri ho jana amaya ki hansi wahin gayab ho gai wo ghuse se ause dekhne lagi
meri personal call hogi wo hansi dabate hoe bola
Amaya ne cushion utha kar ause de mara wo phone uthane hi wali thi k Aliyan ne foran phone utha liya
ary ye Rafia aunty raat k 12:00 baje mujhe call kiyon kar rahi he?
hanw aun k ap favourite jo he wo mou bana k apna takiya uthane lagi
tumhein pata he jab tum lahore thi Rafia aunty mujhe garam garam aalu k parathe bana k bhejti thi
bohat khayal rakhti thi mera Aliyan hansi dabae ause mazeed tang karne laga
oh Acha mere liye tou kabhi nahi bheje parathe? akhri lafz aus ne khench k bola
wese wo jo rafia aunty ka beta he na wo do bar ghar aaya tha mere hath ki chae peene ause bohat pasand he na Aunty bata rahi thi
wo aksar ghar me meri chae ki taref krta he
what wo kab aaya or tum ne aane kiyon diya wo bohat tharki qism ka shaks he do shadiyan kar chuka he
Aliyan k chehre ka rang ja k wapas aaya!
Amaya zor zor se hansne lagi ap ko kiya lagta he tang karna bas ap ko hi ata he
Amu tum bhi naa ab wo bhi kehka laga kar hansa
                           ------****----*****-----*****------


Aik roz Amaya or shams kamre mein lete hoe the!
Mama ap ko pata he hamari teacher kehti hein Shams ap bohat ache bache ho or class me sab bachon ko meri copy dikhati hein k shams ki tarah homework kiya karo
Oh ye tou bohat achi baat he or kiya kehti hein? Amaya ne sawal kiya
Mama hamari aik teacher Baba ki bohat taref karti hein wo masomana andaz se bola
Acha aus ki baat pe amaya ko hansi aa gai
Mama ap se aik sawal pochun?
jee pocho...
Mama jhoot bolne se kiya hota he? shams ne masomana andaz me sawal kiya
beta jhoot bolne se ALLAH PAK naraz hote he jo good peoples hote he wo jhoot nahi bolte
ALLAH PAK jhoot bolne walo ko pasand nahi karte or jo log sach bolte he
wo ALLAH PAK ko bohat pasand hote he or auneh ALLAH PAK gift bhi denge amaya muskurate hoe ause samjha rahi thi
Mama agar shams sach bole ga tou ALLAH PAK shams ko bhi gift dege or happy hoge?
jee beta ALLAH PAK ap se bohat happy hoge ap good boy ho na or good boy hamesha sach bolte he
Mama Shams ko kiya gift mile ga?
aus ki baat par amaya muskurai or aus k nanhe hath apne hathon me liye
beta ap ko jannat gift mile gi
jo log namaz pardhte he,Quran pak pardhte he,sach bolte he,ache ache kam karte he, parents ki respect karte he,
or garibo ki madad karte he or ALLAH PAK ka har hukam mante he aese log ALLAH PAK ko bohat pasand he or aun k liye ALLAH ne jannat banai he
or jo log Bure kam karte he,namaz nahi pardhte,jhoot bolte he, Baro ki izzat nahi karte or jo apne amer hone pe garoor karte he
aese log ALLAH PAK ko pasand nahi
aese bad peoples k liye dozak he jis me wo hamesha jalte rahe ge
wese ap ye sab achanak poch rahe ho kiya ap ne koi jhoot bola he?
Nahi Mama shams jhoot nahi bolta class me aik boy ne teacher se jhoot bola tha
tabhi shams ne ap se pocha!
Mama me hamesha sach bolo ga or namaz bhi pardho ga or me ALLAH se jannat gift lunga
aus ne itni masomiyat se kaha tha k amaya k chehre pe muskurahat chaa gai INSHALLAH beta!
ab wo uth kar behta
Mama aik or question karon?
shams bohat samjhdar bacha he aus k aas pas jo kuch hota he ya jo cheezein wo observe karta he aus bare mein wo apni mama se kuch na kuch sawalat karta rehta he
jee pochein beta!
Mama aus din baba keh rahe the wo mujhe Quran-e-hafiz banae ge tou ye kiya hota he?
beta Quran-e-hafiz ham ause kehte he jo Quran pak ko hifaz karte he yani ause zubani yaad karte he
aun k dil me Quran pak hota he auneh pora Quran pak yaad hota he
or ap ko pata he jo bacha Quran pak hifz karta he Aus se ALLAH PAK behad khush hote he
or ause jannat mil jati he or wo apne sath apne mama baba ko bhi jannat me le ja sakta he
or day of judgment yani roz-e-qayamat farishte khud Quran-e-hafiz ko le kar jae ge
Ap ko pata he shams ALLAH PAK ne Quran-e-Hafiz ko aik gift bhi diya he
kesa gift mama? wo bohat dilchasbi se amaya ki baatein sun raha tha
Hafiz-e-Quran ka haq-e-shafa'at!
ais ka matlab he jo Quran-e-Hafiz honge auneh haq diya jae ga k apne azizo yani apne piyaron ki shafa'at karo phir chahe wo maa bap ho bhai behan ho
Quran-e-Hafiz apne sath dus logon ko jannat me la ja sake ga
kisi Quran-e-Hafiz ko shafa'at ka haq diya jana bohat izzat-o-azmat ki bat he
yehi gift he hafizon k liye k wo apne sath dus logon ko jaanat me le ja sakte he
Quran-e-hafiz baksha bakshaya he tabhi ause dosro ko bakshwane ka haq diya ja raha he k
tu shafa'at kar dus admiyon ko ham qabool kare ge!
Wao Mama me bhi Quran pak hifz karo ga me ap ko or baba ko bhi jannat me le k jao ga
ab wo hathon ki ungliyon pe gin'ne laga me dus logon ko le ja sakun ga na tou me Baba jan,
Ap, Dada jan,dado jan, Nana or Nano Jan,
Zain chachu fahad chachu Anaya chachi hamas chachu sab ko le ja sakta hun wo muskuraya!
Aus ki bat par amaya bhi muskura di par bache sab ko le jane k liye ap ko Dil se Quran pak hifz karna hoga or aus par amal bhi
Mama or kuch bhi bataein na Quran-e-Hafiz k bare mein!
wo or amaya k nazdeeq ho k behta
beta,jannat mein aik nehar he jis ka naam Al-Rehan he
jis par marjan ka shehar he aus k 70hazar darwaze he aik sone ka aik chandi ka aik sone ka
aik chandi ka or jo Hafiz-e-Quran ko diya jae ga
or phir qayamat k roz kaha jae ga HAfiz sahab pardho or jannat k darjo par chardho jitna
hafiz Quran pak pardhta jae ge autna chardhta jae ge
Quran pak aus din utna hi yaad hoga jitna amal kiya hoga pora amal he tou pora yaad ho ga
adhora he tou adhora hoga
jis ka amal acha hoga wo jannat k darjo par chalta jae ga or aus ka darja buland hota jae ga or aus k sath sath aus k baba ka darja bhi buland hota jae ga
yahan tak k bap bete janat k ala maqam pe phunch jaege!
Mama amal karna kiya hota he?
beta Amal karna yani QURAN PAK me jo baatein likhi hoi he aun pe yaqeen karna auneh man'na apne ALLAH ki baatein Man'na!
ye Quran tou wo roshan aayat he jo ilm walon k seene me rehti he (surah Ankaboot)
ALLAH PAK ne farmaya: ham ne Quran ko yaad karne k liye aasan bana diya he kiya koi ais pe amal karne wala he
                            (surah Qamar)
Ap ko pata he shams hafiz-e-Quran par har waqt ALLAH ka karam rehta he kiyon k wo ais muqadas or azmat wale kalam ko lafz ba lafz apne seeno me mehfooz kar lete he
warna pahadon ki bhi basat nahi jo ais jalil alqadar kalam ki jalalat bardasht kar sake
ALLAH pak farmate he: "Agar ham ais QURAN ko kisi pahad par nazil karte tou (aey mukhatib)tu ais ko dekhta k wo ALLAH k khof se dab jate or phat jate"
                              (surah Alhashir)
ham musalmano par ye lutaf-0-karam tou Nabi pak k sadqe hoa he
Nabi pak ne farmaya: tum me se behtren shaks wo he jo Quran pak sikhe or sikhae!
Quran pak k ba'amal hafiz qayamat k roz ehl-e-jannat k sardar honge
jo ehl-e-eman (hafiz) Quran pak pardhe or aus par amal bhi kare tou roz-e-qayamat aus k maa baap ko aesa taaj pehnaya jae ga
jis ki chamak sooraj ki roshni se bhi ziyada hogi
or jis ne apni olad ko Quran pak ki taleem dilwai ALLAH PAK roz-e-hashar aus ko aesa haar pehnae ge k sab olen-o-akhreen ais haar ki khubsoorti
par rashk-o-tajub kare ge
jab hafiz raaton ko uth kar Quran pak ki tilawat karne mein mashgol hota he tab ais pak kalam ki khushbu se pore ghar mehak jata he
or har harf pardhne par aik naiki bhi ata ki jati he!

