Episode 24 Amaya Or Aus Ki Ajeeb Chahat By Muntaha Arain

Episode 24            Amaya Or Aus Ki Ajeeb Chahat By Muntaha Arain



kuch hi dino bad Anaya ne khush khabri suna di sab bohat khush the ghar me aik nanha mehman aane wala tha zain ki khushi ka tou koi thikana hi na tha....
Anaya tou sharam se pani pani ho rahi thi...
Aliyan bussiness meeting k liye out of city gaya hoa tha...
Anaya or zain ko kisi shadi me jana tha tou wo shams ko apne sath le gae Amaya ghar me akeli thi
wo isha ki namaz ada karne k bad jae'namaz teh laga rahi thi jab darwaze pe dastak hoi aus ne nazar utha kar dekha Gul khan darwaze pe khadra tha!
Gul khan tou yuu samjho Amaya ko sasural ki tarf se tohfe me mile tha
jab se ain ki shadi hoi thi Gul khan aini k sath karachi aa gaya tha or ab aik bar phir haveli se ain k sath wapas karachi aa gaya tha!
Amaya bibi wo niche Ramsha bibi aaya he ap ko bula raha he
Gul khan ka lehja pure phathani tha
Ramsha bhabi ais waqt aus ne dewar pe lagi wall clock pe aik nazar dali 9:30 ho rahe the
Fahad bhai bhi aae he?
Nahi Fahad baba tou nahi aae bibi akela he Gul khan ne foran jawab diya
ap auneh guest room me bithae me aati hun hukam milne pe Gul khan wahan se chala gaya
Ramsha bhabi aese achanak--- Ais waqt--- Fahad bhai bhi sath nahi---Amaya k dimag me sawal kisi aandhi ki tarah uthne lage
kuch hi der me Amaya niche aai chehre pe muskurahat sajae aus ne Ramsha ko salam kiya...

Anaya or shams aik table pe behte the jab Anaya ki nazar samne table pe behti kiran pe padri jo kafi khush dikhai de rahi thi chehre pe bohat pursakoon muskurahat thi
Anaya zara chonki ye kiran yahan kese? or ye kafi khush dikhai de rahi he Anaya ne ab apna aik eyebrow opar uthaya or mazeed ause dekhne lagi
kiran ki nazar jab aus pe padri tou foran uth kar anaya ki janib chali aai or bohat purjosh andaz me aus se mili
Anaya kesi ho? ye tumhara beta he? tumhari shadi hogai? wo ab wahin Anaya k pas chair pe beht gai
shams jo k juice peene me masroof tha aus ne foran kiran ko muskurate hoe salam kiya
kiran ne bhi muskura kar ause salam ka jawab diya
Me thek hun or hanw meri shadi bhi ho gai he par ye mera beta nahi he Anaya ne foran jawab diya
kiran ki peshani pe kuch bal padre tou phir ye kon he? aus ne shams ki tarf ishara kiya jo
ab bhi juice peene me masroof tha
ye Amaya ka beta he shams Anaya muskurai
Amaya ka beta--- kiran ne lafz dohrae or herani bhari nigahon se shams ki janib dekhne lagi or bohat piyar se aus k sar pe hath pherne lagi kuch hi pal me kiran ki ankhein namm hogai or wo shams ko chomne lagi
Mashallah bohat piyara he bilkul Amaya jesi chehre pe masomiyat or Aliyan jesi uthi hoi naak kiran aus k chehre pe hath pherte hoe boli
Aunty kiya ap shams ki complain karne aai he? wo juice ka glass table pe rakhte hoe bohat masomiyat bhare andaz me bola
complain? Shams ap ne koi shararat ki he? Anaya sawaliyan nigahon se aus ki janib dekhne lagi
Anaya ais ne koi shararat nahi ki actually bat ye he k me chalti hoi aa rahi thi tou mera cell phone bajne laga mene bag se cell phone nikala tou kuch paise niche gir gae
kuch hi der me shams mere pas Aunty ye ap k paise gir gae the wo apne nanhe hathon me paise pakre khadra tha
Ap ko paise kahan se miley? or ap ne mujhe pehle kiyon nahi diye?
mujhe laga ais ne apni Maa wagera ko bataya hoga or phir apni maa k kehne pe paise wapas dene aaya hoga
Aunty jab ap k bag se paise gire shams wahan se guzar raha tha tou shams ne utha liye ap ko bohat awazein di par ap ne suna nahi
Beta jhoot mat bolo agar ap ne paise wapas dene hote tou ap zor se chilate kiran zara sakkt lehje se boli
No Aunty shams jhoot nahi bolta mama kehti he good peoples tez nahi bolte hamesha ahista or narmi se baat karte he jab ap ne phone pe bat kar li tab shams ap ko paise dene aa gaya
aus ka lehja itna naram tha k kiran ko aus pe piyar aane laga Aww thankyou beta!
or aus waqt me dil me sochne lagi kitna acha bacha he ais ki maa ne kitni achi parwarish ki he
ais ki jaga koi or bacha hota tou wo foran paise utha kar rakh leta k cheez wagera kha lunga
par shams ne aesa nahi kiya
abhi jab mene shams ko tumhare pas behte dekha tou me surprised hogai k ye Anaya ka beta he anaya itni achi parwarish kese kar sakti he?
kiran ki baat pe Anaya ka mou sa ban gaya kiran tum ab bhi bohat mou'phat ho or tum kehna kiya chahti ho me achi parwarish nahi kar sakti? Anaya sakkt lehje se boli
N'nahi mera wo matlab nahi he Anaya tum tou bura hi man gai tum ab bhi har waqt action mood me rehti ho kiran maskharana adaz me boli
tum yahan kiya kar rahi ho or itni khush kese ho? Anaya se raha na gaya tou foran aus ki khushi ka raaz poch hi liya
jo dulha he wo mere husband ka dost he or meri khushi ka raaz he Amaya...
Anaya zara chonki-- or ause ghorne lagi
Anaya tum janti ho na mere shohar ka ravaiya mere sath bilkul bhi acha nahi tha or me apni zindagi se tang thi me apne kiye pe sharminda thi or Amaya se mafi mangna chahti thi
Amaya ne mujhe maf kar diya tha ause mujh se koi shikayat nahi thi aus k maf kar dene se meri tou jese zindagi hi badal gai or tum yaqeen karo
amaya ne bilkul thek kaha tha k Allah k khof se girne wala ansu beshak chota kiyon na ho lekin ais me itni taqat hoti he k wo samandar k brabar gunah mitaa deta he
mene sache dil se ALLAH se mafi mangi or mene namaz pardhna shuru kar di Allah ka karam hoa k faris ko factory me job mil gai or wahan ALLAH k aik naik bande se faris ki dosti ho gai
or aus shaks ki sohabat me reh kar faris ne nasha karna or sab bure kam chor diye wo faris ko namaz k liye bhi kehta he ab faris ahista ahista ache hote ja rahe he
meri zindagi jo jahanum ban gai thi wo Allah ki mafi se sawar gai mene amaya ka dil dukhaya tha amaya ki jaga agar koi or hoti tou wo mujh se larti,bad'dua deti mujhe sab k samne zaleel karti par amaya ne aesa kuch nahi kiya
wo sab kuch jante hoe bhi khamosh rahi yahan tak k aus ne kabhi Aliyan ko bhi nahi bataya or mujhe maf bhi kar diya ye sab amaya ki achi parwarish ka kamal he
sahi kehte he jesi parwarish hoti he insan wesa hi hota he amaya ki parwarish achi thi or aus ne agey apne bete ki bhi achi parwarish ki he or agar amaya mujhe maf na karti tou shayad ALLAH bhi mujhe kabhi maf na karta
mene kahin pardha tha agar ap kisi ka dil dukhao or wo insan ap ko maf na kare tou ap ki bakshish nahi he kisi ka dil dukhana bohat sakkt gunah he
ab kiran ki awaz gile me hi atak kar reh gai or aus ki ankhon se ansu behne lage....
Aunty ap ro kiyon rahi hein mama kehti hein bare log rote nahi he wo strong hote he shams ki mama tou nahi roti or shams bhi nahi rota me or mama strong he wo muskuraya
kiran ne piyar se aus ki janib dekha or apne hath ki pusht se apne ansu saf karne lagi hanw beta ap ki mama waqai bohat strong hein!
kiran ye tou bohat achi baat he k tum apne ghar me khush ho Anaya ne muskura kar ause aik side se gale lagaya
Anaya faris ki call aa rahi he me chalti hun Amaya ko mera salam dena or ho sake tou tum log kabhi ghar aana or shams ko bhi sath lana...
hanw Inshallah...
ab kiran aik bar phir shams ko piyar karne lagi or kuch hi der me wahan se chali gai...

