Amaya or aus ki ajeeb chahat by Muntaha Arain
Kamre mein khirdki k pas seene pe hath bandhe khadri Anaya kisi soch me gumm thi
oh amaya tum kahan ho?
tum kiyon hamesha achanak ham se dor ho jati ho
ALLAH PAK meri behan jahan kahin bhi ho ause apne hifz-o-aman mein rakhna
ALLAH PAK tu tou jo chahe kar sakta he hamari madad kar mere malik hamein amu tak phuncha de Aamen!
kuch hi der mein aus ka cell phone bajne laga
hello Ami! me yahin hun zain k ghar aunty bohat pareshan he amu kidnap ho gai he or har saboot fahad bhai k khilaf hein
wo jail mein hein agey se kuch sawal hone par aus ne jawab diya!
ALLAH khair kare ye kiya keh rahi ho? agey se ami ne dosra sawal kiya
jee ami me sach keh rahi hun or shayad mujhe aane me thori der ho jae ap please baba ko bata di jiye ga ALLAH HAFIZ!
kamre me kisi k ane ki ahat sunai di Anaya bibi ap ko niche medam jee bula rahi hein
tum chalo me aati hun wese tumhara nam kiya he? Anaya ne ause dekhte hoe sawal kiya
mera naam Mehak Rani he par sab piyar se mujhe Rani kehte he wo muskurai
wah mulazmi Rani! Anaya aik eyebrow opar chardhte hoe dil mein boli or aus k piche piche niche ki janib chal di!
Niche phunchi tou Mustafa Alam apni zoja k hamrah aae hoe the
Mustafa Alam ab budhe ho chuke the par aun ki awaz mein ab bhi waohi roab or dabdaba tha
Asalam wa alaikum!
Wa alaikum asalam Anaya beta kiya hal he?
me thek hun ap log kese he?
hamare bache pareshani mein he ham bhala kese thek ho sakte he Mustafa Alam ne udasi bhare lehje me jawab diya
Badar Aliyan kahan he?
pata nahi bhai jan Aj meri aus se mulaqat nahi hoi
Anaya tumhein kuch pata he? anaya jo k aun k pas hi khadri thi wo ause dekhte hoe bole
Nahi uncle bhai jan se meri kai hafton se koi mulaqat nahi hoi he
Badar phone lagao Aliyan ko or ause foran yahan bulao
Badar Alam apne cell phone pe number dial karne lage kafi der tak auno ne phone kan pe lagae rakha par agey se koi call pick nahi kar raha tha
bhai jan Aliyan phone nahi utha raha ab sab ki pareshani mein mazeed aizafa howa!
ALLAH KHAIR kare mera bacha kahan ho ga kis haal me ho ga Alam sahab hamein sehda Aliyan k ghar jana chahiye tha Mrs.Mustafa udasi bhare andaz mein boli
Badar alam zain ko call karne lage kuch der phone bajne k bad agey se call pick hoi
Zain kahan ho Aliyan tumhare sath he kiya?
Nahi baba bhai jan mere sath nahi me office me tha par ab bhai jan ki tarf ja raha hun!
acha foran jao or phir hamein khabar karna kab se ause call kar raha hun wo call recieve nahi kar raha
jee thek he! zain ne phone band kar diya
sab bohat pareshan the kisi ne dopher ka khana bhi nahi khaya tha
sab ALLAH se duwaein karne mein masroof the!
-----*****----*****-----******------
Dr.Anas car drive kar rahe the
Doctor please tez chalaein Aliyan k chehre pe amaya k liye fikarmandi thi
Aliyan me ziyada speed me drive nahi kar sakta you just relax hosla rakho jahan itna sabar kiya he wahan kuch pal or sahi
tumhein pata he zindagi k safar mein ane wala andhera gar ka nahi,
aik surang ka hota he
jis k agley siree pe hamesha roshni hoti he
Magar ye bat hosle k sath chalte rehne wale hi jan sakte he
mayoos ho kar beht jane wale nahi
or MASHALLAH tumhein ALLAH ne bohat Hosla or sabar diya he
Mene kabhi expect nahi kiya tha k tum itna badal jao ge
mujhe bohat khushi he k tum dono ka rishta aik acha or mazboot rishta ban gaya he
agar tum dono ka past dekha jae tou tum dono me hi kafi change aaya he!
Aliyan ne aik nazar auneh dekha or phir windscreen ki tarf dekhne laga
waqt k sath sath sab kuch badal jata he adatein bhi or log bhi aus k chehre pe udasi thi
Dr.Anas ne khamoshi se aik nazar aus ki janib dekha wo samjh gae the wo Abrar ki baat kar raha tha
wo kehte he na shohar ki kamiyabi k piche aus ki bivi ka hath hota he tou samjh lein
meri changing k piche amaya ka hath he
Mujhe badla ALLAH ne par zariya Amaya thi
Amaya thek kehti he ALLAH PAK jo karte he hamare ache k liye karte he bas hamein hi pata nahi hota k hamare sath kuch hoa he tou
aus mein hamare liye kiya bhalai he
par agar insan aitmenan se beht kar soche tou ause zaroor pata chal jae ga k aus k liye kiya bhalai thi
tou phir tum ne socha? Dr.Anas ne aus se sawal kiya
jee jab ap ne mujhe sari sachai batai or Amaya mujhe chor kar chali gai thi tab me toot gaya tha
mere dil ko sakoon nahi tha
ajeeb si becheni thi mujh par aik booj sa tha
Amaya ko galat larki samjhne ka booj,aus se bad'guman hone ka booj, aus k sath rude behave karne ka booj
or ap ko pata he me namaz nahi pardhta tha or agar kabhi village mein pardhta bhi tha tou bas baba jan k dar se
ALLAH k khof se tou mene kabhi namaz pardhi hi nahi thi
me tou kuch mangta bhi nahi tha k mere pas sab kuch he mujhe kisi cheez ki zaroorat nahi
me samjhta tha namaz tou wo log pardhte he jine kuch chahiye ho bas kahin pe pardha dil ka sakoon chahte ho tou namaz or Quran pak pardho
or bas phir dil se namaz pardhna shuru kar di or waqai bohat sakoon mila
Dr.Anas aus ki bat pe muskurae matlab tum phir Ahista Ahista raah-e-Rast pe aa hi gae
jee Amaya k jane se mere liye ye bhalai thi k me ALLAH ki tarf hogaya Mera ALLAH mujhe naik raah pe lana chahta tha or Amaya aik tarah ka zariya thi
or Beshak ALLAH jise chahe Rah-e-Rast pe laae!
Ap ko pata he Namazein pardhne se or naik aamal karne se mujhe ALLAH ne kitni izzat bakhshi he
har koi meri izzat karta he mera business successfull he me bohat pur'skoon zindagi guzar raha hun
kaho k Aey Khuda (Aey badshahi)k malik!
tu jise chahe badshahi bakhshe or jis se chahe badshahi cheen le
or jis ko chahe izzat de jise chahe zaleel kare har tarah ki bhalai tere hi hath me he
beshak tu har cheez par qadir he
(Surah AL-Imran 26)
Dr.Anas mera ye man'na he k hamein kabhi mushkilat se ghabrana nahi chahiye
Mushkilat tou ALAH ka imtehan hota he jis ka maqsad Insan ko sahi maino me
insan banne ka sabaq dena hota he!
Aliyan ki baat pe dr.anas muskura diye
------*****----*****-----*****------
sooraj garoob hone wala tha jab wo Abrar k Apartment mein phunche...