Mamma ap bohat achi baatein batati hein jab ap mujhe koi islamic baatein batati hein
tou mera dil chahta he me sunta jaon apne islam ki baatein!
Me INSHALLAH Quran-e-Hafiz bano ga wo ause dekhte hoe muskuraya!
aus ki muskurahat pe amaya ko bhi hansi aa gai aus ne foran shams ko gale laga liya
ause aus waqt toot k shams pe piyar aa raha tha!
Ehm Ehm kiya chal raha he maa bete k bech? Aliyan kamre me dakhil hoa
Amaya ne shams ko khud se alag kiya or apni bheegi palkhein utha kar aliyan ki janib dekha
Amaya tumhari ankhon mein ye ansu?
Mama kiya hoa ye ansu? shams ne apne nanhe hathon se aus k galon se ansu saf kiye
Aliyan seene pe hath bandhein khadra aun dono ko dekh raha tha
kuch nahi shams bas wese hi ab ap lawn mein ja kar khelo go!
Amaya ki gal par kiss kar k wo bahar ki janib lapka!
mujhe tou batao kiya howa? ab wo aus k pas behta
kuch nahi khushi k ansu the hamara beta bohat samjhdar he jo baat samjhao foran samjh jata he
wo Quran-e-Hafiz k bare me poch raha tha tou mene ause sab bataya
Quran-e-Hafiz ban'ne ki fazilat or sach bolne k bare mein tou wo islamic baatein sun kar bohat khush hoa aus ne ain baton ko samjha
or kaha k Mama me bhi INSHALLAH Quran-e-Hafiz bano ga or ap ko baba ko sab ko Jannat me le kar jaon ga
Aliyan panch(5) saal ka bacha ye sab keh gaya tou kiya mujhe khushi nahi hogi k hum aus ki tarbiyat achi kar rahe he bas tabhi khushi k ansu aa gae
mene kabhi socha bhi nahi tha k apni olad ki parwarish k liye mujh mein itna sense bhi hoga
aus ki baaton pe Aliyan muskura diya ye tou bohat achi baat he medam! k shams k dil mein
Quran-e-hafiz ban'ne ka shoq paida hoa Quran pak wohi hifz kar sakta he
jis k dil me hifz karne ki chah ho shoq ho or jahan tak baat he parwarish ki tou mene bhi kabhi nahi socha tha par khair sochne se kiya hota he
insan tou bohat kuch sochta he par hota wohi jo ALLAH chahta he ab wo phir se muskuraya!
me ye batane aaya tha k Baba jan ne ham sab ko haveli bulwaya he
kiyon khariyat aese achanak?
hanw jee baba jan chahte he ham thore din aun k sath rahein specially wo apne pote k sath kuch time spend karna chahte he
meri abhi fahad se baat hoi thi wo keh raha tha Badar chachu or chachi tou nahi ja sakte wo apne aik dost ki beti ki shadi me islamabad ja rahe he
tou haveli ham log kal sham sab sath hi chale ge packing kar lena!
Darwaze pe dastak hoi Kahan jane ki tayariyan ho rahi he? Anaya muskurate hoe kamre mein dakhil hoi
Tumhein nahi pata zain ham sab ko picnic pe le ja raha he amaya muskurahat dabae boli
nahi mujhe zain ne nahi bataya wo heran hoi
acha ho sakta he tumhein koi surprise dena hoga
Aliyan herani se amaya ki tarf dekhne laga par khamosh raha
surprise waoo but kiyon abhi tou meri birthday bhi nahi wo sar khujate hoe boli
hamein kiya pata ghar jao gi tou apne shohar se poch lena
han ye sahi he wo sar hilate hoe boli phir achanak aus ka mood change badla NaH me nahi pochon gi wo khud batae ge
thek he jesi tumhari marzi amaya aik eyebrow utha kar boli
Aliyan bhai ap ne chup rehne ka roza rakha he kiya?
Nahi me do sar'pheri ladies k bech kiya bolun dono lagi raho me tou chala mujhe kuch kam hein ye kehte hoe wo wahan se chala gaya!

Anaya zain ko keh dena ham nahi aa rahe aus k sath ham apni haveli ja rahi he
kiyon achanak?
baba jan Shams k sath kuch time spend karna chahte he, oh matlab shams village ja raha he wo mou bana kar boli
han wo wese bhi village k bare me pochta rehta tha acha he ab ache se village dekh lega
aisi doran hath me mobile pakre zain kamre me dakhil howa
Asalam wa alaikum! bhabi bhai jan kahan he?
abhi niche gae he kiyon tumhein mile nahi?
nahi me anaya ko chor kar kisi kam se chala gaya tha ab aaya hun
ais se pehle k anaya kuch kehti aus ka phone bajne laga or wo bahar chala gaya
Amu tumhein pata he aj kal har waqt zain k hath mein phone rehta he jab mujhe dekhte he tou foran cell phone rakh dete he
Anaya tum bhi na tumhara weham hoga zain aesa nahi he!
hm acha choro or meri baat suno!
wo sehdi ho k behti Amu kabhi kabhi me sochti hun hamare khuwab kitne ajeeb the
hamara aik ghar me shadi karne ka khuwab,phir bachon ki aik dosre k sath shadi ka khuwab,
phir mera doctor banne ka wo bhi software engineering k bad haha wo kehka laga k hansi
ham kitne munfrid he na bohat crazy or bohat adventures aik bar phir aus ne kehka lagaya!
Han dosti ho tou amaya anaya jesi ho warna na ho ais bar amaya ne bhi kehka lagaya
or mubarak ho ap k husband aae din ap ko koi na koi title dete rehte he ab k bar anaya ne ause title yad karwae
zidi larki,jasoos,sar'pheri,adventures,gulabi sharbat,schemer or sab se maze ka tou wo tha Jame'sharen ki bottle wese amu tumhein aik din me kitne titles se nawaza jata he?
bako mat or jao zain ki khabar lo amaya ne aik bar phir hansi dabate hoe ause zain yad dilaya
Yar amu aj mein yahi rehna chahti hun me aunty ko keh k aai hun k me aj yahi ruko gi itne din hogae humein baatein kiye
jee zaroor muhtarma ap ka hi ghar he wese tum pehli larki ho jo maike k bijae dost k ghar rukti ho amaya shararti andaz me boli
tou kiyon na ruko mera haq he or hanw aj ham khoob baatein karein ge!
Aliyan ab tak ghar nahi aaya tha
Raat me dinner se free hone k bad dono night dress mein malboos sitting Area mein coffe mug hath mein liye behti thin
zain soffee pe hath mein cell phone liye behta tha or musalsal mobile mein masroof tha
wo dekho amu dekho dekho kese janab cell phone mein masroof he i tell you kuch tou scene he wo coffe mug side me rakhte hoe mou banane lagi
Anaya lazmi nahi jesa tum soch rahi ho wesa ho
acha abhi pata chal jae ga k ye sab kiya scene he? wo ungli se ishara karte hoe boli
ok tou batao whats the plane?
shams...
what shams? amaya ne ause ghorra
han shams zain ka chamcha!
no bache ko bech me mat lao Amaya foran boli
ausi doran shams wahan se guzra Shams Yahan aao chachi k pas anaya ne foran ause awaz de kar apne pas bula liya
jee chachi!
shams ap soe kiyon nahi? Amaya ne sawal kiya
Mama shams ko nend nahi Aa rahi wo naak skord k bola
Ab Anaya ne shams ko apni tarf kiya shams ap good boy ho na or good boy jhoot nahi bolte
Chachi ap kam bolein wo foran bola shayad wo raat k ais pehar maske'bazi k mood me nahi tha
Aww ap kitne intelligent ho samjh gae chachi ki maske'bazi chalo ab chachi ko batao zain chachu
kis se baat karte he?
Anaya ki baat pe wo kuch der khamosh raha Aa no chachi shams ko kuch nahi pata
shams good boy baatein nahi chupate chalo shabash batao mujhe i know ap ko pata he anaya ause baton mein lene lagi
no chachi shams ko nahi pata shams jhoot nahi bolta ALLAH PAK naraz hote he
A'h ok chachu k spoon tum kuch mat batana me khudi pata laga lo gi wo mou bana k boli
Aliyan ki chamach amaya, Amaya ki chamach anaya,Aliyan ka chamach Zain or zain ka chamach shams ye acha chamach ka circle chal raha he anaya zuban dandton me pisae boli
Excause me medam me kisi ki chamach nahi hun Amaya foran boli or ye kiya harkat he aik tou tum bache se fazool sawal kar rahi ho or phir aus ki baat bhi nahi man rahi mera beta jhoot nahi bolta
anaya ne aus k agey hath jore i know medam please ab chup tum itni boring kiyon hogai ho?
me boring nahi samjhdar hogai hun or ab tum bhi ho jao aus ne foran do'tok jawab diya
chalo shams ap ja kar so jao
abhi thori der hi guzri thi k Aliyan sitting area ki janib ata dikhai diya
zain ab bhi musalsal apne phone me laga howa tha Anaya ka dil chah raha tha foran aus se phone khench le
Aliyan ne zain ko dekha nahi aus ki nazar sehdi Amaya or anaya pe prdi
Anaya tum ab tak gai nahi?
nahi aj ham yahin rahe ge wo muskurai
oh tou matlab adventures girls aj zaroor kuch adventure karen gin wo muskurate hoe bola
hanw irada tou yahi he wo ahista se boli
aus ne kamre me jane k liye qadam bardhae tou aus ki nazar zain pe gai
zain kahan masroof ho?
wo aik dum chonka Asalam wa alaikum bhai jan ap kab aae?
wa alaikum asalam! tum bhi kamal ho itna phone me khoe hoe ho k tumhein pata hi nahi chala k me kab aaya?
nahi bas wese hi wo sar khujate hoe bola
packing kar li?
kis cheez ki? zain ne herani bhare andaz mein sawal kiya aus ki baat pe anaya choonki or amaya ko dekhne lagi
(oh shoot mar gae)amaya ne ahista se bola aus ne kafi time bad aj apna pasandeda lafz bola tha "oh shoot"
fahad ne bataya nahi?t
nahi kiya batana tha?
baba ne ham sab ko haveli bulaya he
acha par kiyon?
aese hi ham kafi time se wahan nahi gae he tou acha he thori outing ho jae gi
Anaya ne ghuse se amaya ki janib dekha!
kiya hoa aese kiyon dekh rahi? amaya ne mehsoos kiya tou poch liya
zain ne picnic plane ki he..mujhe surprise dena he... amaya ko aus k irade thek nahi lag rahe the
wo amaya ki tarf bardi tou amaya foran wahan se bhagi
ruko amu bhag kahan rahi ho mujhe itni der se ullu bana rahi thi wo bhi aus k piche bhagi
lo ain dono ko kiya ho gaya? zain aik bar phir herani bhare andaz mein bola zain k face expression itne ajeeb the k Aliyan hanse bina reh na saka
ab ap ko kiya howa? mene kuch kia kiya? wo phir aik hath se sar khujane laga
ain sab ki harkaton se wo confiuse ho gaya tha
i think, mujhe sona chahiye aus ne aliyan se mazeed kuch na pocha or sone k liye chala gaya!