Anaya se raha nahi gaya tou aus ne foran bag se cell phone nikala or Amaya ka number dial karne lagi
Amu ko kiran k bare me batati hun wo khush ho jae gi k kiran ki zindagi me ab sab kuch thek he ab aus ne cell phone kan pe lagaya
bell baj rahi he par ye amu call recieve kiyon nahi kar rahi Anaya ne lagatar do,teen bar number try kiya par agey se koi utha nahi raha tha
mera khayal he amu so gai hogi Anaya ne cell phone wapas apne bag me rakh liya..
Chachi ghar kab jae ge? shams ko nend aa rahi he aus ki ankhon me nend bhari thi or chehre pe bazariyat chai hoi thi
Beta bas abhi kuch der me khana kha kar chalte he or ap ki mama tou shayad so gai he call nahi pick kar rahi tou ap mere sath mere ghar chalo ge ok
Auf Chachi khana khana zaroori he kiya? aus ne mathey pe hath rakhte hoe sawal kiya
ofcourse zaroori he 100% Mehmano me se 85% Mehman shadi me khana khane hi tou ate he
tou kiya ap aun 85% Mehmano me se he Shams maskharana andaz me bola..
jis pe anaya ki hansi zara gayab hoi or wo bat talte hoe boli Agar ap bore ho rahe ho tou bachon k sath khel lo wo dekho kitne sare babies he wahan Anaya ne kuch bachon ki tarf ishara kiya
No chachi shams ko kahin nahi jana shams irritate ho raha he
irritate kiyon? Anaya ne aus ka gal thap'thapate hoe sawal kiya
shams jahan bhi jata he girls pakar leti he kitna cute baby he selfie lete he wo larkiyon ki naqal utarne laga
shams sab ko bata bata k thak gaya he k shams girls k sath selfies nahi banwata i don't like girls ab wo bechara ukta kar bola...
Aus ka bolne ka andaz itna cute tha k anaya hanse bina reh na saki or zor zor se hansne lagi..

Amaya or Gul khan lawn me khadre the!
Gul khan yahan jo kuch bhi howa he ap ais bare mein Aliyan ya kisi ko bhi kuch nahi batae ge!
par bibi---
please Gul khan....
                                 ------****-----*****-----******-------

Shams apne kamre mein udas behta tha!
Amaya aus k liye khana le kar aai shams kiya howa ap aese kiyon behte ho?
Mama shams ko Baba ki yaad aa rahi he shams ko baba se baat karni he par baba phone nahi utha rahe aus k chehre pe udasi thi
Aww Mama ka baby! beta baba meeting me busy honge jab cell phone dekhe ge tab call back zaroor karein ge
Nahi mama Baba ko mene abhi phir try kiya tha aun ka number ab band he aus k lehje me bohat udasi thi
Amaya ki hansi ab kuch gayab hoi call dekh kar tou aune call back karni chahiye thi phir number kiyon off kar diya?
par shams ka mood bhi tou thek karna tha chalo ham baba ko video whatsapp kar dete he jab wo online honge tab hamari video dekh kar hamein call kar lein ge
Ab shams k chehre pe madham si muskurahat aai!
Ab dono maa beta cell phone apne agey kiye video banane lage Asalam wa alaikum baba ap kese he? shams missing you please mujh se baat karein
shams ka ap k bina dil nahi lag raha ap ka bussiness trip kab khatam hoga? aik bar phir aus k chehre pe udasi chaaa gai
Aliyan dekhein mera tiger ap ki wajah se sad he ab foran wapas aa jaein or video dekhte hi hamein call karein ap ka cell phone kiyon off he?
do mint ki video bana kar amaya ne whatsapp pe send kar di...
shams ab tou ap khush ho na ab jaldi se khana kha lo baba video dekhein ge tou bohat happy honge k shams aune miss kar raha he...
Thankyou Mama! wo halka sa muskuraya or khane khane laga...


Aj Anaya aai hoi thi zain office jate hoe ause yahan chor gaya tha or aj sham tak
wo yahin rehne wali thi
Amu tumhein pata he shadi me mujhe kiran mili thi wo bohat khush thi aus ka husband
ab acha ho gaya he kisi factory me job karta he or sharab peena sab ulte kam aus ne chor diye he
kiran shams ko bohat piyar kar rahi thi or tumhein salam bhi de rahi thi aus ne aus roz ki tamam guftagu amaya ko batai..
Amaya jo k chae banane me masroof thi wo kiran ki khushi ka sun kar bohat khush hoi chalo acha howa wo apne ghar khush he ab wo chae cup me dalne lagi
Amu mene itna excited ho kar tumhein call ki thi ye sab batane k liye par tum ne recieve nahi ki kiyon?
Amaya ne aus ki baat ka koi jawab na diya ye lo chae aao bahar jhole me beht'te he
kiya tum so gai thi? Anaya ne apni baat jari rakhi
Amaya ne zara sar jhatkaya h'han me so gai thi..
Acha amu tum se aik bat pochun? Ab wo chae ka sip lete hoe boli
mere mana karne pe tum kon sa nahi pocho gi Amaya maskharana andaz me boli
yar jab ham namaz pardhte he tou hamare zehan me ulte ulte khayalat kiyon ate he hamara dehan kahin or kiyon chala jata he?
Anaya shehtan hamara dehan namaz se hatata he
Namaz pardhte hoe hamein ye khayal rakhna chahiye k hamara dehan namaz me hi rahe
Namaz me ALLAH PAK ka aik mutalba he jab ap namaz pardhein tou or koi na ho bas ap ho or ALLAH ho
Ab dekho ye aik glass he aus ne pas hi table pe rakha hoa glass hath me uthaya ais glass me chand pani k qatre he
ye mene ab ais ko ulta kar diya tou ab ais mein koi qatra nahi he
Anaya bohat dehan se aus ki batein sun rahi thi
ab ye glass Faraagh he "faraagh aik Arbic word he" ais ka matlab he kisi sheey ko aese khali karna jis me koi cheez na rahe
tou hamara rab kehta he jab mere pas aaya karo tou dil ko faraagh kar k aaya karo yani khali kar k aaya karo
pehli baat tou ye k 85% log namaz nahi pardhte or jo pardhte he auneh namaz banane ka shoq nahi hamein bas yahi shoq he ham apna ghar decorate kar le
aesi car le le, aese designer kapre pehan le
tou hamara rab bhi tou kehta he tu logon k liye banta sawarta he
kabhi mere liye bhi ban sawar k aa
har mard or orat se yahi mutalba he agar namaz pardho tou dehan se pardho apne dil faraagh kar k pardho
ham namaz pardhte nahi or jo log namaz pardhte he auneh ehsas hi nahi k ham kis k samne khadre he
hamare nabi ne farmaya: aey meri umat aik namaz bhi na chorna
Apni namaz or ikhlaq zinda karo...
Acha Amaya aik or sawal karun?
kal me behti thi tou mere zehan me aik baat aai Anaya khoe hoe andaz me boli
wo kiya?
Nabi pak s.a.w k ghar k pas aik budhi orat kachra phenka karti thi or aik orat ap k raste me kante bicha diya karti thi tou ye dono ortein kon thi?
kiya ais bare me tumhein kuch pata he?
Anaya ye do ortein nahi thi ye aik hi orat thi me batati hun wo kon thi..
Anaya sehdi ho k behti han batao mujhe jan'na he
Anaya tumhein pata he Abu Lahab ka real name Abd al-'uzza' he or Aun ko Quran pak me nam diya gaya he "Father of Flame" jis ka matlab he Abu Lahab
Or Abu Lahab Mohammad s.a.w k chachu he or aun ki bivi Umm jamil jo k ap ki chachi hein or umm jamil wohi orat he jin ka tum ne pocha he
or tumhein pata he umm jamil ko "the bearer of the wood" yani Lakdiyon ki almbardar bhi kaha jata he kiyon k
wo Mohammad s.a.w k raste mein kante daar lakdiyan bichaya karti thi or wo Mohammad s.a.w ki "next-door neighbour" yani parosi thi
or wo kachra bhi Mohammad s.a.w k ghar ki dewar k pas phenka karti thi..

Ab soorat lahab me ata he!
"Abu lahab k dono hath toot jaein or wo taba ho jae (ais ne hamare habaib par hath uthane ki koshish ki he)
aise ais k (morosi) maal ne kuch faida na phunchaya or na hi ais ki kamai ne
ainqareeb wo shulon wali aag me ja pare ga
or ais ki (khabees) orat (bhi) jo (kante'daar) lakdiyon ka bojj (sar par) uthae phirti he
ais ki gardan me khajoor ki chaa'al ka wohi rassa ho ga (jis se kanton ka ghat'ta bandh'ti he)

Amaya matlab wo orat nabi pak ki chachi thi? Anaya ka mou khula reh gaya
jee han wo orat umm jamil hamare Nabi pak s.a.w ki chachi thin
kuch roz jab auno ne kachra na pehnka tou Nabi pak ko maloom hoa k aun ki tabiyat bohat kharab he tou Nabi pak aun k ghar aun ki khariyat maloom karne gae
jab aun k ghar gae tou pocha chahci jan kesi tabiyat he?
Tab aun ki ankhon se ansu behne lage k Mohammad me tou tumhare sath bura karti thi tum phir bhi meri tabiyat pochne aa gae
Anaya wo ansu sharmindagi ya mafi k nahi the wo ansu sirf ais bat k the k bura karne k bawajod bhi Mohammad meri aayadat ko aae or Ap ki chachi ki mafi nahi he
hamare Nabi pak har bemar ki aayadat karne jate the or hamare liye bhi hukam he k ham bemaro ki aayadat k liye jaya karein goya wo hamare dushman hi kiyun na ho
Amaya tumhein kitni knowladge he kahan se sekhti ho?
bas mere Allah ne sikhaya he...
                  ----****----****-----*****-----