Darwaza bajaya Abrar ne darwaza khola dr.anas ap aagae?
han me aagaya or tumhare liye aik tohfa bhi laya hun!
Achanak Aliyan aus k samne aa khadra hoa ause dekh kar abrar ki ankhein phati ki phati reh gai
aus ka rang urrd gaya...
Aliyan ne ause andar ki tarf dhaka diya or aus k apartment mein ghus gaya
ab ause gareban se pakra Amaya kahan he?
Abrar k hosh urd gae ause samjh hi nahi aa raha tha k wo kiya jawab de
Aliyan ne ause aik zor'dar thapar de mara mene pocha amaya kahan he?
wo yahan Nahi he aus ne foran jawab diya
aus k jhoot pe Aliyan ko mazeed ghusa aaya wo aus ki janib bardha or ause marne shuru kar diya
ause itna mara k abrar k naak se khoon behne laga Aliyan ause ghaset'te hoe dewar k pas le gaya or aus ka sar dewar mein de mara
teri himat bhi kese hoi Amaya ko kidnap karne ki? meri amaya par tu ne hath uthaya aj mein tere ye hath tor dunga, aus ki ankhein ghuse se laal ho gai
Dr.Anas ap foran Amaya ko hospital le kar jaein
Dr.anas kamre ki tarf bardhe abrar ne aliyan ko apne se dor dakha diya or dr.anas ko rokne ki koshish karne laga
nahi doctor tum andar nahi ja sakte tum dokhebaz ho mere sath tum ne dokha kiya aus ne doctor ko dor dakha diya
Aliyan ne bhag kar dr.anas ko uthaya or aik bar phir abrar ko geraban se pakar kar marna shuru kiya Aliyan ki ankhon me behad ghusa tha
dokha tou tu ne kiya he mere sath, Abrar mene socha bhi nahi tha k tu itna gir jae ga tu ne aik nanhi masom jan lena chahi,
teri himat bhi kese hoi meri bivi or bache ko nuqsan phunchane ki mujhe laga tha tu sudhar gaya par nahi kute ki dumm hamesha tehdri hi rehti he
wo ab bhi ause buri tarah mar raha tha jese wo abrar se gaon wale badle bhi aj hi le raha ho...
Aliyan meri bat--- Bas aik dum chup aliyan ne ankhein nikal kar ause dekha mujhe teri koi baat nahi sun'ni tujh par bharosa kar k maf kiya tha
par tu mafi k layak nahi wo ab bhi kuto ki tarah ause mar raha tha
choro aliyan mar jae ga abrar dr.anas ause churwane lage
nahi doctor chor dein mujhe me ais ko zinda nahi choron ga
Aliyan pagal mat bano ham aise police k hawale kar dete he tum qanoon hath me mat lo
doctor please ap amaya ko le kar hospital jaein
Doctor anas ause hospital le jane k liye nikal hi rahe the k ausi doran police bhi aa gai or abrar ko gariftar kar k le gai...
Amaya ko foran hospital le gae, aliyan bohat pareshan tha k abb kiya hoga?
ALLAH se duwaein karne laga kiya aj phir panch saal pehle wala waqt khud ko dohra raha tha?
aus k chehre par dar tha amaya or nanhi jan ko kho dene ka dar...
Police ko kis ne bulaya tha? wo zain ko dekhte hoe bola
Mene bulaya tha Mein office se nikal raha tha ap ki tarf aane k liye tab mujhe baba jan ki call aai wo ap ka poch rahe the
auno ne bataya k Aliyan call recieve nahi kar raha foran Aliyan ki tarf jao or khabar do!
acha mujhe call ki? Aliyan ne apni jaib se cell phone nikal k dekha
oh chachu ki panch calls wo phone mein nazrein makros kiye bola mera phone silent pe tha
Bhai jan mein jab ghar phuncha tou Gul khan ne mujhe sari baat batai mene foran police ko inform kar diya
or hanw subha Bare Baba ka phone aaya tha
Baba jan Kiya keh rahe the? wo ab chair pe beht gaya
wo poch rahe the Aliyan aj kal kahan masroof he Office kiyon nahi jata?
mene kaha bare baba ap ko kese pata k bhai jan office nahi jate?
wo kehte me rehta gaon mein hun par mujhe sab khabar hoti he tum log karachi mein kiya karte phirte ho me aik dum ghabra gaya k kahin bhabi k bare me pata tou nahi chal gaya!
Acha phir Amaya ka pocha?
Mene kaha bhai jan ki tabiyat kharab he
phir kiya kaha ab aliyan k chehre par double pareshani thi
auno ne kaha Amaya kahan he meri baat karwao
bhabi shopping pe gai hein
zain tumhein jab jhoot bolna nahi aata tou bolte kiyon ho?
Aliyan ko kehna me aj karachi aa raha hun tum logo ko kiya laga mujh se chupao ge tou mujhe pata nahi chale ga
police ne Fahad ko giraftar kiyon kiya he? mujhe sab pata he
par bare baba ap ko kese pata? Zain chonka
Mujhe badar or gul khan ne sab bataya he
ab zain bhi aus k pas wali khali chair pe beht gaya!
Auff ye Gul khan! mene mana bhi kiya tha k baba jan ko kuch na batana par chamcha he baba jan ka...
Aliyan mou bana kar bola!
bare baba keh rahe the k Baba jan ki ais silsile me aun se baat hoi thi
or abhi kuch der pehle mene baba jan ko khabar di he Abrar ki giraftari ki
tab baba ne bataya k bare baba or bari mama subha se karachi aae hoe he wese tou sab pareshan he hi par Aliyan k call recieve na karne pe or ziyada pareshan he
kiya baba aagae?
jee aagae or kuch hi der mein sab Hospital phunch jae ge
zain ka phone bajne laga wo uth kar side me chala gaya
Nurse aati dikhai di tou Aliyan foran aus ki janib lapka
Amaya or baby--
jee dono hi ab khatre se bahar he jab hosh aae ga ap ko bata dege..
Aliyan k chehre par khushi chaa gai wo ALLAH PAK ka shukar ada karne laga
----****----****-----****-----
Bhai jan police station se phone aaya tha ap ko bulaya he zain ne aliyan se kaha!
abhi ham yahan he police station kese?
Aliyan tum jao me hun yahan tum foran police station se ho k aa jao Dr.Anas ne ause jane ko kaha
thankyou Dr.Anas
kuch hi der mein wo dono police station phunche
kahiye kiyon bulaya inspector sir?
Mr.Aliyan kafi mar lagane k bad ais abrar nami larke ne apne jurm ka ehteraf kiya he or bhi kai batein samne aai he
aaein khud ais k mou se sun lein inspector auneh abrar k pas le gaya...
fahad bhi wahin tha!
bol kiya kiya jurm kiye he? police inspector ne zor dar thapar mara
Nahi bataon ga wo ankhein dikhane laga
hamein Akrd dikha raha he ause aik or thapar mara
Aliyan ko ghusa aaya tou aus ne bhi aik zordar thapar de mara jo pocha he wo batao!
police se mar tou khai hi thi par shayad aus ka asar kam ho gaya tha ab taze taze do thapar khane k bad wo kisi tootey ki tarah tar tar bolne laga!
Fahad beqasoor he jo bhi kiya me ne kiya tha amaya k juice me zehareli dawa mene milai thi ta k hamare bech koi tesra na aae or
tumhein larki ban kar messages bhi mene kiye the amaya k dil me shak paida kiya ta k amaya or tumhare bech larai hojae...