agle roz, sab ki mulaqat Breakfast k doran Daining table pe hoi
sab khamoshi se breakfast kar rahe the chachi please shams ko juice pass karein
Anaya ne ause juice glass me dal kar diya
chachu ap ko pata he kal rat chachi----shams ap ye apple khao na ap tou kuch kha hi nahi rahe anaya ne foran baat palti
chachi kiya shams? Aliyan ne sawal kiya
Anaya k pasene behne lage wo honthon ko dandton mein liye sochne lagi(agar shams ne mere stupid sawal k bare me bata diya tou mujhe achi khasi dandt pardh jae gi)
shams bad me bata dena abhi chup chap breakfast karo amaya ne ause tokaa
(shukar bach gai thankyou amu) aus ne shukar ka kalma pardha
wese ap dono ko kal kiya howa tha?
zain pehle nashta kar lo phir baat kare ge warna shams ka sawal hoga k mujhe chup karwa k khud kiyon baatein karne lag gae?
hamari olad wo nahi karti jo ham kehte he bal'k hamari olad wo karti he jo ham karte he tou behtar he ham ache kam kare ta k hamari olad bhi ache kam kare
sab chup chap breakfast karne lage!

Ab wo log bahar lawn mein dhoop mein behte the
December ka mahina tha khasi thand thi
Aliyan bhai phir kiya program he kab chalna he? zain ne aus ki tarf dekhte hoe sawal kiya
Fahad ko tou mene kal hi bata diya tha k ham aj sham tak chale ge par jo k tum logon ko pata nahi tha tou tum logon ne packing tou ki nahi he
packing ka kiya he wo tou ho hi jae gi abhi time hi kiya hoa he 10:00 hi tou baje he Amaya kalai mein bandhi gadri mein time dekhte hoe boli
Amu tum ab tak wrist watch pehnti ho? Anaya ne kalai me wrist watch dekhi tou sawal kiya
ofcourse i love wrist watches wo muskurai
Ab koi ye tou batao k raat ko kiya hoa tha? zain ne phir raat wali baat chedri
Aliyan mujhe haveli jane k bare me bata rahe the jab anaya kamre me aai aus ne pori baat nahi suni thi bas yahi suna tha k ham kahin ja rahe he
tou mene Anaya ko tang karne k liye keh diya k zain picnic pe le jaraha he par ham nahi ja rahe or aus waqt anaya ki shakal dekhne wali thi k mujhe zain ne q nahi bataya ab amaya ne kehka lagaya
phir mene kaha k tumhein koi surprise dena hoga tabhi nahi bataya hoga Anaya surprise ka sun k thora chonki par aus waqt ais ka face tou aesa tha jese abhi ro de gi
abhi tou mujhe or bhi tang karna tha anaya ko par Aliyan ne bata diya haveli jane k bare me aus ne Aliyan ko dekhte hoe mou banaya!
tou mujhe kiya pata tha tumhare mind me kiya chal raha he mujhe laga mere jane k bad tum ne bata diya hoga ab k bar Aliyan bola
Ab agey bhi bata dun Anaya? amaya ne ause aik nazar dekha hothon pe shararti muskurahat thi
No Amu! aus ne ankhein dikhai
Kiya hoa bhabi ab agey bhi kuch he kiya? zain hath ka ishara karte hoe bola
Nahi kuch nahi me tou bas aese hi Amaya khamosh hogai...
Acha ab ham chalte he bhai jan office me mujhe kuch kam he phir sham mein milte he...
Ab wo log apne ghar chale gae!
                          ------****----****-----*****-------
                   
Anaya ab meri gray tie kahan rakh di he? zain office jane ki tayari mein masroof tha jab ause apni man'pasand tie apni jagah par nazar na aai tou wo chilaya
yahi kahin hogi whatsapp pe masroof anaya screen pe nazrein markooz kiye boli tou wo hasb-e-adat anaya ki be-tawajahi se ukta gaya
rakho ais ko or mujhe meri tie dhond k do tum kabhi koi cheez aik jagah pe nahi rakh saktin akhri alfaz zara tez se lehje mein bola tou anaya bhi medan me utarne k liye tayar ho gai
tumhara Matlab kiya he zain? nak skord k boli
matlab yahi he k Aliyan bhai ki qismat bohat achi he or meri bohat kharab
Aww anaya ko kuch hi pal lage aus ki baat samjhne me jis pe aus ka mou mare'sadme se khul sa gaya
Amaya bhabi ko dekho kese bhai jan ki har aik cheez apni jagah pe nafasat se rakhti hein or aik tum ho sar jhatak kar dobara apni tie dhondne me masroof ho gaya
han tou mujh se shadi kiyon ki ausi se shadi kar lete jis k sath har waqt messages pe lage rehte ho wohi tumhari cheezein nafasat se rakhti anaya chilai
aus ki bat pe zain k chehre se aik rang aa k guzra what rabbish?
Anaya ka mou aesa bana hoa tha jese abhi ro de gi aus ki shakal dekh kar zain ko hansi aa gai or wo zor zor se hansne laga
tumhein lagta he k me kisi larki se---? wo ab bhi tez tez hans raha tha
kiya hoa pagal ho gae ho kiya ais me hansne wali kon si baat he? anaya ko ghusa aaya
Lady jasoos me free time mein apne phone pe candy crush khelta rehta tha mujhe aus k sab level par karne the shams ne mujhe chellange kiya tha k chachu ap win nahi kar sakte
wo ab bhi hans raha tha apni bewaqofana harkat pe anaya ko sharmindagi mehsoos hoi
ok ap mou mat latkao koi baat nahi par mujhe tum se ye umed nahi thi k tum mujh pe shak karo gi
me office ja raha hun or brae meharbani mere ane tak meri tie dhond k rakhna
tanqeedi nigah anaya pe dale apna bag utha k chala gaya...
 