Aj Aliyan ko gae do hafte se ziyada ho gae the Amaya bohat pareshan thi Aliyan se koi contact nahi tha
wo din me kai bar phone try kar chuki thi par har bar Aliyan ka number off hi milta
Amaya ne office call kar k maloom kiya jis pe ause pata chala k business trip khatam hoe char din ho chuke he
Amaya mazeed tenshion me mubtala hogai char din ho gae or Aliyan ab tak ghar wapas nahi aae aus ne foran zain ka number dial kiya
zain ka cell phone bajne laga Amaya bhabi calling...
hello zain kiya tumhein pata he Aliyan kahan hen?
nahi bhabi kiyon khariyat?
Me pichle kuch dino se phone try kar rahi hun aun ka cell phone off he office maloom kiya tou pata chala business trip khatam hoe char din ho chuke he
par Aliyan ghar nahi aae akhir wo kahan gae koi call bhi nahi ki? Ab Amaya k lafz tootne lage aus ki ankhon se ansu behne lage
kiya bhai jan ghar nahi aae? Mujhe tou laga tha bhai aa gae honge zain bhi zara chonka
Aus raat office se call aai thi keh rahe the kuch zarori kam he tou chale gae or phir agli subha 10:00 baje call aai k me aik hafte k liye busines trip pe ja raha hun
aus pore hafte Aliyan contact me the phir achanak aun ka number off ho gaya ham ne video bhi whatsapp kiya par koi response nahi mila shayad auno ne video dekha hi nahi Amaya ki awaz me kapkapahat thi..
Bhabi Ap tenshion na lein apna or shams ka khayal rakhein me dekhta hun...

Shams udas behta tha chehre pe udasi, ankhon me jama hoe ansu wo table pe dono bazuon pe sar rakhe behte tha
Baba ap kahan chale gae hein shams missing you please come back soon...
ALLAH PAK me tou acha bacha hun na apni mama ko tang bhi nahi karta, mene itne din se koi shararat bhi nahi ki, baba ki har bat manta hun phir ap ne shams ko baba se dor kiyon kar diya?
please shams k baba ko shams k pas wapas bhej dein...

Amaya asar ki namaz pardhne me Masroof thi jab aus ka cell phone bajne laga!
aus ne salam pher kar foran call recieve ki zain kiya kuch pata chala Aliyan ka?
Nahi bhabi mene har jaga maloom kar liya he par bhai jan ka kuch pata nahi chal raha mene kuch jan'ne walon ko kaha he jese hi kuch pata chale ga wo foran mujhe inform kar dege
Amaya ne koi jawab na diya aus ki ankhon se ansu behne lage ause kuch samjh nahi aa raha tha wo kiya kare kahan ause dhonde aus ne phone band kar diya or dua mangne lagi
ALLAH PAK mera tere siwa or koi nahi he tu hi sab kuch deene wala he ham jo bhi mangte he tujh se hi mangte he
mere malik tu dilon k halat janta he tujh se kuch bhi chupa hoa nahi he
me nahi janti Aliyan ais waqt kahan he or aun ko kiya kiya mushkilat he par tu sab janta he
mein aun ki khamoshi or tu aunki Aah o baka sunta he
mein aun ko hanste dekhti hun par tu aun ko rote hoe dekhte he
mein aun ko bahar se dekh sakti hun jab k tu aun ki rooh tak se waqif he
ALLAH PAK me tujh se dua karti hun aun ko wo sab aata kar jo bhi aun ko zaroorat he
agar Aliyan kisi musibat me he tou aun ki musibat ko dor kar me janti hun
naseeb se ziyada qeemti dua hoti he
jab zindagi me sab kuch badal jae tab insan k pas dua hi bachti he jo naseeb badal deti he
Allah pak hamare dilon ko ghumrah hone se bacha or hamein zindagi k tamam imtehano me qamiyabi ata farma!
Mujhe pora yaqeen he Aliyan jahan kahin bhi honge thek honge teri rehmat k sae me hon ge
ALLAH PAK mujhe sabar karne ki tofeeq ata farma or jald hi Aliyan ko ham se milwa de Amen...

                                 -----****-----****------*****-------

Badar Alam or aun ki zoja kamre me behte the Anaya bhi aun k sath hi thi zain ko kamre me ate dekha tou Anaya aus ki janib lapki zain kiya hoa kuch pata chala Aliyan bhai ka?
zain ne koi jawab na diya or khamoshi se soffe pe beht gaya badar Alam uth kar aus k pas aae
zain kiya howa kuch pata chala?
zain k chehre pe udasi chai hoi thi wo apne baba k gale lag gaya Baba bhai jan ka kuch pata nahi chala police bhi dhond rahi he..
Amaya bhabi--zain k lafz wahin toot gae aus ki awaz gale me hi atak gai jese wo abhi ro de ga
kiya howa amaya ko? Mrs.Badar foran boli or uth kar zain k qareeb aa k behti
Ami me abhi Aliyan bhai k ghar se aa raha hun or mujh se bhabi ki halat dekhi nahi ja rahi thi auno ne apna dukh apni pareshani bohat ache se chupa li par mujhe phir bhi andaza ho gaya
k aun ki kiya halat he Aun ka kamal ka tawaqal he ALLAH par, wo kehti hein bhai thek honge ALLAH K hifz-o-aman me honge or shams wo 5sala bacha apne baba ko yaad kar k kis tarah ro raha tha
or bhabi ko daat deni chahiye auno ne kis tarah sabar karte hoe shams ko sumbhala howa he
me heran reh gaya jab bhabi chehre pe madham si muskurahat sajae shams ko samjha rahi thin k aus k baba jald hi ghar aa jae ge ALLAH PAK shams se or aus k baba se bohat piyar karte he wo shams k pas bohat jaldi aus k baba ko bhej denge
ab zain ki ankhein namm hogai wo mazeed agey kuch bol hi nahi paya...
Amaya Mashallah se bohat suljhi hoi bachi he ause mushkilat ko face karna ata he, ais me koi shak nahi k aus ka sabar or ALLAH pe tawaqal kamal ka he
wo khud chahe jitni bhi dukhi ho wo kabhi dosron k samne showoff nahi karti or shams ko samjhana koi asan bat nahi he wo bohat hoshiyar bacha he
amaya ko udas dekh kar wo kai tarah k sawal kare ga tabhi amaya ne ause kuch mehsoos nahi hone diya hoga...
Badar alam zain k kandhe pe hath rakhte hoe bol rahe the...
jee baba jan Amaya aesi hi he ause har sitution ko face karna ata he ause hamesha
ALLAH pe yaqeen rehta he wo hamesha yahi kehti he ALLAH kabhi apne bando k sath bura nahi karta Anaya khoe hoe andaz me boli
shayad ause guzri hoi zindagi k kuch pal yad aane lage the!
Anaya chalo hamein ais waqt Amaya k pas hona chahiye Mrs.Badar ne Anaya ko chalne ka ishara kiya...
Zain hamein amaya k pas le chalo wo log jane k liye uth khadre hoe...  


Anaya Amaya ko dilase dene lagi tou amaya ne ause qail kiya mujhe kisi dilase ki zaroorat nahi he Anaya mera ALLAH mere sath he mujhe pora yaqeen he Aliyan jald lout aae ge
Amaya ki ankhon me ansu jama hone lage wo aj bhi ais maumle me pehle jesi hi thi wo dukhi hone ya pareshan hone k bawajood bhi kisi se kuch share nahi karti thi
bas ALLAH se har bat kiya karti thi ause logon k agey apni pareshaniyan batana nahi aata tha ya shayad wo apne dukhon ki numaish nahi karna chahti thi..
Amu please i'm your bestfreind we are more like sisters tum mere samne ye hiden feeling game nahi khel sakti okay i know, tum kitne pain me ho
tum har maumlon mein pehle se badal gai ho par ais hiden feelings k maumle me tum ab bhi pehle jesi hi ho Anaya zara ghuse se boli...
Amaya ne aus ki bat pe aik lamhi sans li Anaya mujhe samjh nahi aata Insaan Ki Haqiqat Kiya Hai....? wo khoe hoe andaz me mazeed bolne lagi
Insan Apni Marzi Ke Bina Duniya Me aata He,
or Apni Marzi Ke Bina yahan se chala jata He,
Bachpan Me Farishta Jawani Me shaitan,
Aur Budhape Me Bewaqoof samjha jaata He,
Ghareeb He Tou Fazool He,
Ameer He Tou Maghroor He,
Khairaat Karta He Tou shohrat Ka Bhooka,
Nahi Kare Tou Kanjoos He,
Mazhab Parast He tou jaahil kahlaata He,
Mazhab se Door He Tou Gunahgaar He,
Duniya Me Aata He Tou Har Koi use Choomna Chahta He,
Marne K Bad Har Koi Us se jaan Chhurana Chahta He,
Paidaish K Waqt Khud Rota He,
Aur Marte Waqt Sab Ko Rulaata He,
Aakhir ais insan Ki Haqeeqat kiya he? ab aus k dil bhar aaya tou wo anaya k gale lag kar rone lagi ...