Aliyan ne ause aik bar phir thapar de mara wo messages tum ne kiye ais ka matlab amaya sachi thi par mujhe phone me koi message kyon nahi nazar aae?
tumhara phone aksar kamre me hota tha me moqa dekh kar delete kar deta tha or me message ausi waqt karta tha jab tum amaya k qareeb nahi hote the
or tumhara phone aus k aas pas hota tha or mene bas tabhi messages kiye jab me zain ki mangni me aaya hoa tha or kuch din wahin raha tha
tum logo ki baatein bhi me hi suna karta tha
mene aesa mahool kar diya k sab ilzam fahad pe lag gae kyon k
ais ki wajah se ghar walo ne mera jeena mushkil kar diya tha
fahad jese bano fahad amaya ki khushi k khatir hamesha se chup tha or chup rahe ga
Sab ko kese pata chala k fahad amaya ko pasand karta tha? Aliyan chilaya
jis din tum or amaya hamare ghar dawat pe aae the aus raat tum dono lawn me behte the tab mene tum dono ko ais bare me baat karte suna tha
ab wo inspector ki tarf dekhte hoe bolne laga ain dono k bech understanding dekh kar
mujhe jealousy hone lagi thi mera khoon kholne laga tha
jab bhi me aineh sath me khush dekhta tha mera khoon kholta tha
Aliyan or fahad ka piyar dekh k bhi mujhe jalan hoti thi bas mene teh kar liya tha k ain dono ko aik dosre ka dushman bana dunga
or phir ye bat mene hi sab ko batai par mujhe kiya pata tha yehi baat mere sar ka dard ban jae gi har waqt fahad fahad ghar me hota tha
nafrat hogai thi mujhe ais fahad se wo fahad ko dekhte hoe bola
mene fahad se apna badla lene k liye sab ilzam aus pe laga diye me har chez aus waqt karta
jab fahad amaya k aas pas hota tha
ta k sab log khas'tor pe Aliyan fahad par shak kare....
Mene kaha tha na k mein beqasoor hun par kisi ne meri na suni fahad chilaya...
fahad kuch sochte hoe bola aik second ais ka matlab zain k message bhi aisi ne pardhe the
aus raat ye mere ghar aya tha
hanw me kese bhool gaya k ye mere ghar aaya tha or me naha raha tha par jab
me naha k bahar nikla tou abrar wahan nahi tha wahan se ja chuka tha!
or mujhe laga koi kam hoga tabhi ye ruka nahi ya shayad barish k mosam ki wajah se
ye foran chala gaya hoga!
Ab apne gunah qabool karne k ilawa abrar k pas or koi rasta nahi tha wo apna har juram qabool kar raha tha
han zain ne jab fahad ko message kiya tab me wahin tha fahad nahane gaya howa tha cell phone baja tou mene message dekha
me khush ho gaya k amaya wapas aa gai
Mein dubai gaya howa tha or aus roz me dubai se lota tha ais liye mujhe aus roz pata chala tha k amaya wapas aa gai he
mene message dekh kar reply kar diya or me jane hi wala tha k ausi doran phir message tone bajji mene foran message dekha
jis me agle roz milne ka likha hoa tha mene jaldi se reply kar k messages delete kar diye or phir wahan se chala gaya...
Amaya se milne bhi me hi gaya tha wo fahad ka intezar karti rahi me chupp kar ause dekh raha tha me sahi moqe ki talash me tha
fahad k na ane par wo resturent se bahar nikli or road pe chalne lagi
or phir aik street k cornor pe ja kar khadri ho gai or apne cell phone pe number dial karne lagi aus k aas pas koi nahi tha bas ausi doran moqa dekh kar mene piche se aus k sar pe danda de mara
or wo behosh hogai phir me ause apne apartment me le aaya!
fahad ki wajah se mujhe ghar se nikal diya gaya tha...
me itna bara ghar chor kar aik apartment mein reh raha tha
Tumhein tumhari harkaton ki wajah se nikala gaya jahil admi fahad ghuse se chilaya!
Aliyan ko reh reh kar aus pe ghusa aa raha tha
Amaya ko bohat kaha mujh se shadi kar le par manti hi nahi thi na kuch khati thi mujhe ghusa aaya mene ause mara,
wo har waqt aliyan aliyan karti rehti thi wo kehti thi mujhe ALLAH ki tarf se madad ka intezar he mera ALLAH koi maujza zaroor dikhae ga wo meri madad zaroor kare ga
jis ne mujhe aliyan diya wo aik bar phir mujhe aliyan de ga!
mene phir mara ause par auski akrd khatam nahi hoi me ause hasil kar k aliyan se badla lena chahta tha
ye janta tha me amaya ko chahta hun phir bhi ais ne amaya se shadi ki mujh se cheen liya amaya ko me ain sab ko barbad karna chahta tha
Aliyan ko pareshan dekh kar mujhe bohat maza araha tha, par wo doctor aus ne dokha de diya me nahi choro ga kisi ko bhi nahi choro ga
hospital mein bhi mene hi doctor ko paise diye the k wo amaya k marne ki jhooti khabar sab ko de or me moqa dekh kar Amaya ko wahan se le jao hamesha k liye sab se dor par me nakam hogaya
mujhe pata chala kisi doctor ne amaya ko check kiya he or aus ne sab ko bata diya k amaya zinda he par mene aus doctor ko dekha nahi tha
warna ause bhi khareed leta me mar donga sab ko mar dun ga
wo kabhi hansne lag jae tou kabhi rone shayad wo pagal ho chuka tha!
aus ki jealousy hassd me tabdel hogai thi
Abrar tum tou bad'dua k qabil bhi nahi ho tum tou pehle hi hasd ki aag me jal rahe ho Aliyan ause dekhte hoe bola
Abrar ki ankhon me koi sharmndagi nahi thi
wo hassd mein itna andha ho gaya tha k sahi galat sab bhool chuka tha...
Aliyan ko hospital se call aai tou wo foran hospital phuncha....
aus ne hospital k kamre ka darwaza khola samne hi amaya ko lete hoe paya
sh'shukar he ALLAH PAK ka A'amaya t'tum thek hogai m'me tou dar hi gaya tha aus ki ankhon se ansu behne lage or lafz toot toot kar zuban pe aa rahe the,
t'tum ne itni mar bardsht ki hamare bache ki khatir tumhein kuch ho jata tou socha he mera kiya hota tumhare bina kese jeeta mein wo ab bhi ro raha tha?
Amaya ne ause rote howe apni ankhon se pehli bar dekha tha warna tou bas anaya se hi suna tha k
jab wo hospital me admit thi tab or aus k lahore jane k baad aliyan bohat roya tha
par aj rote howe dekh bhi liya or ause apni ankhon par yaqeen hi nahi araha tha k Aliyan bhi ro sakta he!
Dekha Mujhe lecture nahi shocked bhi dena aate he amaya muskurate hoe boli...
aik maro ga thapar 'ziddi larki' wo ab apne ansu saf karte hoe halka sa muskuraya..
Ap ro rahe hein mujhe yaqeen nahi aa raha ab wo aus ki tang khenchne lagi!
Ausi waqt sab ghar wale kamre mein dakhil hoe Amaya kesi ho beta?
jee behtar hun ap sab kese he?
ham thek tou nahi the par ab apne bachon ko sahi salamat dekh kar ham thek he Mustafa Alam muskurate hoe bole or ALLAH ka shukar ada karne lage
Nurse kamre me dakhil hoi Mr.Aliyan ye lein ap ka beta!