Mama ham village ja rahe he?
jee beta
wao kitna maza aae ga shams ne kabhi village nahi dekha mama ham bohat sare din wahin rahe ge wo muskurate hoe bola!
Mama Ramsha chachi bhi jae gin?
jee ham sab jae ge or khoob enjoy kare ge chalo ab ap jao gadri me ja k behto wo bhagta hoa chala gaya!

                               ------****----****-----*****------



Aine haveli aae char roz bet chuke the sab hi bohat khush the khoob enjoy kar rahe the
shams k aane se Mustafa Alam ki khushi ka tou koi thikana hi na tha wo har waqt aus k sath waqt guzarte or Aliyan k bachpan ki batein batate jine sun kar shams ko bhi maza aata
Anaya Ramsha or shams pehli bar haveli aae the ais se pehle aino ne kabhi koi haveli ya village na dekha tha...
zain ham karachi wapas kab jae ge? baal banati anaya ne sawal kiya
kiyon tumhein yahan maza nahi aa raha? wo kitab k safhe badalte hoe bola
aesi baat nahi he mujhe tou yahan bohat maza aa raha he ap logon ki haveli bohat khubsoorat he ais se pehle na hi mene kabhi village dekha he or na haveli
ap ko pata he me pehli bar village aai hun wo khushi se batane lagi
acha waqai tum ne kabhi koi village nahi dekha? wo thora heran hoa
nahi amaya k sath bhi kabhi aus k village jana nahi hoa wo apne ap ko sheshe me dekhte hoe boli

shams kamre ka darwaza kholne hi wala tha k achanak ause aus ki maa ki kahi baat yad aai or wo wahin ruk gaya
(beta without permission kabhi bhi kisi k room me nahi jate or na hi kisi ki koi cheez use karte he ye bad manners hote he)
Ab wo darwaza knock karne laga! thak thak
Andar aa jaein zain ki awaz kan me padri ab aus ne darwaza khol kar halka sa andar jhanka chachu may i come?
shams ki awaz pe dono ki tawaja chokhat pe khadre black colour ki shirt or jeans me malboos cute se shams pe gaein jo hamesha ki tarah chehre pe
amaya jese masoom se ta'suraat or aliyan ki tarah madham muskurahat chehre pe sajae auneh tuk tuk dekh raha tha
arey mere tiger wahan kiyon khadre ho?
zain hamesha ki tarah ause dekh kar khil utha
ap ki permission lene k liye...
kesi permission shams anaya ause dekhte hoe boli
Andar aane ki Mama kehti hein hamesha door knock kar k permission le k room me jana chahiye wo chehre pe masomiyat sajae khadra tha
Anaya ko aus pe piyar aane laga Aww how sweet chachi k pas aao!
wo aus k pas gaya tou anaya aus k gal pe kiss karne lagi
wo ukta kar piche hata na karein chachi ap ko pata he na shams ko ye sab pasand nahi wo apni galein saf karte hoe zain ki tarf lapka
chachu ap se kuch baat karni he
han bolo bete
apna kan idhar karein..
zain ne apne kan aus k qareeb kiye chachu yahan nahi akele me baat karni he ap ko pata he na chachi mama ki spoon he wo mama ko bata de gin
aus ki baton pe zain kehka laga kar hansa
kiya kar rahe he chachu sssshh aus ne zain k hothon par ungli rakhi
Anaya dresing table k samne khadri lipstick lagane me masroof thi ye kiya ho raha he? wo ab aune gorrne lagi
k'kuch nahi chachi shams at'takte hoe bola
kuch tou he shams ap dono jab bhi kan me baatein karte he dal me kuch kala zaroor hota he yad he na zain hamari shadi k roz bhi ap dono ne aesi hi kuch harkat ki thi
phir kese bhai jan se dandt pari thi haha ab wo hansne lagi
Chachi me tou keh raha tha k ap kiya maze ka juice banati hein please juice bana kar la dein
shams itni thand me ap juice piyo ge? or mujhe makhan lagane ki zaroorat nahi ye makhan apni mama k liye bacha k rakho
me ja rahi hun amaya k pas wo ab darwaze ki simt chalne lagi
Shams apna mou zain k qareeb le jate hoe bola chachu mene kaha tha na chachi mama ki spoon hein
badmash chup karo
Anaya ruko kiya tum bhi bachon jesa behave kar rahi ho jao shams ko garam anda(egg) la do thand he na tou egg thek he ause kuch yaad na aane pe anda hi zuban pe aaya
yes chachi i want egg!
thek he lati hun wo kamre se bahar chali gai
shams ap bohat shararti ho gae ho kahan se seekhte ho aesi baatein?
Apne ap se wo muskuraya
acha ab bolo kiya baat karni he?
chachu ap ko yaad he kal kiya he? wo excited hote hoe bole
nahi kiya he kal zain mou opar kiye sochne laga
auff ho ap ko yaad hi nahi he wo mathey pe hath rakhte hoe bola
kal 20december he Mama ki birthday or wedding Aniversary wo muskuraya
acha janab ap ko kese pata or ab ap k dimag me kiya chal raha he?
Baba ne kaha shams shopping pe chalo ge? tou me ne kaha jee bilkul baba phir ham gae Baba ne mama k liye beautiful white dress liya he
jab mene pocha ye kiyon liya tou baba ne kaha shams ap bhool gae mama ka birthday or hamari wedding aniversary bhi he!
chachu ham mama ko surprise party dein?
wo tou thek he par ap ko pata he na ap ki mama birthday wagera celebrate nahi kartin zain mou bana k bola
wo kiyon nahi kartin? shams jab bhi pochta he mama kehti he abhi ap bache ho ap ko meri baat samjh nahi aae gi
chachu ap bataein na mama kiyon celebrate nahi kartin? aus k chehre pe ab udasi thi
mein batati hun ap ki mama kiyon celebrate nahi kartin hath me plate pakre wo darwaze pe khadri thi ab wo chalti hoi aun k qareeb aai or bed pe beht gai
ye lo ap anda khao phir batati hun
Pehle ap batein me bad me kha loga wo mou banate hoe bola or ande ki plate side me rakh di
acha pehle batao chachu se kiya secret baatein ho rahi thi?
zain zara jhuk kar madham awaz me bolne laga khayal se shams tumhari chachi k pet me koi baat tikti nahi
ais baat pe shams zara hans diya don't worry chachu mama ne bataya tha jese shams ko raaz rakhna ate he aese hi anaya chachi ko bhi raz rakhna ate he shams bhi madham sa kehne laga
ye kiya ho raha he shams ap mujhe batao ge ya nahi anaya zara khafgi se boli tou dono sedhe hoe
Anaya chachi shams mama ki birthday celebrate karna chahta he but aik problem he? masoomiyat or udasi se mile jule ta'suraat se kehne laga
Aww problem tou he or problem yahi he k ap ki mama celebrate nahi kartin
par chachi mene mama or ap ki pictures dekhi thi mama k birthday ki phir wo kiyon celebrate kiya tha? wo bohat hi masomiyat bhare lehje me bolta hoa sawaliyan nigahon se ause dekhne laga
Anaya ko aus k masomana andaz pe piyar se aaya ab aus k nanhe hathon ko apne hath me liye ause samjhane lagi
shams ap ko pata he ap ki mama wo kam nahi kiya karti jo ALLAH ko na'pasand hen hamesha ALLAH PAK ko happy karne ki koshish karti rehti hen
ais liye tou ALLAH PAK ne aun ko itna piyara sa shams diya he cute sa,masoom sa Shams!
wo jo gor se apni maa k bare me sun raha tha apne naam pe muskura diya
zain khamoshi se behta aun dono ki baatein sun raha tha
shams jab hum ALLAH PAK k liye wo chorte hen jo hamein tou acha lage par ALLAH PAK ko pasand na ho tou ALLAH PAK aus se better hamein dete he or wo kuch bhi ho sakta he
jo hamare liye bohat anmol ho jo hamare liye bohat zaroori ho
par Anaya chachi mama birthday celebrate kiyon nahi karti shams ki gadri ghoom'phir k wahin aa k thehri
Aa'h shams jesa k mene abhi bataya Amaya ALLAH PAK ko naraz nahi karna chahti amaya shor wagera gana wana baja k celebrate nahi karti
par chachi mene mama or ap ki pictures dekhi thi mama k birthday ki phir wo kiyon celebrate kiya tha? shams naak skord kar bilkul amaya ki tarah bolne laga aus ne aik bar phir apna sawal duhraya
wo tou ham friends ne amaya ko surprise party di thi hamein nahi pata tha k wo celebrate nahi karti
or amaya kisi ko hurt nahi karti tabhi aus ne hamein inkar nahi kiya or bas cake hi cut kiya tha
Oh acha tou phir kiya waqai birthday celebrate nahi karna chahiye? shams zara thehar kar bola
Hmm karna chahiye par wese jese ALLAH ko pasand ho wo muskurai
wo kese chachi? ab aus ki dilchasbi or bardne lagi
wo aese jese shams ki mama karti hein ALLAH PAK ko thanks kar k pichle salon ki takleef musibat door karne k liye or itni dher sari happines dene k liye
or dua kar k agey ki zindagi bhi achi guzri ese kam kar k jis se ALLAH PAK naraz na ho samjhe chachu k spoon
akhri alfaz pe shams ka mou sa ban gaya par bechara kiya kar sakta tha anaya ki baat kuch galat bhi nahi thi
Chachu please just one time ham surprise dete he na mama mana kar k hamein hurt nahi karen gi wo masomana andaz me bola
zain ki khamoshi par wo anaya ko dekhne laga chachi please shams ais bar surprise party dena chahta he ap please mama ko mat bataiye ga
thek he shams tou plane kiya he? Anaya ki baat pe wo khil'khila sa gaya aus k chehre pe khushi chah gai zain bhi khush hoa anaya ham aesa karte he drawing'room decorate karte he
drawig room side me he tou kisi ko pata bhi nahi chale ga
han ye thek he Anaya muskurai
Me decoration ka saman Gul khan se mangwa leta hun ham raat me hi decorate kar le ge!
thankyou chachu thankyou chachi shams ki khushi ka tou koi thikana hi na tha...
                            -----****----****----****------