                              ----****-----****------*****-------

Agle roz Amaya ka cell phone baja zain calling...
Bhabi-- zain k lehje me udasi thi aus ki zuban kuch bhi bolne me aus ka sath nahi de rahi thi
Zain kiya howa agey bhi bolo...
Bhabi wo bhai-- wo atak atak kar bol raha tha
Amaya k chehre pe rang safeed pardh gaya bhai kiya zain agey bhi tou kuch bolo
Bhai jan ka pata chal gaya zain ab bhi atak atak kar bol raha tha
Zain tum atak kiyon rahe ho Aliyan thek tou he? kahan he wo ghar kab aae ge?
Amaya ne sawalon ki barish kar di
Zain ki awaz gale me hi dab kar reh gai
Amaya ka dil zoro se dharkne laga aus ki sansein jese ruk si gai Allah khair
zain t'tum kuch bol kiyon nahi rahe ho?
Aliyan kahan hein? tum mujhe bata kiyon nahi rahe ais bar Amaya chilai
Hospital---wo Ba'mushkil itna keh paya
Hospital? Amaya tou jese sans lena hi bhool gai aus k hath se phone niche gir gaya or wo wahin zameen pe beht gai
Anaya kamre me juice ka glass hath me liye dakhil hoi aus k dosre hath me mobile tha or wo
aus me nazrein makroos kiye zain ka number dial list se nikalne me masroof thi Amu
ab ye juice pee lo
tum ne kuch bhi nahi kha---aus k lafz wahin toot gae jab aus ne nazrein utha kar amaya ki janib dekha jo zameen pe behte ro rahi thi
wo juice ka glass table pe rakh kar foran aus k pas aai Amu'amu kiya howa? amaya gum'summ behti thi aus ne koi jawab na diya
Anaya ne ause jhinjhodra kuch batao gi bhi k kiya howa?
Nahi Aliyan ko kuch nahi ho sakta wo thek he ALLAH PAK mujh se Aliyan ko nahi cheen sakte zain ko koi galat'fehmi hoi wo rote hoe anaya k gale lag gai
Anaya ne lapak kar zameen pe gira phone uthaya or aus ki touchscreen pe ungliyan pherne lagi par zain ki call kat chuki thi
Aus ne apne cell phone se foran zain ko call ki kuch der bell bajne k bad zain ne call recieve ki!
Hello zain kiya hoa he Aliyan bhai ko? anaya k chehre ka rang bhi udra hoa tha
Anaya bhai ka--wo ruk ruk k bol raha tha
zain bhai ka kiya agey bhi bolo
Anaya bhai jan ka bohat bura excident howa he wo pichle teen din se yahin karachi mein hospital me admit hein
zain ki awaz me khoof tha dukh tha ab aus ki awaz lard'khadane lagi thi
what excident? zain ye tum kiya keh rahe ho? tum ais waqt kahan ho?
Anaya mujhe subha police inspector ki call aai tou me foran aun k sath hospital aa gaya fahad bhai bhi mere sath hi he
Tum please bhabi ka khayal rakhna or aune hospital mat aane dena wo bhai ki halat dekhe gin tou najane kiya react kare gin
or hanw please shams ko ais bare me pata na chale wo bacha he wo pehle hi itna upset he ab apne baba ki ye khabar sune ga tou na'jane kiya react kare ga
me ause rote hoe nahi dekh sakta zain k lehje me bohat udasi thi
acha thek he Anaya ne phone band kar diya...
kuch hi der me shams kamre me dakhil howa aus ne zameen pe behti amaya ko rote hoe dekha tou anaya se sawal karne laga
chachi shams ki mama kiyon ro rahi hein?
kuch nahi beta mama k hand me pain ho raha he
shams apni maa k qareeb aya jo zameen pe behti ro rahi thi wo bhi apni maa k pas aa kar ghuntne tekay zameen pe beht gaya or apne nanhe hathon se aus k ansu saf karne laga
Mama ap mat roein ALLAH PAK ap ka hand jald hi thek kar dein ge agar baba ne ap ko rote hoe dekh liya tou wo mujhe dandte ge k shams ap apni mama ka khayal bhi nahi rakh pae
wo itni masomiyat se bola tha k amaya ko aus ka masoom chehra dekh kar or aus k bap ki halat ka soch kar rona aa gaya
aus ne foran shams ko gale se lagaya or rone lagi...
shams ap baba k liye dua karo baba thek ho jaein
Mama baba ko kiya hoa he ap ki baat hoi baba se? aus ne foran sawal kiya
Baba ki tabiyat kharab he wo keh rahe the k shams ko kehna ALLAH PAK se apne baba k liye dua kare ALLAH PAK chote bachon ki dua jaldi qabool karte he
Mama shams ne kal ALLAH Pak se dua ki thi k shams ko baba se milwa dein or dekhein aj baba ki call aa gai shams ki dua qabool ho gai ab me ALLAH PAK se dua karun ga
mere baba jaldi thek ho jae or foran ghar aa jaein...!
Mama ham baba k pas chalein?
Amaya k pas koi jawab na tha aik bar phir aus ne shams ko gale se laga liya wo Aliyan ko khoo dene ka tasawar bhi nahi kar sakti thi par shams ko dekh kar ause Aliyan ki halat ka soch kar ab dar lag raha tha
wo pareshan thi jami'jamai zindagi kahin muntashir na ho jae ain ki zindagi me aesa hi hota raha tha jab sab kuch thek hota tou foran kuch na kuch bigar jata Amaya or Aliyan ki zidagi me bohat tabdeliyan aa chuki thi
Amaya chup ho jao shams bacha he wo pareshan ho jae ga khud ko sumbhalo Aliyan bhai jald hi thek ho jae ge anaya ause dilase dene lagi...
Amaya ab uth khadri hoi hang kiya howa coat utar kar pehn'ne lagi
Amaya kahan ja rahi ho? aus ne anaya ko koi jawab na diya or ab wo stroller almari se nikal kar ause hijab ki tarah lene lagi
Mujhe hospital ka naam batao?
Amu tum wahan nahi ja rahi ho or me nahi bataon gi
Anaya mujhe hospital ka naam batao akhri lafz aus ne ghuse me khench kar bola
Anaya khamosh rahi..
Thek he mat batao me khudi maloom kar lo gi
nahi amu tum wahan nahi ja sakti wo bhagte hoe aus k raste me khadri ho gai
kiyon nahi ja sakti mera shohar wahan najane kis haal me he or tum bachon ki tarah harkat kar rahi ho Hato mere raste se tum mujhe address nahi bata rahi or na mujhe jane de rahi ho mujhe tum se ye umed nahi thi
aus ne anaya ko side me dakha diya shams ka khayal rakhna me ja rahi hun aus ne car ki chabi uthai or foran ghar se nikal gai..
Amaya meri bat tou suno amu-- anaya piche se aawazein deti reh gai
Amaya ne fahad ko call ki fahad bhai Aliyan kis hospital me hein?
Amaya tum kahan ho? tumhein yahan aane ki zaroorat nahi he ham he aliyan k pas
kiyon aane ki zaroorat nahi fahad bhai mujhe wahan aane ki zaroorat he mera shohar he wo or mujhe ais waqt aun k pas hona chahiye ap log kiyon mujhe wahan aane se rok rahe he
fahad ko phone mein gadriyon ki awazein sunai de rahi thi Amaya kiya tum car drive kar rahi ho?
jee hanw or me ais waqt 120 ki speed pe hun agar ap ne mujhe address na bataya tou acha nahi hoga
amaya dimag kharab he tumhara slow drive karo apna nahi tou apne bete k bare me hi kuch soch lo Fahad ne foran ause hospital ka naam or address bata diya
Amaya jo k ghuse or pareshani me thi shams k naam pe aus ne speed kam kar li or aus ka ghusa bhi kam ho gaya...!

Aliyan ICU mein behoshi ki halat me tha aus ka treatment chal raha tha Amaya Icu k bahar khadri ansu baha rahi thi or dil me duwaein kar rahi thi
zain ye sab kese howa?
Bhabi bhai ka excident hoa he or bhai pichle teen din se yahan admit he aun k pas phone bhi nahi tha jo doctors aun k cell phone k through ham me se kisi ko contact karte
police bhi har jaga talash kar rahi thi har hospital ka visit kiya yahan aae tou bhai ka pata chala or police ka kehna he k ye excident suddenly howa hoa nahi lagta...
or bhai k jism pe kuch Nishan bhi he jese kisi se larai wagera hoi ho
Larai par kis se? Excident suddenly nahi he tou kis ne kiya? kiya kar rahi he police pata kiyon nahi lagaya? wo chilai
Bhabi relax police apna kaam kar rahi he bhai jan khatre se bahar he ye last treatment he Inshallah bhai jan bilkul thek ho jae ge
Amaya ki ankhon se mazeed ansu behne lage ause ajeeb ajeeb khayalat aane lage
aese kese koi planning kar sakta he? Aliyan ki tou kisi k sath koi dushmani bhi nahi he phir ye sab...?
kisi ne aus ka hath pakra Mama ap Ab bhi ro rahi hen Baba ko kiya howa he?
shams ko dekh kar ause or ziyada rona aaya, kuch nahi beta baba ko fever he naa tou doctor uncle ne injection lagaya he baba kuch der me thek ho jae ge wo khud ko sumbhalte hoe boli...
tou phir ap kiyon ro rahi hen? ALLAH PAK shams se love karte he wo shams k baba ko thek kar de ge mama ap please mat roein
Amaya khamosh rahi anaya tum shams ko yahan kiyon lai?
ye bhi tumhara hi beta he zid kar raha tha k baba se milna he mama k pas jana he tou mujhe yahan lana para amu please chup ho jao ham tumhein yahan ais liye nahi aane de rahe the k tum bhai ki halat dekh kar pareshan ho jao gi
fahad bhai ap please shams ko ghar le jaein..
Nahi shams apne baba k pas rahe ga or shams ko abhi baba ko dekhna he please mama baba se milwa dein wo foran bola..
Shams ap abhi Baba se nahi mil sakte wo so rahe he aune rest ki zaroorat he ap yahan mama k pas beht jao or baba k uthne ka wait karo Fahad ause samjhane laga
Amaya k pas ab koi jawab na tha wo chup chap icu k bahar rakhi chair pe beht gai or
ALLAH se duwaein karne lagi shams bhi khamoshi se aus k pas aa kar beht gaya...