Sab aik dum choonke Beta sab k chehro pe khushi chaa gai
Aliyan ne lapak kar apne bete ko goood me liya M'mera beta Baba jan mera beta
ye dekhein Mama mera beta wo aik aik k samne apne bete ko kar raha tha
aus ki khushi ka koi thikana hi na tha
sab bohat khush the aliyan ko tou jese sari khushiyan mil gai ho
Ab anaya rote hoe kamre me dakhil hoi Amu kesi ho?
kahan thi shukar he tum thek ho Aus k chehre pe pareshani bhare tasuraat the
Amaya ause dekh kar muskura di me thek hun jab tak mera ALLAH mere sath he mujhe bhala kiya ho sakta he
Anaya ye dekho mera beta Aliyan ne ab khushi se anaya k agey kiya
Anaya bhi aik dum choonki beta Bohat bohat mubarak ho
wao baby is so cute anaya ause piyar karne lagi..
han apne baba pe gaya he cute kese nahi hoga aliyan foran muskura k bola...
kuch der me Dr.Anas aae Amaya ab kesi tabiyat he?
Me thek hun par mein yahan kese aai ap logo ko kese pata chala k mujhe abrar ne---
Dr.anas or Aliyan ne tamam bat batai k kese abrar ne apne jurm ka ehtraf kiya...
Dr.sahab amaya ko ghar kab le ja sakte he? anaya ne sawal kiya
Amaya jee me ap ko zabardasti ghar jane ki ijazat de raha hun kyon k ap k husband ne mere naak me dam kar dena he dr.anas muskurae sab hansne lage....
-------****--------****-------*****--------
Raat k 9:00 baj rahe the sab dinner k bad tv lounge me behte chae pee rahe the...
fahad bhai kahan he? Amaya ne kuch sochte hoe pocha
bhai jan ghar hen mene bulaya tha bas ate hi honge zain chae ka cup table par rakhte howe bola,
lo aa gae fahad bhai Anaya muskurai...
Asalam wa alaikum!
Wa alaikum asalam sab ne aik zuban jawab diya
Badar Alam uth kar apne bete k gale lage Mrs.Badar ne bhi apne bete ko khoob piyar kiya
fahad i'm really sorry mene tumhare sath....fahad ne Aliyan ki baat kat di
Aliyan koi baat nahi tumhara qasoor nahi he abrar ne halat hi aese kar diye the k tumhein tou
mujh pe definatly shak hona tha,
fahad kuch sochte sochte bolne laga me kese bhool gaya k zain or anaya ki engejment k doran
abrar yahin pe tha or jab me kitchen me gaya
tab mene wahan se abrar ko nikalte dekha tha
or' juice ka glass wahin slap pe rakha hoa tha mujhe laga zulekha ne rakha he amaya ko dene k liye tou me de ata hun,
me juice le kar tumhare kamre me aagaya
or jab tum or amaya engejment k roz kamre mein khadre kuch baat kar rahe the aus doran bhi poll k piche mene abrar ko khadre dekha tha par ziyada gor nahi kiya
mujhe kiya pata tha k aus k dimag me kiya chal raha he agar kuch bhi andaza hota tou
mera zehan ye sab baatein zaroor sochta par ju'k abrar ne mafi mangi thi aliyan se
tou ham sab ko tou yehi laga tha k wo sudhar gaya he
kisey pata tha k wo ye sab kare ga,
khair choro socho bura waqt tha taal gaya or jo howa bhool jao Abrar ne jo kiya aus ki saza ause mille gi wo pori tarah pagal hogaya he
court ne ause pagal'khane bheej diya he
Aliyan foran utha or fahad k gale lag gaya or sab gile shikwe dor hogae...
fahad bhai mujhe maf kar dein mene bhi ap ko galat samjha zain gale lagte hoe bola
ary nahi pagle koi baat nahi sab bhool jao!
wo teeno aik dosre k gale lag gae
auneh aik sath dekh kar Mrs.Badar ki ankhon se ansu behne lage
Dekha me kehti thi na mera beta beqasoor he wo aesa nahi kar sakta par Badar ap ko yaqeen na tha
bhabi halat hi aese ho gae the k sab saboot fahad k khilaf the Mrs.Mustafa foran boli
chalo ab tou sab gile'shikwe khatam ho gae he jo hoa sab bhool jao Mustafa Alam sab ko dekhte hoe bole
Mujhe kisi se koi shikiyat nahi me khush hun k Amaya thek he or Me begunah Sabit ho gaya
Amaya ALLAH ne maujza dikha diya Dr.Anas ko tumhari madad k liye bhej kar fahad muskuraya
Ap ko kese pata?
Abrar ne bataya tha k Amaya ko apne rab ki janib se madad ka intezar tha wo kehti thi mere ALLAH maujza zaroor dikhae ga Aliyan mere liye or me aliyan k liye hun
waqai tum ne sahi kaha tum dono aik dosre k liye hi ho!
fahad ne muskurate hoe aun dono ki jaib dekha
mujhe Aliyan se shikayat he Mustafa Alam ki awaz kano me pardhi
mujhe se par kiyon baba jan?
barkhudar tum itne bare ho gae ho k apne baba se ab baatein chupane lage ho
ye hamesha yaad rakhna bache chahe jitne bhi bare ho jae par apne maa bap k liye
wo hamesha bache hi rehte he
wo foran apne baba k pas ja kar behta or aun ka hath apne hathon me liya Baba jan mujhe maf kar dein me bas ap ko pareshan nahi karna chahta tha!
tum hamein pareshan nahi karna chahte the or khud hafton pareshan hote rahe beta ham sab aik family he ham apne dukh aik dosre se share nahi kare ge tou or kis se kare ge?
ab auno ne aliyan k sar pe hath rakha
jee baba jan ap sahi keh rahe he ainda aesa nahi hoga!
ab Mustafa Alam ne apne pote ko apni goood me liya or muskura kar ause piyar karne lage
Amaya hamara pota bilkul Aliyan jesa he par aise aliyan ki tarah akdru mat ban'ne dena Mustafa Alam muskurae
Baba jan kiya ap bhi ab mein itna bhi akdru nahi aus k chehre pe shararti muskurahat thi
Fahad bhi nanhe bache ko piyar karne laga
kuch hi der mein Amaya ko apne Baba saein aate dikhai diye wo bhag kar aun ki janib lapki or gale lag kar khoob roi wo kafi arse baad apne Baba se milli thi...
kiya howa bache aese kiyon ro rahi ho sab thek tou he na?
jee Baba saein sab thek he itne time baad ap se milli hun tou bas ansu aagae...
sab bohat khushi se Major Amir se mile
apne nawase ko dekh kar wo bhi bohat khush the or kai tohfe lae the!