Agle Roz subha 6:00 Am!

Amaya fajar ki namaz k baad hath uthae Allah se dua mang rahi thi wo hamesha ki tarah aj bhi apne aik saal guzarne pe Allah ka shukar ada kar rahi thi
har achi baat ka, har ache guzre lamhe ka, or har nemat ka or pore saal me kiye gae gunahon ki mafi mang rahi thi...
Aliyan bhi namaz pardh kar aa chuka tha or ab wo QURAN PAK pardhne me masroof tha
Amaya bohat piyar se ause dekh rahi thi na wo wali tha na darwesh or na hi koi scholar wo bas aik mamoli sa insan tha jis ne dil se apne ALLAH se touba ki thi
jo ab dil se namaz pardhta tha, dil se Quranpak pardhta tha...!


8:00 Am!

         Amaya kitchen se nikal kar Daining Hall ki simat ja rahi thi kisi ne piche se awaz di aus ne piche murd kar dekha gul khan hath me bookey liye khadra tha
Amaya Bibi ye ap k liye koi de kar gaya he
Heein mere liye par kon?
pata nahi ham tou so raha tha subha utha tou lawn me ye rakha tha ham ne ap ka naam dekha tou utha k le aaya
acha amaya ne bookey lene k liye hath bardhaya aus pe aik chit thi jis pe likha tha Khubsoorat Flowers Khubsoorat larki k naam!
Amaya zara chonki ye kon Lawn me rakh sakta he khair ap jaein sab ko breakfast k liye bula lein
Mustafa saein or Bibi jee tou raat me hi lahore k liye ravana ho gae the
Lahore par kiyon? hamein bataya kiyon nahi
Ap sab so rahe the saein ne kaha subha bata dena aun k qareebi dost ki tabiyat achanak kharab hogai he tabhi auneh lahore jana para
acha jaein baqi sab ko bula lein..
wo ab apne kamre ki janib chal di
Aliyan uth chuka tha wo hath me hair brush pakre baal banane me masroof tha
ye dekhein kiya he?
Bookey he aus ne soffee pe beht'te hoe aik nazar amaya ki janib dekhte hoe kaha
ye tou mujhe bhi pata he par ap pochein ge nahi k kis ne bheja?
Nah me kiyon pochun kisi jan'ne wale ne hi bheja hoga wo apni muskurahat dabae bola
Nahi mujhe nahi pata k kis ne bheje he aus ne na me gardan hilai or bookey table pe rakh diya
Acha wo ause dekhte hoe bola
Kiya acha? ap ki bivi ko kisi ne bookey bheja he or chit me itni flirty lines likhi hoi he or
ap maze se keh rahe hein acha? Akhri lafz aus ne mou banate hoe khencha
Wo khamosh raha or newpaper pardhne laga
Ye ap ne bhejein he na? Amaya seene pe hath bandhen khadri ausi dekh rahi thi
Noway tumhara dimag kharab he kiya me kiyon bhejo ga mere pas itna fazool time nahi jo aesi stupid harkatein karon
Newspaper hataein
nahi hataon ga kiya kar lo gi wo akrd kar bola
Amaya qareeb aai or newspaper aus k chehre se hataya ye ap ne hi bheje he agar bahar ka koi bhejta tou wo guard ko deta saja kar lawn me nahi rakhta agar bahar ka hota tou guard ko zaroor pata hota
aese hi koi bahar ka aa kar lawn me kuch rakh jae impossible!
Aliyan phas chuka tha aus k pas kuch kehna ko tha hi nahi wo taliyan bajate hoe utha
wah meri aqalmand bivi kahan se tum ne mujhe pakra he wao beauty with brain ab wo dono hansne lage
Ab niche chalein Nashta kar lein hanw tum chalo me ata hun
Amaya ne Naa aus se bookey dene ka reason pocha or na aus ne kuch bataya!
Ab sab Breakfast karne me masroof the
Baba jan nahi aae tabiyat tou thek he na Aliyan k chehre pe fikarmandi k ta'suraat the
Baba jan or Mama jan lahore gae he aun k kisi qareebi dost ki tabiyat kharab hogai he tou aune foran jana parda
Wao raat me gae or ham me se kisi ko bataya bhi nahi bas apni ladli bahu ko bata kar chale gae Ramsha mou bana kar boli
sab aus ki janib dekhne lage Ramsha please ab shuru mat ho jana Fahad ne ause toka
Ramsha bhabi mujhe kuch der pehle Gul khan ne bataya tha sab so rahe the tou auno ne hamein jagana munasib nahi samjha Amaya ne ause narmi se jawab diya
Oh please Amaya tum tou rehne hi do Ramsha juice ka glass labo se lagate hoe boli
Bhabi Amaya bhabi sach keh rahi he Bare Baba se raat ko meri mulaqat hoi thi jab wo ja rahe the auno ne mujhe bataya tha zain foran bola
Oh really or tum adhi raat ko kiyon jag rahe the ab topon ka rukh zain ki tarf murd gaya!
Me or Anaya lawn me behte baatein kar rahe the
itni thand mein? Ramsha ne phir sawal kiya
Ramsha bhabi ap k sath masla kiya he hamari marzi hum jab jahan chahe behte ais bar anaya ghuse se boli
(pichli raat jab wo Drawing Room decorate kar rahe the tab zain ko kuch awazein sunai di wo awazon ka picha karte karte haveli k lawn tak aagaya
Bare Baba Ais waqt ap kahan ja rahe he?
Bete mere dost ki tabiyat bohat kharab he mujhe foran lahore phunchna he
acha phunchte hi khabar ki jiye ga ab wo aun k gale laga
beta Aliyan ko bata dena wese mene Gul khan ko keh diya he wo subha sab ko bata de ga..)