                       -----****-----****------*****-------


kuch ghante guzar chuke the Aliyan ko ab tak koi hosh na aaya tha!
wo pichle teen din se behosh tha aus ki tang me zabardast qisam ki lagi thi or sar pe bhi kafi lagi thi
jese jese waqt guzar raha tha Amaya ki pareshani bardhti ja rahi thi aus ki duwaon me koi kami nahi aa rahi thi aus ki duwaein bhi bardhti ja rahi thi
aus ki zuban pe ALLAH ka zikar tha
wo isha ki namaz pardhne me masroof thi jab aus ne salam pheera tou Nanha shams bhi pas hi jae'namaz bichae aus k sath namaz pardh raha tha
wo masom 5sala bacha apni maa ko dekhte hoe apne hi tariqe se namaz pardh raha tha
Ab shams ne dua k liye hath uthae ALLAH PAK please shams k baba ko thek kar dein shams ki mama or shams bohat sad he aamen...
Amaya ab bhi namaz pardhne me masroof thi shams jae'namaz utha kar aik side me khadra ho gaya or apni maa ki namaz mukamal hone ka intezar karne laga
Ab amaya ne dua k liye hath uthae or dua karne lagi aus ki ankhon se mote mote ansu beh kar aus ki hatheliyon me gir rahe the...
Amaya ki dua mukamal hote hi shams foran aus k pas aaya or aus ka hath sehda kar k aus ki ungliyon pe apni ungli pherne laga
shams ye ap kiya kar rahe ho?
Mama shams ap k hath ki ungliyon pe tasbi pardh kar apna thora ajar ap ko de raha he wo bohat masoomana andaz me bol raha tha
Shams Quran-E-Hafiz bane ga tou baba tou shams k sath jannat me jae ge par shams ap ko bhi apne sath jannat me le jana chahta he shams ko jannat me bhi ap hi mama chahiye ho,
aus ka lehja itna naram or masoomana tha k amaya ko aus pe toot kar piyar aane laga
aus ne shams ko mathee pe choomte hoe ause gale se laga liya...  
Kahan se seekhi ap ne aesi baatein?
Baba se ais bar aus ne ye nahi kaha k "Apne ap se"....!
kuch hi der mein fahad ne ause aa kar bataya k Aliyan ko hosh aa gaya he
aus ne aik bar phir Dua k liye hath uthae or Apne ALLAH ka shukar ada karne lagi...
shams ab ap zain chachu k sath ghar jao ap ache baby ho naa? mama ki baat mante ho na?
Thek he pehle ap promise karein ap baba ko apne sath ghar le k aae gin
ok promise Inshallah me baba ko ghar zaroor le kar aao gin aus ne apne ansu saf karte hoe wada kiya..
kuch hi der Me Amaya aus k pas gai wo ankhein band kiye leta hoa tha ause dekh kar amaya ki ankhon se mote mote ansu behne...
Tum aa gai Amu chehre pe madham si muskurahat sajae aus ne apni band ankhein kholi
Amaya bilkul aus k samne hi khadri thi kiya howa ro kiyon rahi ho?
Amaya khamosh rahi jese kuch kehna chahti ho par awaz gale me hi daab gai ho...
fahad ye kiyo ro rahi he me thek hun..
fahad mau latkae khadra tha kiya hogaya he sab ko me thek hun mara nahi hun sab aese mau latka kar kiyon khadre ho?
fahad anaya chachu kiya ho gaya he? Amaya mera beta kahan he?
chup aik dum chup ho jaein wo chalte hoe aus k qareeb aai pehle ghar se bahar chale gae,
phir phone kiya k business trip pe ja raha hun, phir cell phone switchoff kar diya,
ap ko hamara koi khayal nahi ap ko tou bas apni marzi karne ka shoq he but atleast phone tou off na karte ab aus ne phir rona shuru kar diya
zara bhi andaza he meri kiya halat ho rahi thi mujhe ap se koi bat nahi karni wo rote hoe wahan se chali gai
wo chehre pe muskurahat sajae khamoshi se amaya ki baatein sunta raha tha or ab ause jate hoe dekh raha tha...
Aliyan beta kesi tabiyat he? Amaya ka bura na manana wo bas pareshan he tumhari ghumshudgi ne ham sab ko pareshani me dal diya tha
Amaya ki halat ham se dekhi nahi ja rahi thi or shams wo tumhein din raat yad karta tha
Badar chachu mujhe khud samjh nahi aaya ye sab kese howa or me janta hun amaya pareshan he zara ghusa he tabhi aese behave kar rahi he...
acha tum aram karo ziyada bolna mat or ziyada sochna bhi mat Allah ka shukar he tumhari zindagi bach gai bas or hamein kuch nahi chahiye...
fahad aus k pas behta aus se hal chal pochne laga
zain kahan he wo nahi aaya? zain nazar na aane pe aus ne sawal kiya
zain aaya tha ausi ne tou ham sab ko khabar di thi wo do hafton se tumhein dhondne me laga tha shams zid kar k anaya k sath aa gaya tha tou amaya ne zain k sath ause ghar bheja he shams ko chor kar wo ata hi hoga...
Amaya Aliyan k samne ziyada rona nahi chahti thi wo ause pareshan nahi karna chahti thi wo ghar chali gai thi
Agley roz Aliyan ko hospital se discharge kar diya gaya or wo ghar aa gaya...

Aliyan neavy blue shalwarkameez me malboos shawl khandhe pe lapete kamre me dakhil howa Amaya bhagte hoe aai or aus k gale lag kar rone lagi
aus ne apna bayan hath amaya k bazu pe rakha Amaya ab bas bhi karo or kitna ro gi?
Abhi mere marne me bohat time he aus ne amaya ko khud se alag kiya
Aliyan ap hamesha itni kardvi batein kiyon karte he?
aus ne Aliyan ko pakar kar bed pe letaya shams bhagte howe aaya
Baba Baba ap aa gae ab ap ka fever kesa he?
jee hanw mere bete i'm fine ap kese ho baba ko miss kiya tiger ne? aliyan ause piyar karne laga
Baba mene ap ko bohat miss kiya ap ko pata he shams ne koi shararat bhi nahi ki ap k bina mera dil bhi nahi lag raha tha
kiyon mere bete ne shararat kiyon nahi ki mama ne dandta he kiya?
nahi ap dandtne k liye nahi the na tabhi shararat nahi ki wo halka sa muskuraya
awww mera shararti beta bohat tez hogae ho kahan se seekhte ho aesi baaten?
apne ap se wo muskurate hoe bola or aus k gale lag gaya Baba ab ap shams ko chor kar kahin nahi jae ge na? ab aus k lehje me thori udasi thi
Nahi me apne bete ko chor kar kahin nahi jaon ga wo ause piyar karne laga
Amaya kapre hang karte hoe Aliyan ko ghoor rahi thi...
chalo jao shams so jao ja kar subha school bhi jana he...
Shams ruko mujhe bhi sath le chalo mujhe tumhari mama se bohat dar lag raha he dekho kese ankhein dikha rahi hen...
Baba lagta he aj ap ki pitai hogi shams ye kehte howe foran bhaag gaya
ruko zara shehtan ziyada baatein aagai hen amaya aus k piche bhagne lagi..
choro bhi bacha he tum aao yahan ab beht kar kuch baatein bhi karo gi ya bas dandti raho gi?
ap mujh se baat mat karein aus ne saakt lehje me jawab diya...
acha thora sa muskura hi do..
aus k lehje me itna piyar or narmi thi k amaya khud ko rook na pai or muskura di..
ye cheez dekha adha tou me tumhari muskurahat se hi thek ho gaya hun wo shararti lehje me bola...
acha ab ziyada makhan na lagae me soop la rahi hun or wo ap ne peena he or phir medicins bhi khani he