Hamare nawase ka naam kiya rakha he? Major Amir ne sawal kiya
ye tou Aliyan hi batae ga Mustafa Alam ause dekhte hoe bole
baba jan kiya ap naam nahi rakhna chahe ge? wo narmi se bola
Nahi beta hamare pakistan mein amomann khandano mein aisi baat pe behas hoti he K baby ka naam kon rakhe ga?
dada dadi kehte he ham rakhe ge or nana nani kehte he ham rakhe ge tou mera tou yahi khayal he tumhein khud apne bete ka naam rakhna chahiye kiyon Major sahab mene sahi kaha na?
jee jee bilkul ap ne durast farmaya!
agar ap log yahi chahte he tou jesi ap ki marzi baro ki baat man'na mera farz he
ab aus ne aik nazar nanhe bache ko dekha ais ka naam "Shams Aliyan" he
wah bohat acha naam he nanhe shams k liye nanha sa naam sab kehka laga kar hanse
Mustafa sahab aik baat tou man'ni pare gi ap ne apne bete ko bohat achi tarbiyat di he
Major Amir ko Aliyan pe piyar aa raha tha
shukriya ap ne bhi apni beti ki khoob achi tarbiyat ki he ab wo muskurae
Aliyan aik bar phir Allah ka shukar ada karne laga(ALLAH PAK tera lakh lakh shukar he tu ne
meri izzat rakh li)
Aj ghar mein khoob chehal'pehal thi pore ghar mein kehko ki sadaein sunai de rahi thi
sab bare apas mein baatein karne mein masroof the!
or anaya amaya k pas aus k kamre mein thi
Anaya chotu baby ko tang karne mein masroof thi aus ki itni galein khenchi thi k ab wo anaya se darne laga tha
ye kiya kar rahi ho Anaya kha jao gi kiya mere bete ko!
tumhara beta? Anaya aik eye-brow opar chardhae ause dekhne lagi
hanw mera beta
tumhara beta bad mein pehle mera damad he samjhi anaya bare roub se boli
kiya kaha tum ne abhi? Aliyan kamre me dakhil hote hoe bola
Anaya k chehre ka rang urd gaya k'kuch nahi mene kaha k shams kitna piyara he bilkul aliyan bhai jesa khubsoorat aus ne foran bat badli
Aliyan apni hansi dabae Amaya ko dekhne laga auf kin pagal larkiyon k bech phas gaya mein amu tumhari dost jhoot acha bolti he
ye kehte hoe wo wahan se chala gaya!
Aliyan ko dekh kar tumhara bulb kiyon fiuse ho gaya madm? amaya hanste hoe boli
toba he kitne chalak he Aliyan bhai foran jhoot pakar liya wo mou bana kar boli
Nanhe shams k ghar ane se Amaya or Aliyan ki khushi ka tou koi thikana hi nahi tha...
------*****------******------*****-----
Mohtarma aa gai ser'sapate kar k Anaya k ghar me dakhil hote hi pehla sawal Rashmin phuppo ne kiya
phuppo me Amaya k ghar gai thi ser'sapate karne nahi aus ka beta hoa he
tou tum kiya aus ki khidmatein karne ruk gai thi ghar aane ka nahi pata tha subha se nikli ho or ab raat k 11:00 baje ghar louti ho
tumhari maa ko tou koi fikar hi nahi he k beti kahan jati he kab aati he?
phuppo me kahin ati jati nahi Ami ko pata he me agar kahin jati hun tou bas amaya k ghar or meri ami ko meri fikar bhi he or mujh par yaqeen bhi aus ne do'tok jawab diya
Anaya tum aa gai amaya kesi he or fahad ka kiya bana?
ami k sawal pe anaya ne ankhein band ki uff ho ab phir phuppo shuru ho jae gin
kiyon fahad ko kiya howa? phuppo ne foran sawal barsaya
Ami amaya thek he or fahad bhai beqasoor the sab kiya dhara aus abrar ka tha
shukar he ALLAH ka fahad begunah sabit ho gaya or Amaya thek he?
Ami amaya ka beta howa he wo khushi se batane lagi
MASHALLAH mujhe phone kar k amaya ka bata deti me bhi aa jati...
phuppo kabhi anaya ko dekhein tou kabhi aus ki ami ko ye kiya chal raha he koi mujhe bhi kuch batae ga ab ye abrar kon he?
tumhari dost baaz nahi ati kuch na kuch karti rehti he phupo mou bana kar boli
phuppo ap phir shuru hogai jab ap ko kuch pata nahi hota tou ap bolti kiyon hein
Amaya ne kuch nahi kiya he
ab aus ne phuppo k agey ghuse se hath jore mene ap k agey hath jore amaya ko bura bhala
bolna band karein akhir aus ne ap ka kiya bigadra he
wo ghuse se wahan se chali gai!
Dekha dekha kese zuban chalti he ais larki ki aus amaya ko kuch keh do bas foran mirchi lag jati he
Appa ap kiyon bolti hein aesa amaya ko ap aus ko janti hi kitna he?
ary bas behan rehne do ab tum aus ki wakalat mat karne lag jana jao mujhe aik glass pani pilao!
----****----****----****-----
Aliyan ye panch saal kese guzar gae pata hi nahi chala apko pata he aj Anaya pakistan wapas aa gai he
mene tou bohat bola tha apni shadi se aik mahina pehle hi aajana but dekho aj apni mehndi k roz aai he,
kiya zarort thi England jane ki aus ne fahad bhai ki shadi bhi miss kar di...
suhneri peeshani par mustakil pare bal or kanch si khoobsurat ankhon me chae hoi fikr...
chori'dar pajame par bareek golden kaam wali blue froak mein malboos rasi k andaz me dupata maflar ki tarha gale me lapete howe tang pe tang rakhe dresing table k agey behti
Amaya baal banate howe boli...
shukar karo khud ki shadi pe to aarahi he tumhari anaya!Aliyan book k safhe badalte howa bola hamesha ki tarha aliyan k mathey pe girtey baal bohat ache lag rahe the....
ab wo uth kar bed pe ja kar beht gai or apne pajame k chunn set karne lagi
cute sa Amaya jesi ankhein aliyan jesi uthi hoi naak aik (5)panch'saala bacha mamma mamma ki saadaein lagata bhagte howe kamre me dakhil howa...
Aram se shams bhag kyon rahe ho kiya howa Ap chila kyon rahe ho? Amaya ne aus k nanhe mulayam hath apne hath me lete howe sawal kiya...
Mamma Niche sab guest aa gae he or shams abhi tak tayar nahi howa wo mou banate hoe bola
Shams har baat mein apna naam zaroor leta tha
Beta ap ready tou hein Amaya ne muskurate hoe kaha
Nahi'Mamma' shams ko Baba jese kapre pehn'ne he...
Aaww mera bacha jab ap bare hojao ge tab baba jese kapre pehn'na ok
wo apne kapron ko hath lagate hoe bolne laga nahi shams ko ye nahi pehn'ne shams ko baba jese kapre chahiye wo zid karne laga..
Nahi baby zid nahi karte ap chotu baby ho na ap to ache bache ho ache bache zid nahi karte
par bachon ko asani se har baat kahan samjh ati he wo mazeed zid karne laga..
shams aik bar ap ko samjh nahi ata Aliyan ghuse se bola...
Aliyan ka cell phone bajne laga or wo phone kan pe lagae kamre se bahar chala gaya
Baba bohat ghande he har waqt shams ko dandte rehte he shams ko nahi karni baba se kabhi bhi baat wo mou banae seene pe hath bandhein soffee pe beht gaya
Amaya uth kar aus k pas aai nahi bache aesa nahi kehte buri baat jo ap se piyar karte he wo ap ko dandte bhi he
nahi baba ache nahi he wo mau bana kar bola...
shams idhar dekho mama ki tarf ap ko aesa kis ne kaha k baba ghande he?
Ramsha chachi ne kaha wo jawab de kar wahan se bhaag gaya!