Amaya kamre me aai tou wahan Aliyan majood na tha or kamre me har tarf chits lagi hoi thi
Almari,book shelf,Dressing table,Laptop table,corner shelves, pore kamre mein har jagah chits lagi thin ye sab kiya he abhi tou me niche gai thi tab tou yahan koi chits nahi thi
ab wo bari bari aus chez k pas gai jahan chit lagi thi or har chit pe yahi likha tha "khubsoorat gift khubsoorat Amaya k liye" wo muskurai
har jagah chits he par gift kahan he?
wo sochte hoe Almari ki janib lapki or aus k samne apne hothon pe ungli rakhe khadri hogai
ye chit ais Almari pe he tou matlab gift ais almari me hoga wo sochte hoe muskurai or foran almari kholi or almari khulte hi sehda Nazar hang ki hoi safeed froak pe gai
wo froak pe hath lagae ause dekhne lagi aus pe bhi aik chit thi "khubsoorat white dress khubsoorat Amaya k liye" aus k chehre pe khushiyon bhare tasurat the
or aese hi baqi chits lagi jagaein bhi wo check karne lagi har jagah se ause mukhtalif qism k gifts masool hoe
Oh tou ye sab Aliyan ne---tabhi wo mere sath breakfast k liye niche nahi aae the auneh niche me tabhi der lagi kiyon k wo ye sab karname anjam de rahe the
Ehm Ehm koi khansa!
Amaya muskurate hoe piche murdi
Aliyan k hath mein aik box tha wo Amaya k qareeb aaya or box khol kar aus k agey kiya aus box me bohat hi khubsoorat or nazuk si diamond ring thi
ab aus ne ring box me se nikali or hath agey bardha kar ause ring pehn'nane laga "khubsoorat Ring Khubsoorat Amaya k liye"
Amaya ki khushi ka tou koi thikana hi na tha MASHALLAH bohat khubsoorat ring he wo ring pe nazren makroos kiye boli
itne sare gifts kis khushi mein? kiya hamara koi affair chal raha he? ab aus ne nazar utha kar
Aliyan ki janib dekha
han ye duniya ka pehla affair he jo husband or wife k darmiyan he wo muskuraya!
wese kiya ye sab mere liye he? aus ne phir aik nazar aliyan ki janib dekha
Nahi hamari karachi wali parosan Rafia Aunty k liye Ofcourse tumhare liye he wo mou banate hoe bola
wese ain sab ki kiya zaroorat thi? aus ne phir sawal kiya
ofcourse zaroorat thi its your birthday "birthday"se yaad aaya mene tumhein wish tou kiya hi he
Happy wedding Aiversary & Happy birthday to you wo muskurate hoe ause wish karne laga
Thankyou so much Happy wedding Aniversary to you ab k bar wo bhi muskurai
Aliyan aus k qareeb aaya or Aus ka hath apne hathon me liya Amaya me jab bhi tumhari ankhon me dekhta hun wo bohat hi ache piyar bhare andaz se ause keh raha tha
Amaya ka dil dharka
Me jab bhi tumhari ankhon mein dekhta hun mujhe aesa lagta he jese---
Amaya ne lafz dohraya jese kiya?
Jese tumhari aik ankh ka eye-liner bohat dark ho wo kehka laga kar hansne laga
Amaya ne cushion utha kar ause marna shuru kiya
Amaya ham ne kabhi bhi apni aniversary ya tumhara birthday celebrate nahi kiya he me janta hun tum ye sab celebrate nahi karti or mene kabhi tumhein koi gift bhi nahi diye he
tou bas pichle sare gifts aj hi de diye he tou medam ab ap ye bataein kamre me har jagah se gifts masool hone k bad ap kesa feel kar rahi he? ab wo dono soffe pe beht gae
Amaya ko aus ki baat pe hansi aa gai or wo musalsal chehre pe muskurahat sajae ause aik nazar dekhti rahi
Ab aese kiyon dekh rahi ho? itna heran mat ho me waqai badal gaya hun tum ne mujhe badal diya he or ye sab gifts tumhari muhabbat or khaloos k agey kuch bhi nahi hein
Aliyan mene ap ko nahi badla ap ko ALLAH PAK ne badla he ap k dil me Namaz ka khayal ALLAH ne dala ALLAH ki marzi k bina kuch nahi hota wo jise chahe rah-e-rast pe lae
beshak ALLAH sab janta he dilon k haal bhi or hamari niyatein bhi har cheez ka daro'midaar niyat pe hota he or ap ki niyat achi thi ap ais liye nahi badle k ap chahte the
bal'k ap ais liye badle he kiyon k ALLAH chahta tha or jo ALLAH chahe wohi hota he jo ALLAH chahta he agar ap bhi wohi chahe ge tou hoga wohi jo ap chahte he bas hamesha ALLAH ki raza me razi rehna seekhen
Ap ko pata he me ye birthday wagera kiyon celebrate nahi karti? wo ause dekhne lagi
Aliyan jo bohat dilchasbi se aus ki baatein sun raha tha aus ne naa me sar hilaya
hamari zindagi ka aik saal khatam hota he or ham khushiyan manate he jab k hamein dukh hona chahiye k hamari zindagi ka aik saal khatam ho gaya ham mout k or qareeb aa gae
ham kabhi ye nahi sochte k hamara aik saal guzar gaya or ham ne ais aik saal me kiya naik aamal kiye he? agar hamein mout aa gai tou qabar me kiya le k jae ge
hamein har dua me ye dua zaroor karni chahiye k ALLAH PAK hamein aus waqt mout dena jab hamare aamal ache ho ham qabar me naik aamal le jane k qabil ho
ta k hamein qayamat k roz Apne rab or apne Nabi pak k samne sharminda na hona pare ya hamari wajah se hamare nabi ko sharminda na hona pare
ap jante he Nabi pak ne apni umat k liye kiya kuch nahi kiya he hamein ais duniya me hamare nabi pak k sadqe har achi naimat mili he Nabi ki umat yani k ham par ALLAH ki khas rehmat he
ham par tou 50 namazein farz ki gai thi par Nabi pak jante the aun ki ummat 50 namazein nahi pardh pae gi tabhi auno ne bar bar ALLAH PAK k pas ja kar namazein kam karwai or akhir me 5namazein farz hoi jin ka sawab aun 50 namazon k barabar he
aesa nahi he k ALLAH PAK jante nahi the k umat 50 namazein nahi pardh pae gi wo tou sab jante the auno ne pori qainaat banai he tou kiya wo ye sab nahi jante ho ge
ALLAH PAK sab jante the bas wo bar bar nabi pak ka dedar karna chahte the
Subhanallah aliyan muskuraya Amaya waqai hamare nabi ne hamare liye bohat kuch kiya he hamare nabi ki wajah se hi ham par ALLAH ki khas khas rehmatein hein
ham bohat khushnaseeb he k ham Nabi pak ki umat he
lekin Aliyan afsos ais baat ka he k ham insan pori panch(5) namazein bhi nahi pardh sakte kiya hamare kam namaz se ziyada behtar he?
ham insan ye bhool chuke he k hamein sari umar duniya me nahi rehna hamein marna bhi he hamein agle jahan bhi jana he hamari asal manzil tou qabar he ye duniya tou mehaz rasta he apni manzil tak phunchne ka or ye rasta kisi bhi waqt khatam ho sakta he
ye Duniya
ye arzi duniya
khuda ki baat man'ne ki jaga he apni baat manwane ki jagah to agey aa rahi he
ais duniya me khuda azma raha he aiski marzi chal rahi he
par aus duniya me Tmhari marzi hogi tum khuda ko azma lena
jo chaho mang lena, jo chaho le lena
Aliyan bohat gor se aus ki baatein sun raha tha tumhein pata he amaya jab ham namaz nahi pardhte tou ham kehte he hamein time nahi mila namaz pardhne ka
ham kam me masroof the wager wagera
par Asal me ham masroofiyat ki wajah se namaz nahi chorte bal'k hamari namaz tab reh jati jab ALLAH hamein hamare bure kamon ki wajah se apne agey khadra karna pasand nahi farmata
yani ham ne aese gunah kiye hote he k Allah hamein apne agey khadra rakhna pasand nahi karta
tou jab kabhi mere dil me shehtan was'wase dalta he k nahi yar aj choro roz tou namaz pardhta hun aj nahi pardho ga tou kiya ho jae ga?
tab ausi waqt mere zehan me ye baat aati he k me namaz nahi pardho ga matlab mene kuch galat kiya he tabhi ALLAH mujhe apne agey khadra karna pasand nahi kar raha ye khayal ate hi me foran namaz pardhne k liye uth khadra hota hun
aik sajde k inkar se ablees ko shehtan bana diya gaya tha tou ham ibn-e-adm itni sari namazein chor kar bhi khud ko muslaman kehte he
jo eman hamein ghar se masjid tak nahi le ja sakta wo hamein qabar se jannat tak kese le jae ga?
par aik baat tou he Amaya jab se me badla hun bohat sakoon me hun meri zindagi mein jese bohat se rang paida ho gae ho
Mujhe yu lagta he jese Asman se "Rangon" ki barish ho rahi ho
pori duniya rango se naha jae, me apne hathon ko rangon se bhar lo or mera wajood rangon me doob jae
rang hi rang he
ibadat k rang
khushi k rang,
umed k rang
wafa k rang
yaqeen k rang
aitebar k rang
azmaish k rang
duwaon k rang
or rango me sab se khas rang jo har rang ko jazb kar le
gehra dilkash or numaya rang
ALLAH KA RANG
pori kainat roshan ho jae or me ais rang me rang jaon
Aus ki baat pe amaya muskura di wo bohat khush thi aus ne kabhi nahi socha tha k Aliyan kabhi yu badle ga
                           -----****----****------*****------