Agle roz subha se hi guest aa ja rahe the Aliyan ki tabiyat ka maloom karne sham me Mrs.Badami aain
Mrs.badami fahad ki nebiour hen!
Aliyan beta kese ho? mene tumhara suna me tou dar hi gai bohat duwaein ki ALLAH tumhein sehat de chota bacha he tumhara fahad ki tarah tumhara ghar bhi kharab na hojae..
kiya matlab fahad ki tarah? aliyan herani se bola
ap logo ko nahi pata fahad ne Ramsha ko ghar se nikal diya he dono ki khoob larai hoi
kiya ghar se nikal diya amaya ne lafz dohrae...
oh i'm sorry mujhe laga ap logo ko pata hoga tabhi mene pocha khair ALLAH tumhein sehat de me chalti hun
wo jane k liye khadri hoi piche se anaya ne aune tooka Mrs.Badami ap ko bohat maza aata he logon k ghar ki baat yahan wahan phelane ka thek kehte he mohale wale ap jab bolti he be'tuka bolti he ALLAH na kare jo Bhai ko kuch ho!
Anaya ki bat pe Mrs.Badami ka mou sa ban gaya maf karna Bibi ap bohat mou'phat or chalak hein or chalak larkiyan apne shohar ko qabu me rakhti hein or tum ne bhi zain ko qabu hi kiya hoa he auno ne bhi do'tok jawab diya
Mrs.Badami ap apni limits cross kar rahi he atleast ap ki beti ki tarah tou nahi ho jo chalak hone k bawajod bhi ghar na basa saki Anaya bhi larne k mood me thi
Chup ho jao Anaya Mrs.Badami please ap bhi khamosh ho jaein Amaya ne dono ko tooka!
Mrs.Badami tou mou bana kar chali gai ab anaya bhi mou banae khadri amaya ko ghor rahi thi
Kiya howa mujhe kiyun ghor rahi ho tum ne hi start kiya tha tou zahir he aun pe bhi jawab dena farz tha or waqai tum mou'phat ho amaya hansi dabate hoe boli
Anaya tum ne bataya kiyon nahi k fahad or ramsha ki larai hoi he apne ghar ki baatein humein logon se sun'ne ko mil rahi he kiya ye achi baat he?
wo aliyan bhai fahad bhai ne mana kiya tha batane se or amaya tum already tense thi tou hum ne batana munasib nahi samjha, anaya ne tamam baat batai acha amu tum batao kuch pata chala aun ka?
nahi abhi tak tou nahi pata chala police koshish kar rahi he amaya k chehre pe udasi aa gai...
Amaya humein aun dono ko samjhana chahiye aese tou ain ka ghar kharab ho jae ga
fahad bhai ko samjhae ab tou aun k yahan bhi nanha mehman aane wala he Anaya foran boli
jis pe Amaya or Aliyan heran reh gae par wo khush bhi the
han me fahad se baat karun ga agar ause apne bache ki fikar hogi tou wo Ramsha ko zaroor ghar wapas le aae ga wese ais bare me fahad ne mujhe bataya nahi ....
Amaya kisi soch me gumm hogai
kiya hoa amaya kiya soch rahi ho?
kuch bhi nahi
kiya tumhein ais bare me pata tha?
Nahi mujhe kisi ne nahi bataya abhi anaya se pata chala he khair ap aram karein mujhe kuch kam he wo kamre se bahar chali gai...
                            --------****--------****--------*****------


Raat k 10:00 baj rahe the jab Aliyan nend se bedar howa Amaya Amaya!
wo amaya ko awazein dene laga par amaya ki tarf se ause koi jawab na mila
aus ne uth kar yahan wahan amaya ko talash kiya par wo ause kahin na mili Gul khan aus ne awaz lagai
jee Aliyan Baba? wo bhagta hoa aaya
Amaya kahan he?
Gul khan jo hath bandhein khadra tha wo zara uljhan ka shikar howa k kiya jawab de
mene kuch pocha he?
Ham nahi bata sakta bibi ne mana kiya he wo nazrein jhukae bola
Gul khan Ais se pehle k mujhe ghuse aa jae or ap k sath buri tarah pesh aaon ap khudi bata dein Amaya kahan gai he?
aus ne zara Gul khan ko daraya...
wo Amaya bibi Ramsha bibi k ghar gai he Gul khan ne aus raat ka tamam qisaa Aliyan ko sunaya!
Aliyan ka chehra ghuse se lal ho gaya Amaya ko mat batana k tum ne ye sab mujhe bata diya he aus ne Gul khan ko mana kiya
ji ham bibi sahiba ko Nahi batae ga...
Aliyan dobara kamre me ja kar let gaya or pichle dino ki tamam baatein yaad karne laga wo apne excident wala lamha yaad karne laga wo kuch samjhne ki koshish kar raha tha...
adha ghanta guzra tha jab Amaya ghar wapas aai Amaya ko ata dekh Aliyan ne ankhein band kar li or amaya ko laga k wo ab tak so raha he wo bhi chup chap so gai...

Aliyan k excident ko kai roz guzar chuke the ab aus ki tabiyat pehle se behtar thi wo ab bilkul thek tha
Aliyan jeans T'shirt pe jacket me malboos aik caffe me behta tha shayad wo kisi ka intezar kar raha tha ause yahan behte taqribann aik ghanta hone ko tha
wo ab uth kar wahan se jane laga wo caffe se bahar nakla zain ne wahan se guzarte hoe Aliyan ko dekha tou foran car wahin rok di
Aliyan caffe k bahar khadra yahan wahan dekh raha tha jab zain aus k pas aaya
Aliyan bhai jan ap yahan kiya kar rahe he?
kuch nahi bas wese hi coffee peene aaya tha ab wo wahan se chalne laga
bhai jan ap pedal ja rahe he ap ki car kahan he? or jahan tak mujhe pata he ap ko ais caffe ki coffee bilkul pasand nahi he tou phir----? wo wahin ruka
Zain mera dil chah raha tha yahan aane ko tou me aa gaya or mera dil chah raha he pedal chalne ka mujhe der ho rahi he ALLAH HAFIZ
Aliyan foran wahan se nikal gaya...
Amaya or shams badar alam ki tarf gae hoe the bari mehfil lagi hoi thi
Hina chachi samaira k nikkah ki shopping karne karachi aai hoi thin or Auno ne do din tak anaya or amaya se khoob shopping karwai
abhi wo market se thaaki haari aai thin Mrs.badar khana lagane me masroof thi
Sab dopher k khane k liye daining table pe the sab khana shuru hi karne wale the
Shams ap ne BISMILLAH pardhi? Amaya ause dekhte hoe boli
jee Mama shams ne pardhi he par mama khana khate waqt Bismillah pardhna kiyon zaroori he?
Beta Bismillah pardhna bohat zaroori he sirf khane khate waqt hi nahi bal'kay har kam shuru karne se pehle Bismillah pardhni chahiye
Bismillah pardhne se hamare kam me barkat hoti he
Ap ko pata he Hamare Nabi pak s.a.w ne farmaya: jab Dastar'khuwan bichaya jata he tou ause char'hazar farishte gher lete he or shetan bhi wahan phunch jata he
par jab koi Insan Bismillah pardhta he tou Farishte aus k liye dua dete he or kehte he k ALLAH tumhare khane me barkat de or shetan se kehte he k nikal ja
Aey fasiq, k tujh ko ain logon par ab kuch aikhtiyar nahi he or jab khana kha kar farig hote he or Shukar'Alhamdulillah kehte he tou Farishte kehte he k ALLAH ne ain logon ko Nemat ata farmai
or aino ne shukar apne khuda ka kiya or barkat ki...
Shams bohat Dehan se apni Maa ki baatein sun raha tha wo hamesha apni maa ki har baat dehan se suna karta tha
Amaya ause apne islam k bare me batati rehti thi or shams bhi bohat dilchasbi se suna karta tha..
Mama Agar ham Bismillah Na pardhe tou kiya hoga?
Beta jab ham ALLAH ka naam le kar khana shuru nahi karte or bagair Bismillah pardhe khana shuru kar dete he tou Farishte shetan se kehte he k Qareeb aa ja
Aey Fasiq! or khana kha ais k hamrah ais liye k aino ne khana shuru karte waqt Bismillah nahi pardhi-- tou phir tamam shayateen khane me shareek ho jate he or
tamam barkat uth jati he ab samjhe ap k Bismillah kiyon zaroori he? wo muskurai
Maa ki muskurahat dekh kar Shams k chehre pe bhi madham si muskurahat chaa gai jee Mama ab shams har kam karne se pehle Bismillah pardha kare ga...
Very Good chalo ab sab Bismillah pardh kar khana shuru karo Mrs.Badar muskurati hoi boli...
Mashallah Amaya tum tou abhi se hi shams ko har cheez sikhane lagi ho waqai tum aik achi larki hone k sath sath aik achi bivi, aik achi bahu or bohat achi maa bhi ho
ais bar Hina chachi bhi muskurate hoe aus ki tareef karne lagi...  
khane k baad sab guest room me behte the jab shams Amaya k pas aaya!
Mama ap log roz market kiyon jati hein?
beta ap ki phupo ki shadi he na tou aus ki shopping kar rahe he aus ne muskurate hoe jawab diya...
Amu aao me tumhein kuch dresses dikhati hun please mujhe batao kesi he agar achi nahi he tou me exchange karwa lungi Anaya ause apne bed room me le gai..
Ab wo aus ki dreses dekhne lagi Anaya MASHALLAH sab dreses achi he or tum itne kapre kiyon leti ho or pehanti bhi nahi ho
tumhein pata he qayamat k roz hamein apni har cheez ka hisab dena he or ye jo itne sare kapre he na ain ka bhi hisab hoga
jo kapre tum pehanti nahi ho wo tum kisi gareeb ko de do atleast koi tou pehanne..
kiya kapro ka bhi hisaab dena hoga? Anaya ki ankhein phaati
jee hanw tabhi me extra kapre nahi leti jab koi event ho tab hi leti hun or jo kapre me nahi pehanti wo me kisi gareeb ko de deti ho badle me duwaein bhi mil jati he amaya zara muskurai
Amu phir jo actress hoti he aun k pas tou lakhon kapre hote he wo kese hisab den gi?
ab ye tou mujhe nahi pata medam ap zara zain ki kamai pe halka hath rakhein sare paise lagta he tum kapron me udra deti ho amaya ause tang karne lagi
Anaya ka mou sa ban gaya...!
Anaya roz-e-qayamat har cheez ka hisab hona he ham paise kahan kahan kharach karte he?
ham pani zaya karte he,
kisi ki amanat me khayanat karte he,
kisi ki chez aus ki ijazat k bina use karte he har cheez ka hisab kitab hoga kiya ais bare me tumhein kuch pata bhi he Anaya...?
Anaya ne naa me gardan hilai