Ramsha bhabi ne par kiyon? Amaya heran hoi
Aliyan ko shams se beloos muhabbat thi par ain dino office mein ziyada kam ki wajah se wo
shams ko thek se time nahi de pa raha tha!
or shams ko lagne laga tha aus k baba aus se piyaar nahi karte najane ye baat aus k zehan mein kese aai thi ya shayad lai gai thi...
shams aik smjhdar bacha he or ais tarah ki baat aus k zehan mein aana amaya k liye fikarmandi ki baat thi..
kuch der mein mehndi function shuru hogaya zain k chehre pe bohat khushi thi bari bari sab rasam karne lage
Samaira ne zain ko pora tel me nehla diya
Ramsha bhabi k dewar ki shadi thi tou wo khasi aagey aagey thin
Shukar he zain ALLAH ALLAH kar k tumhari shadi ka din tou aaya warna mene tou yahi suna tha jab bhi tumhari shadi hone lagti kuch na kuch ho jata tha
Ramsha ne tanziya nigahon se Amaya ki janib dekha
khushi ka mahool tha koi bhi Ramsha ki baat par apna mood kharab nahi karna chahta tha
Bhabi ALLAH PAK jo bhi karte he hamare bhale k liye karte he or hamein ALLAH ki raza
mein razi rehna chahiye jab mujhe koi problem nahi tou kisi dosre ko bhi nahi honi chahiye
zain ne do'tok jawab diya
jis pe Ramsha ka mood Kharab ho gaya!
Ramsha chup kar jao fahad ne apni bivi ko tooka
Hamas or haniya bhi dubai se aagae the aun k MASHALLAH do bache the aik beta or aik beti
Ehm aj tou bohat achi lag rahi hen medam khariyat tou he? aliyan pas khadra bola
kiya matlab aj? me tou roz hi achi lagti hun wel thank you ap bhi hamesha ki tarah bohat ache lag rahe he wo shararti andaz me boli....
wo itne naram lehje se boli thi k Aliyan k chehre pe muskurahat aagai....
Aik table pe kuch khawatein behti thi jin me se kisi aik ne kaha ye larki kon he kitni ajeeb lag rahi he khud ko pata nahi kiya samjh rahi he
foran dosri boli ary ais ko choro wo dekho wo mehroon duppate wali aus ki tou zulfein hi nahi tik rahi
Aunty mama kehti hein good peoples kisi ki mazaq nahi banate shams pas se bolta howa guzara!
aus table pe behti baqi khawatein kehka laga kar hansi or aun do larkiyon ko shams ki baat par apni bezati mehsoos hoi!
-----****-------****-------****-------
Agle roz sab shadi k liye tayar hone lage...
Amaya shams ko tayar karne mein masroof thi...
Mamma Anaya aunty ab shams ki kiya lage gin?
kiya matlab kiya lage gi beta wo ap ki aunty hi he...
auf ho mamma wo sar pe hath rakhte hoe bolne laga jese ap baba ki bivi mama hen mamo ki bivi mami hen to chachu ki bivi meri kiya hoi?
wo ap ki chachi hoi...
ab amaya ne ause coat pehnaya
or meri bivi jo hogi wo ap ki kiya ho gi?
meri bahu...
or ap mere bachon ki?
dadi auf shams kahan se seekhte ho ap aesi baatein?
apne ap se wo muskuraya aus ki muskurahat me aik masoomiyat si thi amaya ko bhi hansi aagai
hum kiyon ja rahe he mamma?
chachi ko lene ab wo yahin rahe gin chalo ab ap ready ho now go amaya aus ka gal thap'thapate hoe boli...
pink lehnge pe silver sitare'motiyon ka kam amaya lehnge me malboos behad khubsoorat lag rahi thi kitni achi lag rahi hun me hamesha ki tarah wo khud ko sheshe me dekhte howe boli...
ye kiya gulabi sharbat ban gai ho? aliyan ause tang karte howe bola
wo tehdri nazron se ause dekhne lagi
kiya aese kiya dekh rahi ho? kitna makeup kiya he auff koi dekhe ga to dar hi jaega me bhi sochon me itna kamata ho paise kahan jate he
abb pata chala sare paiso ki tou tum makeup ki dukan khared lati ho wo hansi dabate hoe bola! ause pata tha aus ki baat pe amaya chird jae gi
han tou ap kamate kis liye he bivi bachon k liye hi naa tou meri marzi me kuch bhi lon or mujhe pata he me achi lag rahi hun wo kano me jhumke pehn'ne lagi...
oh apne mau miyaa mithuu, yad he aik bar tum ne hina chachi ko kaha tha k log tou apne mau miya mithu he tou ab tum kiya ho bolo bolo wo muskurane laga!
ha hanw tou a'ap ki sohabat ka asar he wo ruk ruk kar bolne lagi..
acha ab meri sohabat ka asar hogaya jab koi kam ki aqal wali baat ho tab sohabbat ka asar kyon nahi hota medam?
mujhe shams bula raha he me jati hun wo wahan se jane lagi aus ne amaya ki kalai pakri ruko ruko kahan bhag rahi ho tumhara ladla ja chuka he apne chachu k pas!
ary ap kitne handsome lag rahe he ap ki shervani kitni jaaajh rahi he ap par wo muskurahat dabae boli(ab wo aliyan ko baaton mein lagane lagi ause aliyan k irade kuch thek nahi lag rahe the)
hanw me tou hamesha hi acha lagta ho thnkyou so much par me tmhari koi tareef nahi karne wala amaya aik bar phir wahan se bhagne lagi
ruko kahan bhagne lagi ho?
aus ne or mazbooti se aus ki kalai pakri mujhe baaton mein laga kar bhagne lagi thi!
wo mein wo kyon meri tareef kiyon nahi kare ge ap? wo mau bana kar boli,
kitne saal hogae hamari shadi ko or tum ne aik bar bhi mujhe apni zuban se wo 3 magic words nahi kahe wo ause apne qareeb karte howe bola...
lo ab ye koi time he aesi baaten karne ka chalen der ho rahi he sab wait kar rahe hoge
no pehle bolo aliyan ne ause apne or qareeb kiya...
Amaya tum bohat khoosurat lag rahi ho!
i know wo ab sharmate hoe muskurai...
Ab sharmana band karo or bolo..
kiya bolun?
wohi three magic words?
acha pehle ankhein band karen phir bolun gi...
ok ye lo karli ankhein band wo ankhein band karte howe bola..
'i' 'i' 'i' ..
kiya i i 'gulabi sharbat' agey bhi tou bolo wo chilaya...
i'm sorry we'r getting late ye kehte howe amaya wahan se bhaag gai..
Amaya ruko Amu wo chilate howe piche bhaga...
-----*****-----*****------*****-------
ab wo Marriage hall phuhanch gae the
Ghar me kafi time bad koi shadi hoi thi or Akhri shadi thi tou Badar Alam ne bohat dhoom dham se apne chote bete ki shadi ki thi
kafi saalon bad sab classfellows se mulaqat hoi...
Amaya tumhara beta kahan he bohat tarifen suni he k bohat cute bohat shararti he
Khansa muskurate hoe boli...
apne chachu k sath hoga har waqt zain k sath chipka rehta he
tum batao saim kesa he wo aya he or tumhare bache?
Nahi saim kisi business meeting k liye out of town gae hoe he or mere do bete he or dono hi nahi aae vications chal rahi he tou apne dada dadi k pas gae hoe he
samne se aik bacha aata dikhai diya Amaya wo dekho wo jo bacha bare roub se chalta aa raha he
kiya wo shams he?
khansa aus bache ki tarf ishara karte hoe boli
Amaya ne aus bache ki janib dekha or muskurai hanw yahi shams he tumhein kese andaza howa?
wo bilkul Aliyan ki tarah roub mein chalta Aa raha he tumhein yaad he university mein kis tarah Aliyan roub se phirta tha
or aus ka Ego or Attitude kitna high tha or ghusa tou har waqt naak pe rehta tha bohat proudy bhi tha or kitni hi larkiyon ko aus pe crush tha
or sab ause magroor,proudy,or egostic kehte the
khansa ki baat par amaya ko kuch yaad aaya tou wo muskura di
Aliyan ki aini baaton ki wajah se hi tou wo aus k dil mein utra tha!
tum ziyada muskurao mat tumhara bhi yahi haal tha tum dono aik jese the ALLAH ne sahi kiya tum dono ko aik dosre k gale dal diya
aik sher tou dosra sawa'ser ab wo dono kehka laga kar hansi
shams yahan aao amaya ne ause awaz di
salam karo aunty ko!
apne nanhen mulayam hath khansa k hath me dete hoe aus ne salam kiya
kese ho beta?