Aliyan bohat roub se haveli me chalta phirta dikhai deta he wo sitting Area me aaya jab ause wahan Ramsha dikhai di Skin'tight jeans pe choti si T'shirt me malboos
wo khadri dewaron pe lagi paintings dekh rahi thi
Aliyan ne ause dekha tou ause ignore kar k wahan se guzrna chaha par Ramsha ne awaz di Aliyan Ruko!
Aliyan wahin ruk gaya or piche murd kar ghuse wali nigahon se ause dekha
Ramsha kapre zara durast pehna karo Haveli me rehne k kuch asool he agar yahan rehna he tou aun asoolon pe chalna hoga akhri lafz aus ne khench k bola
or dupata bhi liya karo or ause sar pe bhi rakha karo dupata sar pe rakhne se orat ALLAH ki rehmat k sae me rehti he
haya bari doolat he or jo orat ais doolat ko sumbhal kar chalti he wo kabhi kangal nahi hoti
shetan ka pehla shikar haya hoti he aik bar banda behaya ho jae phir aise koi burai burai nahi lagti
behayai tamam buraiyon ki jard he
Aliyan ki bat pe Ramsha ka mou sa ban gaya or wo bina koi jawab diye wahan se chali gai Aliyan ause jate hoe dekhne laga

Aliyan Soffe pe behta Apna favourite Red Apple juice pee raha tha jab Fahad aus k kamre me dakhil hoa
Aliyan tum kahin gae the?
han yr me zameeno pe gaya tha Aao behto ab fahad bhi aus k pas aa kar beht gaya Aliyan aus k liye glass me juice dalne laga
Aliyan red apple tumhein itna pasand kiyon he? ab dono juice k sip le rahe the
bas aese he ais ka taste acha he Aliyan ne muskurate hoe jawab diya
Happy wedding aniversary bhai aus ne muskurate hoe mubarkbad di shams subha se kahin nazar nahi aaya?
thankyou! shams zain k sath hoga wese wo hamein wish karne bhi nahi aaya kahin bhool tou nahi gaya?
wo nahi bhool sakta aus ka IQ level bohat acha he aus ko har baat yad rehti he khair me dekhta hun ause kahan he Fahad uth khadra hoa or wahan se chal diya
sedriyon se niche utar'te hoe ause Amaya dikhai di Happy birthday Amaya! wo muskuraya
thankyou fahad bhai aus ne bhi muskura kar jawab diya
Ramsha pole k piche khadri aune dekh rahi thi ye fahad or Amaya itna hans hans k kiya baatein kar rahe he?
ause becheeni si hoi....

Amaya aj bohat khush thi pora din ause apne bedroom se gifts masool hote rahe the
Amaya aj ham dinner pe jae ge Aliyan Almari se aus ka dress nikalte hoe bola ye lo dress or ye aik or gift?
High heels phir se gift? Aliyan me thak gai hun itne gift koi deta he kiya sara bank'balance ain gifts me hi pora kar diya? wo hansi dabate hoe boli
han tou kiya hoa itna bussiness zameene jaidad sab kis k liye he tumhare liye hi tou he aus k chehre pe shararti muskurahat thi
kesi bivi ho itne sare gifts milne k bad tou tumhein khushi se mere gale lagna chahiye do bol piyar k bolne chahiye or tum ho k baatein bana rahi ho ab wo mou bana k bola
Auff ok sorry ab wo apne kan pakre aus k samne khadri hogai
Aik tou tumhara chehra itna masoom he k me naraz bhi nahi reh sakta ab wo muskuraya!
ab ye lo apni dress or high heels or ja k tayar ho jao par please high heels pehn'ne k bad girna mat warna mera mazeed kharcha ho jae ga wo hansi dabate hoe bola
Amaya aik eyebrow opar uthae ause dekhne lagi or khamoshi se tayar hone chali gai...
                              -----****----*****-----******-------

shams idhar aao kahan ja rahe ho? zain ne shams ko jate dekha tou sawal kiya
chachu mama k pas ja raha hun subha se aun se mila nahi hun aus k chehre pe udasi thi jese sadiyon se apni maa se bichra ho
nahi ham filhal kuch der tak aun k samne nahi jae ge 7:00 tou baj hi gae he bas thori der or phir auneh surprise de ge zain ne ause jane se roka!
thek he chachu wo zain ka hath pakar kar aus k kamre mein chala gaya...

Amaya tayar hone mein kitna time lagao gi? Aliyan kalai me bandhi ghadri me time dekhte hoe bola
Amaya achanak aus ki nazron k samne aai white froak me malboos hath mein hand'kalach pakre wo aus k samne khadri thi
ause dekhte hi Aliyan kuch der tou apni palk jhapakna hi bhool gaya tha Mashallah Amaya tum kitni khubsoorat lag rahi ho bilkul(8sal'6mahine'20din)pehle wali Amaya wo apni jeans ki jaib me aik hath dale khadra ause dekhte hoe muskura k bola!

aus ki baat pe Amaya muskura di thankyou so much!
ap bhi bohat handsome lag rahe he hamesha ki tarah
Aik larka Aliyan
purkashish adon sa,
mangi hoi duwaon sa,
thora ghuse wala thora cute sa,
Amaya ne itni narmi se kaha tha k ause hansi aa gai!

wo niche aae tou Ramsha or fahad launge me behte the Aliyan kahin ja rahe ho?
hanw ham dinner pe ja rahe he or shams kahan he tum shams ko dekhne gae the na? Aliyan ne ause dekhte hoe sawal kiya
han par shams mujhe kahin nazar nahi aaya fahad ne foran jawab diya
Me dekhti hun kahan he zain k pas hi hoga Amaya boli
Anaya ne kitchen se nikalte aun ki baatein suni tou foran apne kamre ki janib lapki
zain zain aus ka sans phola hoa tha
kiya howa kon sa tofan aa gaya sans kiyon phola hoa he?
wo amaya aa rahi he shams ko dekhne wo log dinner pe ja rahe he tumhara cake kab tak aae ga tum se time pe kuch kam nahi hota he kab tak ham cake ka wait karte rahe ge
AUf ho chachu chachi tou larna shuru ho gae mujhe hi kuch sochna pare ga shams mathey pe hath rakhte hoe bola
Anaya chup ho jao cake choro abhi ye socho aine kese roke?
Anaya yahan se wahan tehlne lagi or apne khali dimag pe zor dalne lagi kuch hi pal mein ause aik idea aaya
shams ap let jao me amu ko kaho gi ap ko fever he shams bhi acting k full mood me tha foran let gaya
Anaya bhagte hoe kamre se nikli or launge ki tarf lapki amaya shams ko bohat tez fever he wo hamare room me he Amaya foran aus k room ki janib lapki Aliyan bhi aus k piche bhaga
fahad bhi jane laga tou Ramsha ne aus ka hath pakar liya
ruko tum kahan ja rahe ho? dekho Aliyan or Amaya dinner pe ja rahe he par tum kabhi mujhe dinner pe nahi le k gae hamari shadi ko aik saal hone wala he par tum kabhi mujhe kahin le kar nahi gae
Ramsha shuru hogai ause tou bahana chahiye hota he fahad se larne ka
ok jao ja kar ready ho jao tumhein bhi dinner pe le chalta hun fahad aus se behas karne k mood me nahi tha
Ramsha foran ready hone chali gai or fahad zain k kamre ki janib lapka!

Shams kiya howa ap ko kuch thandi cheez khai thi kiya? amaya k chehre pe fikarmandi thi
shams ne apni mama k chehre pe fikarmandi dekhi tou jee chaha foran bata de k mama me thek hun ap pareshan na ho!
Mama ap bohat prety lag rahi he aus ne itne piyar se kaha k fikarmandi k alm me bhi aus k chehre pe muskurahat aa gai
Shams me ap se kiya poch rahi ho or ap kiya jawab de rahe ho Abhi sirup pilati hun ap thek ho jao ga
oh no sirup? wo pareshani bhari nigahon se zain ki tarf dekhne laga
Anaya jao sirup lao
Nahi mama Sirup kiyon? shams apni zuban pe qabu na paa saka or foran bola
Aliyan bhi aus k qareeb aa k behta ye kiya he shams ap ko fever kese hoa zain ais ne kiya khaya he?
kuch bhi nahi bhai jan ham tou subha se sath he bas achanak ho gaya zain ne foran jawab diya
acha me doctor ko call karta hun Aliyan foran cell phone nikal kar number dial karne laga or kamre se bahar chala gaya
Shams bechara bina fever k ause sirup peena pare ga ab kiya karun me Anaya sochon me gumm thi jab amaya ne ause apne tarf matwaja kiya Anaya tum bhi yahin khadri ho?
shams kabhi zain ko dekhte tou kabhi anaya ko kuch hi pal mein Anaya sirup le aai Amu ye lo sirup anaya ne ause sirup pakraya!
shams ko sirup peena bilkul pasand nahi aus ka dil chah raha tha foran wahan se uth kar bhag jae
shams mou kholo ye pee lo ap jaldi thek ho jao ge
nahi mama shams ko sirup pasand nahi amaya ause zabardasti sirup pilane lagi
shams ne apne hath se amaya ka hath peeche kiya tou sirup aus k dress pe gir gaya
shams ye kia kiya ap ne or ap zid kiyon kar rahe ho? amaya foran uth khadri hoi or wahan se chali gai
chahcu mama naraz ho gai ab kiya krun? ab baba bhi dandte ge
me dekhta hun amaya ko fahad aus k piche chal diya!
ye sab zain tumhari wajah se ho raha he agar tumhara cake aa jata tou ye sab na hota or kitna wait karna pare ga anaya aik bar phir chilai
zain ka phone bajne laga aus ne screen pe nazar dali tou khushi se chilaya chalo chalo aa gaya cake me cake lata hun tum log bhai jan or bhabi ko drawing room le jao!
                                     ------******----******-----******-------