"ALLAH NOORALSAMATWATWALARZ"
"ALLAH ne pukara! he koi jo meri aik Amanat ka bojj utha sake"
ye sun kar samandar ki sansein tootne lagin
pahad bibat se larazne lage
pori qainaat par larza taari ho gaya
kisi ko taqat na thi k wo ye bojj uthata
phir ALLAH ne wo amanat insan ko sonp di
or insan aise uthae maztarb or sar'garda he
ye qainat ka sab se bara sabar he
wo amanat ALLAH ki tamam safaat ka par'tu he halka sa aks
ALLAH ne apni tamam safaat insan ko sonp di, Reham,karam,qabar,jabar, pori 99safat or apna aism-e-zaat noor se likh kar pehle hi ais k dil me rakh diya
ALLAH ne jab jin or malaik ko hukam diya k adam ko sajda karo tou wo shirk ka hukam Na'aozubillah nahi diya tha
wo sajda Adam k liye nahi tha bal'kay wo tou aun k dil me mehfooz aism-e-zaat k liye tha
ALLAH k liye tha...
Ais liye aik sha'air ne kaha k mein wo aism'azeem hun jis ko jin or malaik na sajda kiya tha
phir apni 99safaat ka aks insan par dala tou ais ne ye bata diya k insan ais ka khalifa, ais ka na'aib he
ais me itna sabar he k wo ye bojj utha sakta he
tou insan me raheemi bhi he, jabari bhi he, or qahari bhi he
Ab insan ka sab se bara masla ain safaat k darmiyan tawazan qaim rakhna he
Rehmaton ka or safaat ka ye tawazan sirf aik insan ne qaim kar k dikhaya he or wo hein
Rehmat'ul'lil'Aalameen Hamare piyare Nabi s.a.w yuun Insaniyat sarkharu hoi or amanat ka haq ada howa....

Amaya aj phir tum ne mujhe bohat achi baatein batai he mujhe or jan'na he Roz-e-Qayamat Kiya kiya sawal honge?
Thek he me tumhein batati hun wo zara sehdi ho kar behti
Anaya tumhein pata he
Nabi pak s.a.w ne farmaya: Qayamat k din ibn-e-adam k qadam apni jagah se hatne na pae ge
jab tak aus se panch(5) chezon k bare me sawal na kar liya jae ga
1:Ap ki umar kin baton me khoi yani zindagi kin chezon me guzari?
2:Apni jawani kin baaton me ganwai?
3: Mal-o-dolat k bare mein k kese kamaya?
4: Or kin baaton me paise kharach kiye?
5:or Akhri sawal ye k ilm seekh kar ais par amal kahan tak or kitna kiya?
or Aik hades me bataya gaya he k qayamat k din ALLAH PAK ki adalat se koi shaks hatt na sake ga
jab tak k aus se ain panch sawalat ki jawab talbi na kar li jae gi
or ain panch cheezon or nematon ka hisab har shaks ko lazim dena hoga..
Anaya Ais hadees me ye samjhaya gaya he k ALLAH ne Insan ko duniya me jo saman hayat diya he ais k zarre zarre ka hisab dena hoga
or tumhein pata he Surat Alhakum'altakasur ki Akhri aayat ki ye hades tafser he..
Insan tab tak ain panch sawalon ka jawab nahi de sakta
jab tak wo duniya me khuda ka banda ban kar na rahe or zindagi k har mamle me ALLAH k ehkam ki pervi na kare...

Amaya insan tou kabhi ais bare me sochta hi nahi he k wo paise kahan se kama raha he kese kama raha he haram he ya halal?
or paise bhi ham bohat kharch karte he
or hamari jawani tou fazool kamon me guzarti he Anaya sochun me pardh gai ...
Me kuch kapre dongi tum kisi gareeb ko de dena or ainda me pori koshish karun gi fazool kharach na karun...
tumhein pata he me ab namaz pardhte waqt dil khali kar k namaz pardhti hun pora dehan k sath shuru shuru me mujhe mushkil laga tha par phir ahista ahista adat hogai
agar ham dil se koshish karen tou sab ho sakta he...
Amu kabhi kabhi mujhe ye samjh nahi aata k hamari zindagi ka maqsad kiya he? wo sochte hoe boli
Me tumhein batati hun Zindagi Ka Sab Se Bada Maqsad Kiya Hona Chahiye?
zindagi ka maqsad ALLAH PAK Ko Razi Kar k Jannat me jana or dozakh se nijat hasil karne ka hona chahiye
ab ham aik nazar zara apni zindagi pe dalein kiya hamare Aamal aese he k hum
ALLAH PAK ko razi kar sake?
ham jannat paa sake?
ham Rab k hazoor khadre ho sake?
nahi Anaya hamare koi amal aese nahi he agar ALLAH hamare Amal dekh kar hamein deta tou ham Amer na hote hamare pas paisa na hota hamare pas kuch bhi na hota
ALLAH PAK ne insan ko hamesha aus ki oqat se bardh k diya he par ham phir bhi Na'shukre he ALLAH ka shukar ada karne k bijae aus se shikayat karte he k Tu ne hamein ye nahi diya wo nahi diya
par kiya kabhi kisi ne ye socha he k hamare amal kese he? shukar karo k hamara Rab hamare Amal dekh kar nahi deta warna ham khali hath hote
Agar ham ne ALLAH ko Razi kar liya tou Automatically jannat hamari muntazir hogi or dozakh se nijat mil jae gi..

Zindagi ka maqsad kiya he? Akhir ALLAH PAK ne hamein paida kiyun kiya he?
kiya ALLAH PAK ne hamein ais liye paida kiya he k ham ais duniya me Ayashi karein,
Galiyan dein,
hamari har baat ka agaz jhoot or geebat se hota he or ausi pe khatam ho jata he
Maa bap ki na'farmani karna,
har aik ko bura'bhala kehna,
har kisi k liye bura sochna,
kisi ko khush dekh kar aus se hasd karna or aus ki zindagi barbad karne ki koshish karna,
hamare mawshre k Mardon ki har bat ka agaz gali se shuru hota he or har bat ka ikhtitam gali pe hota he,
Mobile paisa chen'ne k chakar me kisi ko qatal kar dena,
or har wo kam jo hamare mawshre me ho raha he jis se ALLAH or aus k piyare Nabi or Quran PAK or Islam ne hamein karne se mana kiya he
Par wo sab kam ham kar rahe he kiya ALLAH ne hamein aisi liye paida kiya he ya hamari zindagi ka maqsad kuch or he?
jo k ham ne bhula diya he ham har waqt shetan k batae hoe raste pe chalte he or bura kam karte he
or qabar ko tou jese ham bhool hi gae he jese ham ne kabhi marna hi nahi he dozak k azab ko bhool gae he
ALLAH or Nabi pak ko bhool gae he ham sab kehte h k ham ALLAH or Nabi pak s.a.w se bohat piyar karte he par kiya kabhi ham ne apne dil se pocha he k kiya waqai ham apne Rab or Nabi se piyar karte he?
Agar Ap ka dil kehta he k han ham waqai apne rab or Nabi pak se piyar karte he tou phir jo ham ais duniya me kar rahe he jo hamare mawshare me ho raha he wo kiyun ho raha he?
Deen ki bat sun'ne or samjhne k liye hamare pas waqt nahi hota namaz pardhne k liye hamare pas waqt nahi hota par or dosre fazool kamon k liye hamare pas waqt hi waqt he