Mein thek hun ap Mama ki dost hen?
jee me apki mama ki dost hun ap bohat piyare ho mere sath aik photo banawao ge?
nahi Ache bache larkiyo k sath photo nahi banwate wo foran bola...
ap ko kis ne kaha?
shams ne khud ne......
haha how sweet MASHALLAH bohat piyara he tmhara beta Amaya ALLAH aise nazre bad se bachae amen or tmhare husband kahan he?
yahin kahin honge kisi kam me masroof Anaya aagai parlour se Khansa?
han bridal room me he Aao me tumhein le chalo..
Aao shams aunty ko milne chale aus k nanhe hath apne hathon me liye wo chal di...
silver kam wale surkh lehnge me malboos Anaya bohat haseen lag rahi thi MASHALLAH aj tou koi bohat qayamat dhaa raha he amaya muskura kar boli..
mujhe tum se baat nahi karni ab aa rahi ho tum mujhe laga aj mera special day he tou aj pora din tum sath rehne wali ho wo mau banate howe boli...
Anu achi dulhane mau nahi banati or tumhein tou pata he na me larke wali bhi ho itne kam the or phir ye tumhara bhanja shams ais ne alag tang kiya howa tha..
kahan he shams? anaya apne gile shikwe foran bhool gai
Anaya ne shams ki tasveerein facebook or twitter par hi dekhi thi aj 5saal bad wo shams se mil rahi thi...
ye raha mere piche shams aunty se tou milo..
ASALAM WA ALAIKUM aunty wo muskuraya..
Mama ab tou aunty shams ki chachi hoi naaw?
han me ap ki chachi hun ab anaya muskurai..
chalo chalen chachi wo hath pakar kar chalne laga
par kahan shams? anaya herani se boli
ghar Mama ne kaha tha ham apko lene ja rahe he tou chalen..
haha amaya kitna piyara he shams 5saal bad aj dekha mene jab wo shehtaniya karne laga he
Mama hum ghar kab jae ge?
beta shadi khatam hone k bad jae ge..
oh no me tou tab tak so jao ga wo mau bana k bola...
koi baat nahi beta ap thori der jag lena Khansa shams ko dekhte howe boli,
Khansa shams ne apne baba ki tarah har chez ka time table banaya howa he k kis waqt khana khana he, kis waqt juice peena he,
kis waqt study karna or khelna he, sona he janab ki har chez ki timing set he
or guards ko apne sath khel me lagae rakhta he auneh apni duty bhi nahi karne deta sara din bas sharartein....
zahir he tumhara beta he sharartein nahi kare ga tou pata kese chale ga k ye Amaya Aliyan ka beta he anaya muskurai...
hahaha achi bat he abhi se timing k hisaab se chalta he or zahir he apne baba pe hi jaega Khansa hanste howe boli...
yr fahad bhai ki bivi se mili mein mujhe Ramsha bhabi Ajeeb lagin jese koi khushi hi na ho auneh Amu sab thek tou he tum kuch chupa rahi ho?
nahi kuch nahi chupa rahi me meri ye majal jo anaya se kuch chupao wese hi tabiyat thek nhi hogi aunki tum apne khali dimag par ziyada zor na do aao tumhein stage pe le chalen
dekho tumhari barat bhi same wesi hi lae he jese meri thi amaya shararti lehje me boli!
apni shadi me tou mene enjoy nahi ki tha par tumhari shadi mein khoob enjoy kiya he wo muskurai
Amu tum aj wohi porani shararti amu lag rahi ho or tum aese hi mujhe pasand ho
shukriya medam Akhir wo din aa hi gaya ham dono ka khuwab pora howa amaya muskurai
hanw aik hi khandan me shadi ka khuwab or kitna awkward khuwab he koi suna ga tou ham pe hanse ga Anaya muskurate hoe boli
hanse do logon ko bhi tou pata chale k ham dono kitne carzy or adventures he amaya phir muskurai ab wo log stage pe the!
kuch hi der mein dulhe ko stage pe laya gaya rasmein shuru hogai zain k sath hi shams bhi behta tha sarvala jo tha dulhe k sath hi rehna tha..
yr ye rasmein kab khatam hogi thaak gaya hun me zain ahista se bola shams ne sun liya,
chachu kan idhar karein aik bat bataon shams ahista se bola
zain ne sar niche kar k kan aus k qareeb kiya,
chachu ap ko jaldi ghar jana he shams help kare?
par wo kese mere tiger? zain ahista se bola
wo aese shams achanak se utha Mama ghar kab jae ge shams k sone ka time ho gaya he chalein ham ghar chalein wo masoam sa chehra banae bola raha tha
sab ki nazrein ausi pe makros thi shams ki baat pe sab hans diye
lo tumhare tiger ko nend ane lag gai he Aliyan jo k amaya k pas hi khadra tha ahista se bola!
shams beht jao rasmein ho jaen phir chale ge Aliyan ne ankhein dikhate hoe kaha
shams mau latka k beht gaya chachu kam hojata par Baba bech me aa gae wo phir se zain k kan me mou diye bolne laga,
Tiger tum pitwao ge yar mujhe sehde ho k beht jao zara samne dekho tumhare Mama Baba kese dekh rahe he ghar ja kar ham dono ki shamat aae gi
mera tou kuch nahi par beta ap ko bohat dandt pare gi baba se zain ahista ahista bolne laga...
chachu ap bhi darte hen baba se par ap tou bare he?
yr ye pocho k tumhare baba k ghuse se kon kon nahi darta or tum kitne sawal karte ho kahan se seekhte ho aesi baaten?
Apne ap se wo halka sa muskuraya....
Aliyan stage pe ja kar zain k qareeb behta or ahista se bolne laga ab chup karo ge tum dono ya mau pe tap solution lagaon?
itne mein zaheer uncle ne awaz di Aliyan beta yahan aao
wo foran stage se utar kar niche aaya jee uncle bolein..
wo bacha tumhara beta he?
Aun k sawal pe Aliyan thora jhijka(oh shams ab kiya shararat kar di)
jee uncle khariyat koi sharart ki shams ne?
barkhudar Tumhara beta MASHALLAH bohat piyara he or bohat achi baatein karta he
abhi me khana kha raha tha tou mujhe khansi lag gai aik chote se bache ne pani ka glass mere agey kiya uncle pani pee lein thek ho jae ge
mene bohat duwaen di par pata nahi tha kis ka beta he abhi pata chala k tumhara beta he MASHALLAH se tum ne bohat achi parwaish ki he shams ki nazar utar lena
tumhare bete ne sab k sath bohat achi achi baatein ki he sabhi piyar kar rahe the Zain ki khala k husband zaheer sahab hanste hoe bata rahe the
Aun ki baat pe Aliyan Muskuraya or shukar ka kalma pardha
Rashmin phuppo tou aese sadqe wari ja rahi thin jese Anaya aun ki bohat ladli ho
Rashmin phuppo Anaya ko piyar dete hoe Ahista se bolne lagin beta tum tou bohat bholi ho
ais Amaya or Ramsha se bach k rehna mujhe Ramsha bohat tez'taraz lag rahi he
phuppo ap phir shuru hogai Aj tou aesi baatein na kare kal tak tou ap ki nazron mein
me bohat chalak thi ab achanak bholi kese ban gae?