Amaya kiya hoa tum kamre me kiyon aa gai?
or dress kiyon change kar liya? Aliyan ne hathon k ishare se sawal kiya
shams ko sirup pila rahi thi wo pee nahi raha tha aus ka hath laga tou sara dress pe gir gaya
chalo koi baat nahi wese ye white dress bhi acha lag raha he...
han mene socha dobara white colour hi pehan leti hun
Doctor Ajmal ka phone nahi lag raha aesa karta hun me khudi shams ko doctor k pas le jata hun
Aliyan Baba shams baba drawing room mein ap dono ko bula rahe he gul khan ause keh kar chala gaya
wo dono drawing room ki janib lapke Drawing room ka darwaza khola tou bohat andhera tha
koi he shams ap kahan ho ? Amaya ne awaz lagai
aik dum lights on hoi or pholon ki barish hone lagi Happy birthday to you taaliyon k sath sath happy birthday ki saadaein buland hone lagi
Amaya or Aliyan k chehre pe herani k sath sath khushiyon bhare taa'suraat the
Drawing room bohat acha decorate tha!
shams bhagta hoa aun dono k pas aaya Happy birthday Mama! aus k chehre pe muskurahat thi
thankyou beta! par ye sab----?
Mama chota sa surprise shams ki mama k liye...
zain qareeb aaya or Aliyan k gale lag kar ause wish karne laga
Anaya ne bhi foran amaya ko gale laga liya happy birthday amu! and happy wedding aniversary both of you
aj aik bar phir surprise kesa laga?
bohat acha laga par ye sab kiyon tum janti ho na me ye sab ---
hamein kuch mat kaho ye sab Shams ka idea tha ye tumhein surprise dena chahta tha i mean, tum ne kabhi celebrate nahi kiya tou shams ka dil chah raha tha k celebrate karne ka bas tabhi surprise diya
Mama anaya chachi ne bataya k ap ais liye celebrate nahi karti kiyon k ALLAH PAK ko ye pasand nahi or ap bas ALLAH PAK ko thankyou karti hein!
par mama shams kiya kare shams k sab friends k parents celebrate karte he tou shams ka bhi dil chaha mama mein chota hun na ap mujh se naraz tou nahi hogi na anaya chachi keh rahi thi ap kisi ko hurt nahi karti
ap mujhe dandt k hurt nahi kare gin naa? chehre pe masomiyat sajae wo apne dil ki baat keh raha tha
aus ki baton pe sab ko hansi aa gai
Shams ap bohat tez ho gae ho
han or hamara beta itna bara bhi ho gaya he k surprise plane karne laga he Aliyan ne bhi hanste hoe kaha or ause gale se laga liya
ab chalein cake cut kare wo log table ki tarf aae
zain ye cake hamari aniversary ka he ya meri birthday ka?
kiyon bhabi? aus ne amaya ko dekhte hoe aik nazar cake pe dali
"Happy Aniversary" Anaya ne bhi dekha tou sar pe hath rakh liya aik tou ais cake ne aj bohat rulaya he ab aaya he tou wo bhi kuch or hi likha hoa he
shams ne aik bar phir sar pe hath rakh liya auf ap log kitna larte hein mama ap ko pata he shams aj bohat mushkil se ain k sath raha he
ary ye kiya shams foran party badal li anaya gorne lagi
koi baat nahi aniversary bhi tou he na its ok amaya muskurai...
ab wo cake cut karne lage or aik bar phir happy birthday or aniversary ki saadaein buland hogai
Amu ye meri tarf se chota sa gift anaya ne ause aik box diya
ais me kiya he? Amaya ause gumate hoe dekhne lagi
khudi khol k dekh lo anaya ne muskurate hoe jawab diya
Amaya ne jese hi wo box khola tou aus me se aik punch nikal kar amaya ki naak pe laga
jis pe anaya zor zor se hansne lagi
Amaya ko bhi hansi aagai tum kabhi nahi sudharo gi
Mama ye chocolates shams ki tarf se aus ne chocolate box amaya ki tarf bardhaya
Aww how sweet par shams ye tou sab ap hi khaa jao ge amaya ki baat pe sab hansne lage
Shams baba k liye kuch nahi lae? Aliyan ne mou latka kar sawal kiya
Baba ap k liye bohat bara gift he aus ki baat pe Aliyan choonka
kesa gift?
Baba jab me Quran hafiz bano ge tab ap ko jannat gift dun ga chehre pe amaya jesi masomiyat sajae wo bol raha tha
aus ki baat pe Aliyan ko aus pe toot k piyar aaya or aus ne foran shams ko gale se laga liya i'm proud of you shams!
Zain ne bhi aik gift aun k agey kiya ye meri tarf se thankyou zain Aliyan ne phir ause gale se lagaya
fahad kahan he? Aliyan ko yaad aaya tou aus ne sawal kiya
pata nahi mene gul khan se kaha tha k fahad bhai or bhabi ko bhi drawing room me aane ka keh dein par gul khan ne kaha k bhai bhabi ause kahin nazar nahi aae
hanw zain me bhi aune lene gai thi par pori haveli me wo kahin mile hi nahi anaya ne foran jawab diya
Acha ho sakta kahin gae ho ab aliyan amaya ki tarf matwajah hoa Amaya mere pas tumhare liye aik or gift he?
Aik or gift? amaya ne lafz dohrae or kitne gifts hein?
hanw bas last gift he
Aliyan ne aik bohat hi khubsoorat box aus k agey kiya
Amaya ne bohat hi piyar se wo box pakra or ause khol kar dekhne lagi
gift dekhte hi aus ki khushi mein mazeed aizafa howa aus ne aik nazar Aliyan ki tarf dekha
Mashallah ye meri life ka sab se ziyada khubsoorat gift he
me janta tha tumhein ye gift bohat pasand aae ga Aliyan bhi muskuraya!
Amaya ne box me se Quran Pak nikala or ause choomne lagi...

kuch der baad sab ki mulaqat daining table pe dinner k doran hoi!
sab behte dinner kar rahe the jab fahad or Ramsha ka wahan se guzarna hoa fahad kahan the tum log aao dinner kar lo Aliyan ne ause awaz de kar bulaya
Aliyan tum log tou dinner pe jane wale the na tou phir yahan dinner---- wo zara chonka
hanw shams ne bukhar ka bahana kar k hamein surprise diya tha tou bas ham ausi me lage rahe Aliyan pani ka glass labon se lagate hoe bola
oh hamare bina hi party ho gai very nice Ramsha mou bana kar boli
Bhabi ap logon ko bulwaya tha infect Anaya khud ap logon ko bulane gai thi par ap log kahin nazar nahi aae zain ne foran jawab diya
zain ham log bas aese hi bahar gae the fahad kehte hoe wahan se chala gaya Ramsha bhi piche hi kamre me aa gai
Fahad tum ne jhoot kiyon bola sehda keh dete ham dinner pe gae the or dekha kese hamare bina hi birthday celebrate ho gaya wese tou bohat banti he amaya k me celebrate nahi karti wagera wagera tou ab kahan gaya aus ka mazhab? Ramsha tootey ki tarah shuru ho gai
Fahad musalsal aus ki baatein sun raha tha akhir wo ukta kar bol hi para
Bas kar do Ramsha chup hojao bohat acha lagta ye kehte hoe k ham dinner pe gae the ta k aune lage k ham aun ki naqal kar k gae the
or zain ne bataya tou he k hamein anaya lene aai thi or ye sab celebration amaya ne nahi shams ne kiya he wo bacha he aus ka dil chaha tou aus ne kar liya
han tum tou hamesha Amaya ki side lena meri side kabhi mat lena Ramsha ne foran mou bana liya
Fahad ne aik kan se suna or dosre se nikal dia or chup chap sone k liye let gaya Fahad jitna naram'mijaz tha Ramsha utni hi Laraka qism ki
Ramsha ause sunati rehti or wo khamosh rehta aus ka dil nahi chahta tha Ramsha se uljhne ko wo chup chap dar'guzar kar deta...
                               ---****---***----****-----

  To Be Continue.....