Anaya jo k bohat gor se aus ki baatein sun rahi thi aus ki ankhon me ansu jama hone lage or ab amaya ki ankhein bhi namm ho gai thi
Anaya Allah pak ne hamein ain sab chezon k liye paida nahi kiya he ALLAH PAK ne hamein apni ibadat k liye bheja he,
islam ki taleemat ko aam karne k liye bheja he,
islam ki taleemat pe amal karne k liye bheja he,
Nabi pak k batae hoe raste pe chalne k liye bheja he,
Nabi pak ki zindagi hamare liye aik namoona he jis ko hamein follow karna chahiye jo k ham nahi karte
ham log hi kehte he k zindagi aik dafa mili he enjoy kar lo bilkul enjoy kar lo lekin limit me reh kar
Ab limit kiya he?
Wo jo islam ne batai he k hamein kiya karna he or kiya nahi, kiya cheez hamare liye haram he or kiya halal?
Anaya ye jo ham bolte he na k yar zidagi enjoy kar lo zindagi bas aik bar hi tou milti he jo karna he kar lo
kiya kabhi socha he ya ham sahi kehte he ya galat?
Agar ye bat angrez ya hindu kahe tou samjh bhi aati he kiyun k wo marne k bad dobara zinda hone pe yaqeen nahi rakhte
ALLAH par iman nahi rakhte,
Hazrat Mohammad s.a.w ko ALLAH ka akhri nabi nahi samjhte,
jannat or dozak k concept pe yaqeen nahi rakhte,
Qabar k azab par yaqeen nahi rakhte,
Mout k bad dobara zinda hone par yaqeen nahi rakhte,
aun ka ain chezon par eman hi nahi he!
han agar wo zindagi ko enjoy karein, har bura kam kare, jis se hamein roka gaya he tou ye baat samjh aati he kiyun k aun k liye ye duniya he jannat he
jab k ham musalmano k liye ye jagah aik imtehan ki tarah he jis ka result Roz-e-qayamat aae ga
agar ham pass ho gae tou jannat or agar fail ho gae tou dozak...!
ham musalmano ki ye zindagi arzi he or Musalman marte nahi aun ka inteqal hota he ham aik jagah se dosri jagah mutaqil kiye jate he or qayamat k din hamein dobara zinda kiya jae ga
or phir hamara hisab kitab hoga or aus k bad zindagi shuru hogi jo kabhi na khatam hone wali zindagi hogi
or wo base karti he ais zindagi par jo ham ais duniya me guzar rahe he
Agar ham ALLAH k batae hoe Raste pe chale ge, bure kam se bache ge, haram chezon se bache ge,
Namaz ki pabandi rakhe ge, apna ikhlaq acha rakhe ge, gunah se bache ge or naik amal kare ge tou Roz-e-qayamat hamein jannat me jane ki khush'khabri mile gi
Sab ko pata he k jawani ki ibadat ALLAH ko bohat pasand he tou hamein Allah ki ibadat karne me koi masla nahi hona chahiye
baat sirf itni si he k hamein ALLAH ne apni ibadat k liye paida kiya he or zindagi kis tarah guzarni he Quran Pak hamare pas maujood he jis me sab likha he
or jo jo QuranPak me he Hazrat Mohammad s.a.w ne sab paractically kar k dikhaya he hamein aun ki zindagi ko follow karna he or aisi me kamyabi he
Mout tou aik na aik din sab ko aani he or wo ye nahi dekhti k kon bacha he,
kon jawan he,
kon budha he, mout kabhi bata kar nahi aati
Anaya bas hamein har waqt ALLAH se hidayat ki dua karni chahiye k ALLAH PAK hamein naik raste par chalne ki tofeeq ata farma or har bure kam se bacha
or hamein har aus cheez se dor rakh jo hamein tujh se dor kar rahi he,
or har aus cheez se jord de jo hamein tere qareeb kare...
Agar ham hidayat mange ge tou ALLAH Pak hamein hidayat zaroor dege...
Anaya islam ki baatein itni piyari he k kabhi khatam nahi hoti ham jitna aise jane ge utni hi bardhti jae gin
or umeed he ALLAH Ki baatein kabhi khatam nahi hongi...!


                         ------****----****-----*****------*****-------


Aliyan ap itni dair se kiyon aae he roz fajar ki namaz k bad kahan chale jate he itni der se wapas aate he...
me walk pe gaya tha wo ab office jane k liye tayar hone me masroof tha
Amaya zara chonki walk?
Aliyan jo tie bandhne ki koshish kar raha tha aus ne aik nazar amaya pe dali tou heran hone wali kon si baat he
mera jab jo mood hoga me wohi karun ga amaya ause ghorne lagi
ab tum wahan khadri mujhe ghuro mat yahan aao or ye tie bandho kabhi shohar ki tie bhi bandh diya karo wo ause talne laga
Amaya khamoshi se aus k pas or aus ki tie bandhne lagi
pichle kai roz se wo daily walk pe jane laga tha...!
Aj aik bar phir aus ki mulaqat zain se ausi caffe k bahar hoi
zain tum kiya mujh pe nazar rakhe hoe ho? aus ne sakkt lehje me sawal kiya
bhai jan me kiyun ap par nazar rakhne laga me tou yahan "Mohammadi sweet house" se Anaya k liye cake lene aaya tha mujhe ap nazar aa gae tou ap k pas chala aaya
Tum hamesha Anaya ki khatir'dariyan hi karte rehna wo aik bar phir zara tez lehje se bola...
ap itne ghuse me kiyun he or aj phir ap ka mood yahan ki bakhwas coffe peeni ka howa he wo bhi itni garmi mein? aus ne zara tooka
zain mera khayal he tumhein apne kam se kam rakhna chahiye Aliyan mazeed agey kuch kahe---zain k sawalon se bachta hoa wahan se chala gaya...
zain k chehre pe pareshani bhaari taa'surat the Bhai jan ko hoa kiya he pichle kuch dino se kai bar yahan aa chuke he or ye caffe aune pasand bhi nahi he-- wo sochte hoe wahan se chala gaya...

kuch mahine guzar gae!
Raat ka 1:00Am ho rahe tha side table pe rakha cell phone bajne laga Amaya ne halki si ankhein kholi lamp on kiya cell phone pe nazar dali cell phone ki roshni aus k chehre ko roshan kar rahi thi
zain calling ya ALLAH khair tou he ais waqt zain ki call aus ne foran call receive ki...
zain ki awaz me ghabrahat or pareshani thi!
Aliyan so rahe he or tabiyat bhi kuch thek nahi he aesa karti hun me khudi chali jati hun
subha Aliyan ko call kar k bata dungi Amaya dil me sochne lagi or Aliyan ko bina batae foran hospital rawana hogai
zain k chehre pe bohat udasi chai hoi thi bhabi Anaya-- i hope sab thek ho!
INSHALLAH sab thek hoga tenshion na lo Aliyan ki tabiyat thek nahi thi tou mene auneh bataya nahi me khudi aagai tum ne fahad bhai ko nahi bulaya?
Nahi mene socha adhi raat ko kiya aunki nennd kharab karni so rahe honge bhai jan...
Mr.zain ye kuch medicines he ap le aaen doctor sahab ne chit dete howe kaha...
zain tum yahin ruko me le kar ati hun Amaya lift ki tarf chal di hospital k second floor pe medical store tha
Amaya wahan phunchi tou aik shaks wahan khadra shopkeepar se behas kar raha tha
Amaya ne zara qareeb ja kar dekha fahad bhai ap yahan?
Amaya itni raat ko tum yahan kiya kar rahi ho Aliyan thek tou he na?
jee wo thek hen mujhe zain ne bulaya Anaya admit he yahan zain ne kaha k ap ghar me so rahe hoge tabhi ap ko distrub nahi kiya tou phir ap....?
actually Ramsha yahan admit he achanak aus ki tabiyat kharab hogai tou aus ki ami ne mujhe call ki k hospital aajao me foran aa gaya
Aao Ramsha se mil lo or Mubarak'bad bhi de do fahad k chehre pe bohat khushi thi...
Mubarakbad? matlab ap Baba ban gae Amaya k chehre pe bhi khushi chaaa gai
han meri beti hoi he bohat piyari si beti...
fahad bhai ap ko bohat bohat mubarak ho wo medicines lene k baad khushi khushi fahad k sath Ramsha k pas chal di...
Ramsha bhabi ap ko Mubarak ho Amaya ne pichli do mulaqatein bhula kar ause bohat khushi se beti ki Mubarakbad di..
Ramsha ne amaya ko dekh kar mou bana liya khair mubarak ab yahan kiya lene aai ho sakoon nahi mila hamare bech larai karwa kar jo dobara aagai ho...
Ramsha ye kiya bol rahi ho wo sirf tumhein mubarak dene aai he fahad ause dekhte hoe dandt pisaa k bola ...
Amaya ka cell phone bajne laga Aliyan calling...
hello Amaya kahan ho raat k 3:30Am ho rahe he or tum pore ghar me kahin bhi nahi ho mujhe pareshani ho rahi he..
Aliyan ap pareshan na ho me hospital me hun zain ne bulaya tha Anaya admit he mene ap ko uthaya nahi mene socha ap ki tabiyat kharab he ap ko rest karna chahiye or
yahan aai tou fahad bhai bhi yahi the fahad bhai ki beti hoi he amaya ne bohat khushi se ause bataya..
ye tou bohat khushi ki baat he me aa raha hun ye keh kar aus ne phone band kar diya...
ary wah kiya baat he shohar ko bina batae adhi raat ko ghar se akeli aagai kiya jadu kia he aliyan par? Ramsha taalakh lehje me boli
Amaya ne aus ki baat an'suni kardi fahad bhai mujhe chalna chahiye anaya ko medicines deni hen..
han han jao jao apni dost ki khatir'dariyan karo bohat piyar he na tum dono doston mein Ramsha ne phir talakh lehje me baat ki....
par amaya bina koi jawab diye wahan se chali gai wo Ramsha se koi behas nahi karna chahti thi...


                                                          To Be Continue....