Anaya ne dulhan bane bhi phupo ko na bakhsha!
Apa mere sath aaein Fehmida begum aune apne sath aik side mein le gain
Apa ap aj bhi shuru hogain ap ko maza aata he kiya anaya k samne amaya ko bura bhala bol kar?
Beti dulhan bani ziyada bol nahi pai tou maa aus k jaga bolne lagi he Rashmin phuppo phat padri
Apa Aj ap bata hi dein k Amaya se ap ko masla kiya he?
Me apne Azlan ka rishta le k gai thi ais amaya k liye or ais ne azlan ka rishta reject kar diya
Azlan ka rishta? Fehmida begum chonki
Akhir kami kiya he hamare azlan me achi job he shakal ka bhi acha he phir bhi reject kar diya tha
Aj Rashmin phupo apne jazbat qabo na kar sakin
Apa ap ne tou kabhi nahi bataya k ap amaya k liye rishta le k gai thin or ap ne tou bataya tha k ap ko larki pasand nahi aai thi tabhi ap ne rishta nahi kiya
Fehmida begum ki baat pe Apa zara choonki wo tou bhool hi gai thin k auno ne rishte ki reject wali asal bat tou batai hi nahi thi
Apa ap ne jhoot kiyon kaha tha?
mera Azlan itna acha larka agar logon ko pata chalta k larki ne reject kiya he tou aus ki kiya izzat rehti tabhi mene sab ko kaha tha k mujhe hi larki pasand nahi aai
Apa bas itni si baat pe ap aus se khafa hein jodiyan tou ALLAH banata he hamare bas me tou ye sab nahi he hamein wohi mita he jo qismat me likha ho
Aliyan ki qismat me Amaya thi Azlan ki nahi Azlan ki qismat mein Hiba thi or bijae ais k, k ap amaya se khafa ho ap ko tou ALLAH ka shukar karna chahiye k ap ka bacha apni bivi k sath khush he
or phir Amaya tou ap ki pasand thi Azlan ki nahi aus ne tou kabhi amaya ko dekha bhi nahi he aus ne ap ki khushi k liye hami bhari thi
par ap ne amaya ko kab dekha tha? Fehmida ne aik or sawal kiya
Anaya k sath tasveron me hi dekha tha or phir tumhare beto ki shadi mein tou mujhe bohat pasand aai thi
par Apa Amaya ne Azlan ko kabhi nahi dekha tou phir aus ne reject kese kiya?
Aus k waleden ne kaha tha ham apni beti se poch k jawab dege or phir kai dino k intezar k bad jawab mein inqar mila mujhe bohat ghusa aaya
Apa wo aus waqt shadi nahi karna chahti thi mujhe Anaya ne aik bar bataya tha k amaya k rishte ate he par wo apni mama ko tal deti he tou zahir he jab wo shadi hi nahi karna chahti thi tou
aus k ghar wale zabardasti thori na aus se hanw karwate
tou kiya larki ko ghar bitha k rakhna tha ais larki me tou bare nakhre he
Apa Nakhre kiyon na ho akhir wo apne waleden ki aiklooti beti he..
Acha acha bas ab tum wakalat mat karo mehmano ko dekho...
Apa ap amaya k liye bad'guman na ho agar ause pata lage ga tou ause kitna bura lage ga...
Aunty mujhe bura nahi lage ga kano mein awaz sunai thi
Fehmida begum ne foran murd k piche dekha
Amaya wo ham--- Aunty mene sab sun liya he
phupo ap ka ghusa jaiz he par mujhe nahi pata tha k mere liye kis k rishte ate rahe the na mene kabhi mama se pocha tha
mujhe shadi wagera karne mein koi intrest nahi tha mama jab bhi call kar k kisi rishte ki baat karti thi me auneh tal deti thi ya baat gol'mol kar deti thi
or phir Aunty ne sahi tou kaha he jodiyan ALLAH PAK banate he ap ya ham nahi agar insan k bass me ye sab hota tou sab ameron mein shadiyan karte
garebon se tou koi shadi hi nahi karta par ye nizam ALLAH k hath me he ap bhi janti hein k aesi kai gareeb larkiyan he jo shadi ho k ameron me jati hein or kai
aese gareeb larke he jine amer bivian mil jati he
or phir log kehte he ary wah ais ki qismat tou dekho kitni achi jaga shadi hoi he
tab sab qismat ki baat karte he tou phir jab rishte reject kiye jate he ya toot jate he tab log Qismat ko bech me kiyon nahi late
tab log apas me kiyon jagarne lag jate he aik rishta thokrane k piche sage behan bhai apna aik dosre se rishta kiyon tor dete he?
insan ye kiyon nahi samjhta k ye sab hamare hath mein nahi he sab ki qismat ALLAH ne likhi he jo jis k liye he wo ausi ko hi mile ga
par phir bhi phuppo me ap se sorry karti hun mujhe maf kar dein!
Ary amaya tum kiyon mafi---Fehmida begum ko amaya ka mafi mangna acha nahi lag raha tha
Rashmin phuppo bhuuut bane khadri thin
Amaya chalo Ruksati ka waqt ho gaya Mrs.Badar aun k qareeb aain Fehmida jee ab hamein ijazat dein
kuch hi der me ruksati hoi or ghar aagae.....
sasural me aistakbal purjosh tha najane kahan kahan ki rasmein ki ja rahi thi dulha sahab tou dulhan se bhi ziyada sharmile
mera khayal he dulhan thak gai he kisi ne note kiya
jee nahi abhi tou kuch baatein hogi masti'maza hoga amaya foran boli
bare se kamre mein sab khawateen majood thi dulhe miyaa ab uth k ja chuke the
sab bohat thak chuke the tou bari bari sab hi uth kar ja rahe the
Anaya bibi kesa raha shadi ka exprience?
auf me tou behte behte thak gai par aisi doran me ne kuch socha he
yar amaya mera ab doctor ban'ne ka program he
heeein dimag tou thek he shadi ki khushi dimag pe chard gai he kiya? tum pagal tou nahi hogai khushi se amaya herani se boli
yr dekho jab me doctor bano gi mere nam k sath doctor Anaya lage ga or phir nam se
pehle doctor lag jane se insan ki izzat kitni bard jati he
tum khud socho jab me doctor ban jao gi tou pore gaon k samne meri kitni show hogi
lanat ho agar gaon walon se hi izzat karwani he or aun k samne hi show marni he tou itni mehnat karne ki kiya zaroorat he?
gaon wale tou lady health worker ko bhi doctor hi samjhte he tou tum wohi ban jao amaya ne hansi dabate hoe parkhalos mashwara diya
apne naik mashware apne pas hi rakho or tum aj porana Aliyan kiyon ban gai ho dil jalane wali baaten karne lagi ho
haaey kiya karein bivi shohar ko dekh kar hi rang pakarti he wese mera khayal he tumhara zehni tawazun zara kharab ho gaya he
wese tum pehli larki hogi jo software engineer k sath sath doctor bhi hogi
amaya kehka laga kar hansi
anaya mou bana kar ause dekhne lagi
akhir anaya ki saas ko hi aus par tars aaya auno ne foran ause kamre me bijwa diya!
------*****--------*****--------*****-------
To be continue...